1. NAFARROAKO FORU KOMUNITATEA
1.7. BESTELAKOAK
470/2019 EBAZPENA, uztailaren 30ekoa, Unibertsitateen eta Hezkuntza Baliabideen zuzendari nagusiak emana, Anderazko (Abartzuza) “Escuelas Pías” Lehen Hezkuntzako ikastetxe pribatuaren baimena iraungitzen duena.
Ikusirik Pilar Gabasa Cabello andrearen eskabidea, “Instituto de Hijas de María Religiosas de las Escuelas Pías, Provincia de Aragón” delakoaren izenean, Anderazko (Abartzuza) Lehen Hezkuntzako “Escuelas Pías” ikastetxe pribatuaren titularra, bertako jarduerak amaitzeko baimena eman dadin.
Ikusirik Hezkuntza Ikuskapen Zerbitzuak emandako aldeko txostena, eskatutakoa onar dadin eta ikastetxeko dokumentazio akademikoa zuzen bideratzeko neurriak har daitezen, hura desagertzean.
Nafarroako Foru Komunitatean araubide orokorreko irakaskuntza ez-unibertsitarioa ematen duten ikastetxe pribatuak baimentzeko prozedura ezarri zuen uztailaren 6ko 251/1992 Foru Dekretuak 21. artikuluan ezarritakoaren ondorioz,
Nafarroako Foru Komunitateko Administrazioari eta Foru Sektore Publiko Instituzionalari buruzko martxoaren 11ko 11/2019 Foru Legearen 32.1.d) artikuluak ematen dizkidan ahalmenak erabiliz, eta Hezkuntzako Azpiegituren Zerbitzuak proposaturik,
EBAZTEN DUT:
1. Ikastetxe honen baimenaren iraungipena deklaratzea bere jarduera bertan behera uzteagatik, eta Nafarroako Gobernuko Ikastetxe Ez-unibertsitarioen Erregistroan baja ematea, 2018/19 ikasturtea amaitzen denetik aurrera. Ordura arte, behar bezala artatu beharko ditu bere ikasleak. Hona hemen ikastetxearen erregistroko datuak:
Ikastetxearen kodea: 31000051.
Izen generikoa: Lehen Hezkuntzako ikastetxe pribatua.
Berariazko izena: “Escuelas Pías”.
Titularra: “Instituto de Hijas de María Religiosas de las Escuelas Pías, Provincia de Aragón”.
Helbidea: Madre Paula Montalat kalea, 31.
Herria: Anderatz.
Udalerria: Abartzuza.
Eskaintzen zituen irakaskuntzak: Lehen Hezkuntza.
2. Bertan aritu diren ikasleen ebaluazio- eta matrikula-prozesuen dokumentazioa, hau da, Ebaluazioa Aktak, Eskola Ziurtagiriak, Ikasketen Historia, Espediente Akademikoak, Matrikulen Erregistroa, Tituluen Erregistroa, etab., Aiegiko “Mater Dei” itunpeko ikastetxera eramanen da, eta ikasten jarraitzen duten ikasleena, berriz, haiek doazen ikastetxeetara.
3. Azkenik, artxibatu eta gordeko ez den dokumentazio akademiko guztia, datu pertsonalak dauzkana, suntsitu eginen du ikastetxeak, behar bezala babestu gabe geratu ez dadin eta pertsona fisikoen funtsezko eskubideak berma daitezen, batik bat ohorea eta intimitate pertsonala eta familiarra.
4. Ebazpen hau Nafarroako Aldizkari Ofizialean argitaratzea.
5. Ebazpen hau ikastetxearen titularrari jakinaraztea, eta aditzera ematea haren aurka gora jotzeko errekurtsoa jar daitekeela, Hezkuntza Departamentuko kontseilariari zuzendua, jakinarazi eta biharamunetik hasita hilabeteko epean.
6. Ebazpen hau igortzea Hezkuntzako Ikuskapen Zerbitzura, Hezkuntzako Azpiegituren Zerbitzura, Ikastetxeen, Finantzaketaren eta Ikasketetarako Laguntzen Atalera, Kontratazioaren, Zerbitzu Osagarrien eta Koordinazio Administratiboaren Atalera, Itunpeko eta Diruz Lagundutako Ikastetxeetako Nominen Bulegora, eta Ikastetxeetako Informazioa Kudeatzeko Bulegora.
Iruñean, 2019ko uztailaren 30ean.–Unibertsitateen eta Hezkuntza Baliabideen zuzendari nagusia, Nekane Oroz Bretón.
Iragarkiaren kodea: F1910294
