2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
TAFALLA
Eskumenak bereganatzea
12/2019 dekretua, irailaren 25ekoa.
Tokiko Gobernu Batzordeari ondoko espediente hauetarako eskuordetzan emandako eskumenak bereganatzea: “Ezponda egonkortzea Tafallako el Ferialen” eta LICOBRMA/2019/19 - Obra-lizentzia Embutidos Hortanco SLri.
Ikusita Alkatetzaren 2019ko uztailaren 1eko 1 zenbakiko dekretua, zeinaren bidez Tokiko Gobernu Batzarraren esku uzten baitira legez Alkatetzarenak diren zenbait eskumen.
Hirigintzako espediente hauek ikusita:
–“Tramitazio arrunteko espedientearen onespena, Tafallako el Ferialeko ezponda egonkortzeko obren administrazio-kontratua adjudikatzeko.”
–“LICOBRMA/2019/19 zenbakiko obra-lizentzia, Embutidos Hortanco SL enpresak industria nabea eraiki dezan.”
Ikusirik Hirigintza Alorreko zuzendariak egindako txostenak, eskumenen bereganatze honen beharra arrazoitzen dutenak:
–Tafallako el Ferialen ezponda egonkortzeko obren adjudikazioa tramitatzeko espedienteari dagokionez, obra horiek aurtengo ekitaldian hasteko beharra dagoelako.
–LICOBRMA/2019/19 zenbakiko obra-lizentzia tramitatzeko espedienteari dagokionez, hura ebazteko epea datorren urriaren 1ean bukatzen delako, uztailaren 26ko 1/2017 Legegintzako Foru Dekretuaren 194. artikuluari jarraituz.
Aipatu epeak bete beharrez, premiazko kontua dela ikusirik, eta obra-lizentzia tramitatzeko espediente eta adjudikazio prozedura horiek azkartzeko asmoarekin;
Legeak ematen dizkidan eskumenen indarrez,
EBAZTEN DUT:
Lehendabizikoa.–Alkatetzaren 2019ko uztailaren 1eko 1 zenbakiko Dekretuaren bidez Tafallako Udaleko Gobernu Batzarraren esku utzitako eskudantzien erabilera bereganatzea, hirigintzako espediente hauetarako:
–“Tramitazio arrunteko espedientearen onespena, Tafallako el Ferialeko ezponda egonkortzeko obren administrazio-kontratua adjudikatzeko”.
–“LICOBRMA/2019/19 zenbakiko obra-lizentzia, Embutidos Hortanco SL enpresak industria nabea eraiki dezan”.
Bigarrena.–Dekretu honetako bereganatzea, dekretua eman den egunean jarriko da indarrean, eta ondoko eskudantzia hauek hartzen ditu: bi espedienteak onesteari lotutakoak eta haiek gauzatzean sortzen diren gorabeherak ebazteari lotutakoak.
Hirugarrena.–Dekretu hau Nafarroako Aldizkari Ofizialean argitaratzea eta honen berri ematea Udalbatzari eginen den hurrengo osoko bilkuran.
Laugarrena.–Hirigintza Alorrari, Idazkaritza Nagusiari, Kontu-hartzailetzari eta Aholkularitza Juridikoari igortzea, behar diren ondorioak izan ditzan, eta beraien espedienteetan sartzea.
Tafallan, 2019ko irailaren 25ean.–Alkatea, Jesús M. Arrizubieta Astiz.
Iragarkiaren kodea: L1912518
