4. PROZEDURA JUDIZIALAK
NAFARROAKO JUSTIZIA AUZITEGI NAGUSIA
Marañongo Bake Epaitegiko epaile titular izateko kargua hutsik
Marañongo bake epaile titularraren kargua hutsik dago, udalak egindako proposameneko izendapenik ez baitu egin Gobernu Salak. Horrenbestez, bidezkoa da Gobernu Salak zuzenean izendatzea epaile ordezkoa, Botere Judizialari buruzko Lege Organikoaren 101.4 artikuluan eta Bake Epaileei buruzko ekainaren 7ko 3/1995 Erregelamenduaren 11. artikuluan ezarritakoari jarraituz.
Bake epaile izendatzeko eskatzen diren baldintzak hauek dira: espainiarra izatea, adin nagusikoa, funtzio judizialean aritzeko ezindua ez egotea, dolozko delituengatik inoiz kondenatua ez izatea eta halako delituengatik auzipeturik edo inputaturik ez egotea eta eskubide zibilak osorik erabili ahal izatea.
Izendatua izateko interesa dutenek eskaera aurkezten ahal dute, zuzenean, Nafarroako Justizia Auzitegi Nagusiko Gobernu Salari zuzendua (San Roke kalea, z.g., 31011 Iruña).
Iragarki hau Nafarroako Aldizkari Ofizialean argitaratzen den egunetik hamar eguneko epea dago eskaerak aurkezteko.
Iruñean, 2019ko irailaren 16an.–Gobernu idazkaria, Francisco Javier Isasi Barbier.
Iragarkiaren kodea: J1912250
