2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
OTEITZA
2019ko 3. eta 4. aurrekontu-aldaketak. Hasierako onespena
Oteitzako Udalak, 2019ko otsailaren 19ko erabakiaren bidez, hasiera batean onetsi zituen 2019ko gastuen aurrekontuko kreditu berezien espedienteak. Hona hemen:
Aurrekontuko 3/2019 aldaketa: Basolanak egiteko makinak erosteko kreditu bereziaren espedientea, 2.097,79 eurokoa, 169,62300 “Makinak eta lanerako bitartekoak erostea” gastuen partidan. Finantzatuko da 87000 “Baliabide atxikietarako diruzaintzako gerakina” diru-sarreren partidarekin, zenbateko berdinarekin.
Aurrekontuko 4/2019 aldaketa: Kreditu bereziaren espedientea abeltzaintzako toki azpiegiturak hobetzeko obretarako, 40.050,44 eurokoa, 4121,69200 “Abeltzaintzako toki azpiegiturak eraberritzea” gastuen partidan. Finantzatuko da 7508001 “Nafarroako Gobernuaren dirulaguntza, abeltzaintzako azpiegiturak hobetzeko” diru-sarreretako partidarekin (19.970,60 euro) eta 87100 “Baliabide atxikietarako diruzaintzako gerakina” diru-sarreretako partidarekin (20.079,84 euro).
Espedienteak Idazkaritzan egonen dira ikusgai hamabost egun baliodunean, iragarki hau Nafarroako Aldizkari Ofizialean argitaratu eta biharamunetik hasita, bizilagun edo interesdunek aztertu eta egokiak iruditzen zaizkien erreklamazioak aurkeztu ahal izateko. Hori guztia, Nafarroako Toki Ogasunei buruzko martxoaren 10eko 2/1995 Foru Legea aurrekontuen eta gastu publikoaren alorretan garatzen duen irailaren 21eko 270/1998 Foru Dekretuaren 35. artikuluan xedatuari jarraikiz.
Erreklamaziorik aurkeztu ezean, aurrekontu-aldaketak behin betiko onetsitzat joko dira, arestian aipatutako jendaurreko epea iragan ondoan.
Oteitzan, 2019ko irailaren 23an.–Alkatea, Rubén Darío Martínez Landa.
Iragarkiaren kodea: L1912351
