Iragarkia

177. ALDIZKARIA - 2019ko irailaren 9a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.1. Kargu-uzteak, izendapenak eta bestelako egoerak

3045/2019 EBAZPENA, abuztuaren 30ekoa, Hezkuntza Departamentuko Hezkuntza Baliabideen zuzendari nagusiak emana, baimena ematen duena Giza Baliabideen Zerbitzuko zuzendariaren abuztuaren 8ko 2900/2019 Ebazpenean atzemandako akatsa zuzentzeko.

Hezkuntza Departamentuko Giza Baliabideen Zerbitzuko zuzendariak abuztuaren 8an 2900/2019 Ebazpena eman zuen. Ebazpen horren bidez onetsi zen Nafarroako Foru Komunitateko Administrazioaren kudeaketa esparruko Bigarren Hezkuntzako irakasleen kidegoan sartzeko eta bertara igotzeko eta Lanbide Heziketako irakasle teknikoen kidegoan sartzeko hautapen prozeduren espedientea (Giza Baliabideen Zerbitzuko zuzendariaren martxoaren 6ko 850/2018 Ebazpenaren bidez onetsi ziren prozedura horiek). Ikusirik akatsak daudela, bidezkoa da haiek zuzentzea, Administrazio Publikoen Administrazio Prozedura Erkideari buruzko urriaren 1eko 39/2015 Legearen 109.2. artikuluan ezarritakoaren arabera.

Horiek horrela, Hezkuntza Departamentuko oinarrizko egitura ezartzen duen abuztuaren 14ko 91/2019 Foru Dekretuaren artikulu bakarraren 4. puntuak ezarritakoarekin bat etorriz, eta Hezkuntza Departamentuko egitura organikoa ezartzen duen urtarrilaren 11ko 5/2017 Foru Dekretuak ematen dizkidan ahalmenak erabiliz,

EBAZTEN DUT:

1. Giza Baliabideen Zerbitzuko zuzendariak abuztuaren 8an emandako 2900/2019 Ebazpenaren eranskinean atzemandako akats materialak zuzentzea. Ebazpen horren bidez onetsi zen Nafarroako Foru Komunitateko Administrazioaren kudeaketa esparruko Bigarren Hezkuntzako irakasleen kidegoan sartzeko eta bertara igotzeko eta Lanbide Heziketako irakasle teknikoen kidegoan sartzeko hautapen prozeduren espedientea (Giza Baliabideen Zerbitzuko zuzendariaren martxoaren 6ko 850/2018 Ebazpenaren bidez onetsi ziren prozedura horiek).

–Bigarren Hezkuntzako Irakasleen Kidegoko Geografia eta Historia (euskara) espezialitatean:

Honako hau dioen tokian: “Geografia eta Historia / euskara.

Honako hau behar du: “Geografia eta Historia / euskara.

–Lanbide Heziketako Irakasle Teknikoen Kidegoko Makinen Mekanizazioa eta Mantentze-lanak (euskara) espezialitatean:

Honako hau dioen tokian: “Makinen Mekanizazioa eta Mantentze-lanak / euskara.

Honako hau behar du: “Makinen Mekanizazioa eta Mantentze-lanak / euskara.

2. Ebazpen hau eta eranskina Nafarroako Aldizkari Ofizialean argitara daitezela agintzea.

3. Ebazpen hau igortzea Hezkuntza Departamentuko Idazkaritza Tekniko Nagusira eta Giza Baliabideen Zerbitzuko Deialdien Atalera, behar diren ondorioak izan ditzan, eta interesdunei jakinaraztea, adieraziz ebazpen honek ez duela administrazio bidea agortzen eta haren aurka gora jotzeko errekurtsoa aurkez dezaketela, Lehendakaritzako, Funtzio Publikoko, Barneko eta Justiziako Departamentuko kontseilariari zuzendua, hilabeteko epean, argitaratu eta hurrengo egunetik hasita, honako hauekin bat: Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 126. artikulua eta Administrazio Publikoen Administrazio Prozedura Erkideari buruzko urriaren 1eko 39/2015 Legearen 121. eta 122. artikuluak.

Iruñean, 2019ko abuztuaren 30ean.–Hezkuntza Baliabideen zuzendari nagusia, Begoña Unzué Vela.

Iragarkiaren kodea: F1911427