1. NAFARROAKO FORU KOMUNITATEA
1.7. BESTELAKOAK
488/2019 EBAZPENA, abuztuaren 8koa, Unibertsitateen eta Hezkuntza Baliabideen zuzendari nagusiak emana, zeinaren bidez baimena ematen baita Iruñeko Centro Integrado “Escuela de Educadores-Hezitzaile Eskola” Ikastetxe Bateratuaren berariazko izena aldatzeko. Haren ordez, izena “Escuela de Educadoras y Educadores-Hezitzaile Eskola” izanen da.
Iruñeko Centro Integrado “Escuela de Educadores-Hezitzaile Eskola” Ikastetxe Bateratuaren Eskola Kontseiluaren proposamena ikusirik, eskatzen baitu “Escuela de Educadores-Hezitzaile Eskola” izena kendu, eta haren ordez “Escuela de Educadoras y Educadores-Hezitzaile Eskola” berariazko izena jar dakion.
Nafarroako Foru Komunitateko Bigarren Hezkuntzako Institutuen Erregelamendu Organikoa onetsi zuen otsailaren 10eko 25/1997 Foru Dekretuaren 3. artikuluan ezarritakoa kontuan hartuz.
Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32.1.d) artikuluak ematen dizkidan ahalmenak erabiliz, eta Hezkuntzako Azpiegituren Zerbitzuak proposaturik,
EBATZI DUT:
1. Gaur egun Centro Integrado “Escuela de Educadores-Hezitzaile Eskola” Ikastetxe Bateratua izena duen Iruñeko ikastetxeari (ikastetxearen kodea: 31007872) Centro Integrado “Escuela de Educadoras y Educadores-Hezitzaile Eskola” berariazko izena ematea. Beraz, une honetatik aurrera ikastetxe horren izena hau izanen da: Centro Integrado “Escuela de Educadoras y Educadores-Hezitzaile Eskola” Ikastetxe Integratua.
2. Ebazpen hau Nafarroako Aldizkari Ofizialean argitaratzea.
3. Ebazpen hau ikastetxearen zuzendariari jakinaraztea, eta aditzera ematea haren aurka gora jotzeko errekurtsoa jar daitekeela, Hezkuntza Departamentuko kontseilariari zuzendua, jakinarazi eta biharamunetik hasita hilabeteko epean.
4. Ebazpen hau Iruñeko Udaleko alkate-udalburuari, Giza Baliabideen Zerbitzura, Hezkuntzako Ikuskapen Zerbitzura, Hezkuntza Baliabideen Zerbitzura, Lanbide Heziketaren Zerbitzura eta Hezkuntzako Azpiegituren Zerbitzura, Ikasketak Antolatzeko Atalera, Departamentuko Egoitzen eta Ikastetxeen Mantentze-lanetarako Atalera, Aurrekontu eta Kudeaketa Ekonomikoaren Atalera, Ikastetxeen, haien Finantzaketaren eta Ikasketetarako Laguntzen Atalera eta Kontratazioaren, Zerbitzu Osagarrien eta Koordinazio Administratiboaren Atalera eta Ikastetxeetako Informazioa Kudeatzeko Bulegora igortzea.
Iruñean, 2019ko abuztuaren 8an.–Unibertsitateen eta Hezkuntza Baliabideen zuzendari nagusia, Nekane Oroz Bretón.
Iragarkiaren kodea: F1910612
