Iragarkia

188. ALDIZKARIA - 2019ko irailaren 24a

1. NAFARROAKO FORU KOMUNITATEA

1.4. DIRU-LAGUNTZAK, LAGUNTZAK ETA BEKAK

21/2019 EBAZPENA, irailaren 13koa, Enpresa Politikaren, Nazioarteko Proiekzioaren eta Lanaren zuzendari nagusiak emana, abuztuaren 2ko 471/2019 Ebazpenean atzemandako akatsak zuzentzen dituena. Ebazpen horren bidez onetsi zen Nazioartekotzeko zerbitzuen kontratazio espezializaturako dirulaguntzak emateko deialdia (2019-2020).

Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 125. artikuluak adierazten du administrazio egintzetan eta xedapenetan egiten diren akats material, aritmetiko edo egitatezkoak zuzentzea kasuan kasuko egintza edo xedapena eman duen organoari dagokiola.

Akats bat atzeman denez Politika Ekonomiko eta Enpresarialaren eta Lanaren zuzendari nagusiaren abuztuaren 2ko 471/2019 Ebazpenean, bidezko da hura zuzentzea. Ebazpen horrek nazioartekotzeko zerbitzuen kontratazio espezializaturako dirulaguntzak emateko deialdia (2019-2020) onesten du.

Deialdiaren 4. oinarrian, dirulaguntzaren zenbatekoari eta intentsitateari buruzkoan, adierazi da bidaietarako dirulaguntza izanen dela herrialdeari dagokion bidaia-poltsaren zenbateko osoa hartzen duten gastu justifikatuen zenbatekoaren bestekoa. Deialdiak, ordea, ez dakar herrialdeetako bidaia-poltsei buruzko eranskinik.

Beraz, Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak erabiliz,

EBAZTEN DUT:

1. Nazioartekotzeko zerbitzuen kontratazio espezializaturako dirulaguntzak emateko deialdiaren (2019-2020) 4. oinarriko akats materiala zuzentzea (deialdi hori Politika Ekonomiko eta Enpresarialaren eta Lanaren zuzendari nagusiaren abuztuaren 2ko 471/2019 Ebazpenaren bidez onetsi zen). Hortaz, aipatu oinarria honela geratzen da idatzita:

2. Onestea Politika Ekonomiko eta Enpresarialaren eta Lanaren zuzendari nagusiaren abuztuaren 2ko 471/2019 Ebazpenaren II. eranskina, bidaia-poltsei buruzkoa.

3. Ebazpen hau eta eranskina Nafarroako Aldizkari Ofizialean eta navarra.eus webgunean argitaratzea, orok jakin dezan.

4. Ebazpen honek ez du administrazio bidea amaitzen, eta honen aurka gora jotzeko errekurtsoa jar dezakete interesdunek, Garapen Ekonomiko eta Enpresarialeko kontseilariari zuzendua, argitaratu eta biharamunetik hilabeteko epean.

Iruñean, 2019ko irailaren 13an.–Enpresa Politikaren, Nazioarteko Proiekzioaren eta Lanaren zuzendari nagusia, Izaskun Goñi Razquin.

II. ERANSKINA

Iragarkiaren kodea: F1912117