1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
89C/2019 EBAZPENA, irailaren 11koa, Enpresa Politikaren, Nazioarteko Proiekzioaren eta Lanaren zuzendari nagusiak emana. Honen bidez erabaki da Club Atlético Osasunak lanaldi partzialean kontratatutako atezaintzako langileen eta jarlekuzainen hitzarmen kolektiboa erregistratu, gorde eta Nafarroako Aldizkari Ofizialean argitaratzea.
Aztertu da Iruñeko Club Atlético Osasunak lanaldi partzialean kontratatutako atezaintzako langileen eta jarlekuzainen hitzarmen kolektiboaren testua (kode zenbakia: 31001400011988), erregistro honetan 2019ko abuztuaren 26an sartu zena, enpresaren eta sindikatuen ordezkariek 2019ko abuztuaren 22an sinatua, Langileen Estatutuari buruzko Legearen testu bategina onetsi zuen urriaren 23ko 2/2015 Legegintzako Errege Dekretuaren 90. artikuluaren 2. eta 3. idatz-zatietan eta Hitzarmen Kolektiboen Erregistro eta Gordailuei buruzko maiatzaren 28ko 713/2010 Errege Dekretuan ezarritakoaren arabera. Horrenbestez,
EBATZI DUT:
1. Nafarroako Lan Hitzarmen eta Akordio Kolektiboen Erregistroan inskribatzeko agintzea.
2. Nafarroako Aldizkari Ofizialean argitaratzeko agintzea, orok jakin dezan.
Iruñean, 2019ko irailaren 11n.–Enpresa Politikaren, Nazioarteko Proiekzioaren eta Lanaren zuzendari nagusia, Izaskun Goñi Razquin.
Iruñeko Club Atlético Osasunak lanaldi partzialean kontratatutako atezaintzako langileen eta jarlekuzainen hitzarmen kolektiboa (PDFa).
Iragarkiaren kodea: F1912011
