2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
IRUÑA
Osoko Bilkuraren Batzordeen sorrera eta osaera
Iruñeko Udalbatzak, 2019ko uztailaren 3ko Osoko Bilkuran, honako erabaki hau hartu zuen:
PLE 03-JUL-19 (10/AL).
Bat etorrita indarreko xedapenekin,
ERABAKITZEN DA:
1.–Hiru batzorde arrunt sortzea, honako izen hauekin:
–Lehendakaritza Batzordea.
–Dagozkion gaiak: Honako Alor hauei dagozkienak: Gobernu Estrategikoa, Merkataritza eta Turismoa, Zerbitzu Orokorrak eta Herritarren Segurtasuna.
–Herritarren Aferen Batzordea.
–Dagozkion gaiak: Honako Alor hauenak: Hezkuntza, Herritarren Partaidetza eta Gazteria, Kultura eta Berdintasuna, Gizarte Zerbitzuak, Komunitate Ekintza eta Kirola.
–Hirigintza Batzordea.
–Dagozkion gaiak: Honako Alor hauenak: Hirigintza, Etxebizitza eta Osasuna, Proiektu Estrategikoak, Mugikortasuna eta Jasangarritasuna.
2.–Hiru batzorde sortzea, honako izen hauekin:
–Kontuen Batzorde Berezia.
–Kontratazioak Zaintzeko Batzordea.
–Iradokizun eta Erreklamazioen Batzordea.
3.–Sei Batzordeen osaera honako hau izanen da: Navarra Sumako 5 zinegotzi, Bilduko 3 zinegotzi, PSNko 2 zinegotzi eta Geroa Baiko zinegotzi 1.
Iruñean, 2019ko uztailaren 3an.–Alkatea, Enrique Maya Miranda.
Iragarkiaren kodea: L1911428