2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
IRUÑA
2020ko urtarrilaren 1etik aitzina indarra hartuko duten tributu bidezko diru-sarreren eta prezio publikoen erregulazioan
izandako aldaketak. Hasiera bateko onespena
Udaleko Osoko Bilkurak, legezko quoruma edukita, honako erabaki hau hartu zuen 2019ko urriaren 3an:
Ikusirik espedientean jasotako agiriak eta Tokiko Gobernu Batzarrak 2019ko irailaren 18an hartutako erabakia -haren bidez onetsi baitzen 2020. urteko ekitaldirako Ordenantza Fiskalak eta Prezio Publikoak erregulatzen dituzten Arauak aldatzeko Proiektua-, eta Nafarroako Toki Ogasunei buruzko 2/95 Foru Legean eta Nafarroako Toki Administrazioko 6/90 Foru Legean ezarritakoarekin bat, honako hau erabakitzen da:
1.–Hasiera batez onestea honako tributu hauen ordainarazpena arautzen duten ordenantza fiskalen indarreko testuetan edota tarifa-eranskinetan egindako aldaketak:
0. ordenantza | Kudeaketarako, diru-bilketarako eta ikuskapenerako ordenantza fiskala |
1. ordenantza | Lurren gaineko kontribuzioa |
3. ordenantza | Eraikuntzen, instalazioen eta obren gaineko zerga |
4. ordenantza | Hiri-lurren balio-gehikuntzaren gaineko zerga |
6. ordenantza | Okupatu gabeko etxebizitzen gaineko zerga |
7. ordenantza | Trakzio mekanikoko ibilgailuen gaineko zerga |
8. ordenantza | Agiriak eta bestelako euskarriak egin eta bideratzeko tasak |
9. ordenantza | Zaintza bereziko zerbitzuak emateko tasak |
13. ordenantza | Ibilgailuak bide publikotik erretiratu eta, horren ondorioz, haiek zaintzeko zein ibilgailuak bide publikoan ibilgetzeko zerbitzuen truke ordaindu beharreko tasak |
18. ordenantza | Ezkontza zibilak egiteagatik ordaindu beharreko tasak |
20. ordenantza | Ibilgailuak espaloietan barna sartzeko eta bide publikoa aparkaleku esklusibo gisara erabili, ibilgailuak gelditu eta edozein motatako salgaien zamalanak egite aldera bertan tokia erreserbatzeko ordaindu beharreko tasak |
21. ordenantza | Hiriko jabari publikoko lurzoru, hegalkin eta zorupearen erabilera pribatibo edo berezietarako tasak |
23. ordenantza | Trakzio mekanikoko ibilgailuak aparkatze mugatu eta murriztuko eremuetan aparkatzeko tasak |
24. ordenantza | Kontribuzio bereziak |
2.–Hasiera batez onestea ondoan zerrendatzen diren zerbitzuak emateagatik edo udal-jarduerak egiteagatik ezarritako prezio publikoak arautzen dituzten arau eta tarifa-eranskinetako indarreko testu eta tarifetan egindako aldaketak:
1. araua | Udalaren lokalak eta guneak erabiltzeko prezio publikoak |
2. araua | Udalaren kirol-instalazioak eta eskoletako areto eta instalazioak erabiltzeko prezio publikoak |
3. araua | Adinekoendako udal-zerbitzuen eta jantoki sozialeko zerbitzuaren prezio publikoak |
6. araua | Catalina de Oscáriz arte eta lanbideetako udal-eskolako ikastaroetako matrikula |
7. araua | Joaquín Maya Udaleko musika-eskola bereziak ematen dituen ikasketetan izena eman eta parte hartzeagatik ordaindu beharreko prezio publikoak |
9. araua | Udalak edo udal-erakunde autonomoek antolatutako hezkuntza-, kultura-, kirol- edota gizarte-arloetako nahiz osasuna sustatzeko ikastaro eta jardueretarako sarrera, izen-emate edo matrikulen prezio publikoak |
11. araua | Errauts-kutxatilen zein kutxatila-euskarri eta hilarriko multzoen salmenta San Jose udal-hilerrian |
12. araua | Udalaren garabi zerbitzuak partikularrei laguntza emateagatik ordaindu beharreko prezio publikoak |
3.–Espresuki onestea kostua baino txikiagoak diren prezio publikoak ezartzen direla espedientean jasotako agirian zehazten diren arauetan, justifikazioa, betiere, agiri horretan berean jasotzen delarik.
4.–Jakitera ematea aldaketarik gabe eta, horrenbestez, indarrean segitzen dutela honako tributu hauen ordainarazpena erregulatzen duten ordenantza fiskalek eta tarifa-eranskinek:
2. ordenantza | Jarduera ekonomikoen gaineko zerga |
5. ordenantza | Luxuzko gastuen gaineko zerga: Bingo jokoa |
10. ordenantza | Hirigintzaren arloko lizentziak eman eta kontrol-jarduera administratiboak egiteagatik ordaindu beharreko tasak |
11. ordenantza | Ingurumena babesteari eta jarduera kaltegabeei dagokienez baimenak eman eta administrazioko kontrol-jarduerak egiteagatik ordaindu beharreko tasak |
12. ordenantza | Udal-erabakietan, ordenantzetan eta bestelako arauetan aurreikusitako ikuskapenak zein aztertzeko eta kontrolatzeko bestelako esku-hartzeak direla medio ordaindu beharreko tasak |
14. ordenantza | Betearazpen-agindu, betetze subsidiario eta partikularrendako laguntzetarako tasak |
15. ordenantza | San Jose udal-hilerriko zerbitzuengatik ordaindu beharreko tasak |
16. ordenantza | Iruñeko animaliak hartzeko zentroak emandako zerbitzuak eta arriskugarri gerta daitezkeen animaliak edukitzeko lizentziak emateko tasak |
17. ordenantza | Elikagaien eta ingurumen-laginen gaineko saiakuntza kimiko eta mikrobiologikoak egiteko tasak |
19. ordenantza | Erabilera publikoko lurretan zangak, laginketak eta zuloak egitea eta bide publikoan zoladura edo espaloiak mugitzeko tasak |
22. ordenantza | Hornidurako zerbitzuak ustiatzen dituzten enpresek hiriko jabari publikoko lurzoru, hegalkin eta zorupearen aprobetxamendu bereziengatik ordaindu beharreko tasak |
5.–Jakitera ematea aldaketarik gabe eta, horrenbestez, indarrean segitzen dutela honako zerbitzuak edo udal-jarduera hauek direla medio ordaindu beharreko prezio publikoak erregulatzen dituzten arau fiskalek eta tarifa-eranskinek:
4. araua | Udal-apartamentuetako premiazko ostatu-zerbitzuaren prezio publikoak |
5. araua | Etxez etxeko laguntza zerbitzuaren prezio publikoak |
8. araua | Iruñeko Udalaren haur-eskoletako hezkuntza- eta asistentzia-zerbitzuengatik ordaindu beharreko prezio publikoak |
10. araua | Desinfekzio parkeko, bainuetxeko, albaitaritzako eta Animaliak Hartzeko Zentroko zerbitzuak |
13. araua | Sanferminetako ekipaje-kontsignako zerbitzuaren prezio publikoak |
14. araua | Autokarabanak edo etxebizitza-ibilgailuak autokarabanetarako Iruñeko zerbitzugunean aparkatu eta gaua pasatzeagatik ordaindu beharreko prezio publikoak |
15. araua | Nbici-Biziz zerbitzuko aparkaleku publikoan bizilagunek bizikletak aparkatzeagatik ordaindu beharreko prezio publikoak |
6.–Jendaurreko epean erreklamazio edo alegaziorik aurkeztuz gero ordenantza fiskal eta prezio publikoak erregulatzen dituzten arau zehatzen aldaketei, Osoko Bilkurak behin betiko onetsi beharko ditu horiek, baina ez du eraginik izanen espedientearen gainerakoa izapidetzeari dagokionez, izan ere, hori behin betiko onetsitzat joko da berariazko erabakirik hartu behar gabe.
7.–Ordenantza Fiskaletan eta Prezio Publikoak erregulatzen dituzten Arauetan egindako aldaketek, zeinak hasiera batez onetsi baitira, 2020ko urtarrilaren 1ean hartuko dute indarra, betiere aldez aurretik argitara emanen direlarik Nafarroako Aldizkari Ofizialean.
Indarra duten xedapenak betez, espedientea ikusgai dago Zerbitzu Orokorretako Alorreko Ogasuneko Zuzendaritzan (Udaletxe plaza, z.g., 1. solairua; telefonoa: 948 420 206). Jendaurreko epea hogeita hamar egun baliodunekoa izanen da, iragarki hau Nafarroako Aldizkari Ofizialean argitaratu eta biharamunetik aitzina.
Hori guztia argitara ematen da jende orok jakin dezan.
Iruñean, 2019ko urriaren 7an. Alkate udalburua, Enrique Maya Miranda.
Iragarkiaren kodea: L1912903
