Iragarkia

177. ALDIZKARIA - 2019ko irailaren 9a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Oposizioak eta lehiaketak. Lan publikoaren eskaintza

2363/2019 EBAZPENA, abuztuaren 23koa, Funtzio Publikoko zuzendari nagusiak emana, zeinaren bidez bukaera ematen baitzaio Nafarroako Foru Komunitateko Administrazioaren eta haren erakunde autonomoen zerbitzuko prestakuntzako eta enpleguko erdi mailako tituludun lanpostu hutsak lekualdatze-lehiaketa bidez betetzeko prozedurari.

Funtzio Publikoko zuzendari nagusiaren azaroaren 19ko 2768/2018 Ebazpenaren bitartez, deialdia onetsi zen Nafarroako Foru Komunitateko Administrazioaren eta haren erakunde autonomoen zerbitzuko prestakuntzako eta enpleguko erdi mailako tituludun lanpostu hutsak lekualdatze-lehiaketa bidez betetzeko. Ebazpena 2018ko 236. Nafarroako Aldizkari Ofizialean argitaratu zen, abenduaren 10ekoan.

Funtzio Publikoko zuzendari nagusiaren abenduaren 28ko 3073/2018 Ebazpenaren bidez, zuzenean onetsi zen izangai onartuen behin betiko zerrenda. Ebazpen hori 2019ko 12. Nafarroako Aldizkari Ofizialean argitaratu zen, urtarrilaren 18koan.

Ondoren, Funtzio Publikoko zuzendari nagusiaren ekainaren 17ko 1680/2019 Ebazpenaren bidez, hamar egun balioduneko epea ireki zen euskararen ezagutza egiaztatzeko ele biko lanpostuetan, eta lekualdatze lehiaketan sartutako behin betiko lanpostu hutsak zehaztu ziren.

Azkenik, Funtzio Publikoko zuzendari nagusiaren uztailaren 5eko 1976/2019 Ebazpenaren bidez, lanpostu hutsak aukeratzeko ekitaldirako deia egin zen, eta 10 egun balioduneko epea ireki zen lanpostuak aukeratzeko.

Deialdian ezarritakoari jarraikiz lanpostu hutsak aukeratzeko ekitaldia eginik, bidezkoa da orain lehiatzaileei lanpostuak esleitzea.

Horrenbestez, eta otsailaren 21eko 30/2005 Foru Dekretuaren bidez esleiturik ditudan eskudantziak erabiliz,

EBAZTEN DUT:

1. Nafarroako Foru Komunitateko Administrazioaren eta haren erakunde autonomoen zerbitzuko prestakuntza eta enpleguko erdi mailako tituluduna izateko lanpostu hutsak lekualdatze lehiaketa bidez betetzeko prozedurari amaiera ematea. Lanpostu hauek esleituko dira:

Amaya Bengochea Carpena andreari, prestakuntzarako zerbitzu berezietako egoera administratiboan baitago, 10541 zenbakiko lanpostu hutsa, funtzionarioen araubidekoa, Nafarroako Enplegu Zerbitzua-Nafar Lansareari atxikia.

Ana Arteaga Martínez andreari, zerbitzu zuzendaritza bat betetzen ari baita, 10518 zenbakiko lanpostu hutsa, funtzionarioen araubidekoa, Nafarroako Enplegu Zerbitzua-Nafar Lansareari atxikia.

Silvia Lander Erdozain andreari, merezimendu lehiaketaren bidezko burutza bat betetzen ari baita, 10539 zenbakiko lanpostu hutsa, funtzionarioen araubidekoa, Nafarroako Enplegu Zerbitzua-Nafar Lansareari atxikia.

2. Lehiatzaileei adieraztea haien destino berrien jabetza egintzat joko dela, beste tramiterik gabe, 2019ko irailaren 16an.

3. Indarreko araudian eta deialdiaren oinarrietan xedatutakoarekin bat, honako hau adieraztea:

a) Zerbitzu zuzendaritza bat edo burutza bat betetzen ari diren lehiatzaileen kasuan, lanpostuaz jabetzen badira, zuzendaritza edo burutza utzi beharko dute, Nafarroako Administrazio Publikoetako lanpostuak betetzeko erregelamendua onesten duen azaroaren 6ko 215/1985 Foru Dekretuaren xedapen gehigarri bakarrean eta deialdiaren 3.7 oinarrian ezarritakoarekin bat.

b) Lanpostuaz jabetzeko egunean zerbitzu berezietako, prestakuntzarako zerbitzu berezietako, eszedentzia bereziko edo liberazio sindikaleko egoera administratiboan dauden lehiatzaileen jabetza egintzat joko da egun horretan berean, bestelako tramiterik gabe. Egoera horretan jarraituko dute, egoera horri amaiera eman nahi diotela adierazi ezean; horretarako, aldez aurretik jakinarazi beharko diote Funtzio Publikoko Zuzendaritza Nagusiari.

4. Lekualdatze-lehiaketaren ondorioz 28 lanpostu hutsik gelditu dira, eta I. eranskinean jaso dira.

5. Ebazpen hau igortzea, behar diren ondorioak izan ditzan, Eskubide Sozialetako Departamentuko Idazkaritza Tekniko Nagusira, Nafarroako Enplegu Zerbitzua-Nafar Lansarera eta Funtzio Publikoko Zuzendaritza Nagusiko Langileriaren Gastuaren Kontrolaren eta Nominen Zerbitzura eta Langileriaren Kudeaketako Zerbitzura.

6. Ebazpen hau Nafarroako Aldizkari Ofizialean argitara dadila agintzea. Horrek jakinarazpenaren ondorio guztiak edukiko ditu, Administrazio Publikoen Administrazio Prozedura Erkideari buruzko urriaren 1eko 39/2015 Legearen 45. artikuluan ezarritakoari jarraikiz, eta gora jotzeko errekurtsoa aurkezten ahalko da haren kontra, Lehendakaritzako, Berdintasuneko, Funtzio Publikoko eta Barneko kontseilariari zuzendua, hilabeteko epean, jakinarazi eta biharamunetik hasita, Administrazio Publikoen Administrazio Prozedura Erkideari buruzko urriaren 1eko 39/2015 Legearen 121. eta 122. artikuluetan ezarritakoarekin bat.

Iruñean, 2019ko abuztuaren 23an.–Funtzio Publikoko zuzendari nagusia, Amaia Goñi Lacabe.

Iragarkiaren kodea: F1911279