1. NAFARROAKO FORU KOMUNITATEA
1.7. BESTELAKOAK
437/2019 EBAZPENA, uztailaren 5ekoa, Unibertsitateen eta Hezkuntza Baliabideen zuzendari nagusiak emana, jantoki baimenduen zerrenda jendaurrean jartzen duena eta eskola-jantokien zerbitzua emateko jarraibideak eta 2019-2020 ikasturterako tarifak eta kuotak onesten dituena.
Hezkuntzako Azpiegituren Zerbitzuak txosten bat aurkeztu du; hartan, honako hauek proposatzen ditu: funtzionamendu-jarraibide batzuk; argitara ateratzea 2019-2020 ikasturterako jantoki baimenduen zerrenda eta ikasturte horretarako baimendutako tarifa eta konpentsazioak, Nafarroako Gobernuaren laguntzak ezartzearren; bai eta hezkuntza zerbitzu horrengatik laguntza duten ikasleek pagatu beharko dituzten gehieneko kuotak ere.
Hezkuntza eta Kulturako kontseilariaren maiatzaren 11ko 186/1993 Foru Aginduan (1993-05-31ko Nafarroako Aldizkari Ofiziala) ezarritakoa aplikatzeko gauzatzen da jarduketa hau, agindu horrek garatu egiten baitu Nafarroako ikastetxe publiko ez-unibertsitarioetako jantokien funtzionamendua arautzen duen uztailaren 24ko 246/1991 Foru Dekretuan (1991-08-21eko Nafarroako Aldizkari Ofiziala) xedatutakoa.
Hezkuntza Departamentuaren egitura organikoa ezartzen duen urtarrilaren 11ko 5/2017 Foru Dekretuaren bigarren xedapen gehigarriko 2. atalean ezarritakoaren arabera esleitutako ahalmenak erabiliz, eta Hezkuntzako Azpiegituren Zerbitzuak proposaturik,
EBATZI DUT:
1. Ebazpen honen I. eranskineko zerrendan ageri diren ikastetxe publikoen jantokiak baimentzea 2019-2020 ikasturterako. Onuradunak Haur Hezkuntzako bigarren zikloko, Lehen Hezkuntzako, Hezkuntza Bereziko eta Derrigorrezko Bigarren Hezkuntzako ikasleak dira.
2. 2019-2020 ikasturtean eskola jantokien zerbitzuak izan behar dituen funtzionamendu eta antolaketako jarraibideak onestea (ebazpen honetako II. eranskinean daude). Honetan, ikastetxeetatik informazioa lortzeko beharko diren eranskinen zerrenda ezartzen da.
3. Nafarroako Foru Komunitateko Administraziotik ikasturte horretan jaso beharreko laguntzak kalkulatzeko, ebazpen honen III. eranskinean aipatzen diren modulu ekonomikoak hartuko dira aintzat. Bertan adieraziko da, halaber, laguntza jasotzeko eskubidea duten ikasleek ordaindu beharreko kuota.
4. Ebazpen hau eta eranskinak Nafarroako Aldizkari Ofizialean argitaratzea.
5. Ebazpen hau eta eranskinak ikastetxe interesdunetara, Hezkuntzako Ikuskapen Zerbitzura, Hezkuntzako Azpiegituren Zerbitzura eta Kontratazioaren, Zerbitzu Osagarrien eta Koordinazio Administratiboaren Atalera igortzea, behar diren ondorioak izan ditzaten.
Iruñean, 2019ko uztailaren 5ean.–Unibertsitateen eta Hezkuntza Baliabideen zuzendari nagusia, Nekane Oroz Bretón.
I. ERANSKINA 2019-2020 IKASTURTERAKO BAIMENDUTAKO JANTOKIAK Mota eta kudeaketa modalitatea. |
ESKUALDEKOAK, KUDEAKETA KONTRATATUA DUTENAK |
LERRO BEROAN GARRAIATUTAKO JANARIA |
ANTSOAIN | Ezkaba HLHIP |
BERIAIN | Haur eta Lehen Hezkuntzako Ikastetxe Publikoa |
JAUNTSARATS | Oihanzabal HLHIP |
LOS ARCOS | Santa María HLHIP |
IRUNBERRI | San Juan HLHIP |
MUTILOA | San Pedro HLHIP |
NOAIN | San Miguel HLHIP |
ORKOIEN | San Miguel HLHIP |
Auzalar HLHIP |
IRUÑA | Andrés Muñoz Garde HBIP |
GARES | Haur eta Lehen Hezkuntzako Ikastetxe Publikoa |
ZANGOZA | Luis Gil HLHIP |
TUTERA | Torre Monreal HBIP |
VIANA | Ricardo Campano HLHIP eta Derrigorrezko Bigarren Hezkuntzako Institutua |
ATARRABIA | Lorenzo Goicoa HLHIP |
Atargi HLHIP |
ZIZUR NAGUSIA | Camino de Santiago HLHIP |
Catalina de Foix HLHIP |
Erreniega HLHIP |
OTORDUAK IKASTETXEAN PRESTATZEN DIRA |
AGOITZ | San Miguel HLHIP eta Derrigorrezko Bigarren Hezkuntzako Institutua |
BERRIOZAR | Mendialdea I HLHIP |
Mendialdea II HLHIP |
BETELU | Araxes HLHIP |
CASCANTE | Santa Vicenta María HLHIP |
DONEZTEBE | San Miguel HLHIP eta Mendaur DBHI |
ELIZONDO | San Francisco Javier HLHIP |
LIZARRA | Remontival HLHIP |
ETXARRI ARANATZ | San Donato HLHIP |
GARRALDA | Ntra. Sra. de Orreaga HLHIP eta Derrigorrezko Bigarren Hezkuntzako Institutua |
GOIZUETA | Andres Narbarte Xalto HLHIP |
UHARTE | Virgen Blanca HLHIP |
IRURTZUN | Atakondoa HLHIP |
LARRAINTZAR | Obispo Irurita HLHIP eta Derrigorrezko Bigarren Hezkuntzako Institutua |
LEITZA | Erleta HLHIP eta Amazabal DBHI |
LEKUNBERRI | Haur eta Lehen Hezkuntzako Ikastetxe Publikoa |
LESAKA | Irain HLHIP |
LUZAIDE | Haur eta Lehen Hezkuntzako Ikastetxe Publikoa |
OTSAGABIA | Haur eta Lehen Hezkuntzako Ikastetxe Publikoa eta Derrigorrezko Bigarren Hezkuntzako Institutua |
ERRIBERRI | Príncipe de Viana HLHIP |
ERRONKARI | Julián Gayarre HLHIP eta Derrigorrezko Bigarren Hezkuntzako Institutua |
TAFALLA | Marqués de la Real Defensa HLHIP |
ZUBIRI | Gloria Larrainzar Eugi HLHIP |
ZUDAIRE | Las Amescoas HLHIP |
ARRUNTAK, KUDEAKETA KONTRATATUA DUTENAK |
LERRO BEROAN GARRAIATUTAKO JANARIA |
ALLO | La Cruz HLHIP |
ALTSASU | Zelandi HLHIP |
ANDOSILLA | Virgen de la Cerca HLHIP |
ARIZKUN | HLHIP |
AZAGRA | Francisco Arbeloa HLHIP |
BARAÑAIN | Alaiz HLHIP |
Eulza HLHIP |
Los Sauces HLHIP |
BARASOAIN | Martín Azpilcueta HLHIP |
BEIRE | Haur eta Lehen Hezkuntzako Ikastetxe Publikoa |
BUÑUEL | Santa Ana HLHIP |
BURLATA | Hilarión Eslava HLHIP |
Ermitaberri HLHIP |
CABANILLAS | San Juan de Jerusalén HLHIP |
CAPARROSO | Virgen del Soto HLHIP |
CARCASTILLO | Virgen de la Oliva HLHIP |
CASTEJÓN | Dos de Mayo HLHIP |
CINTRUÉNIGO | Otero de Navascués HLHIP |
CORTES | Cerro de la Cruz HLHIP |
FONTELLAS | Virgen del Rosario HLHIP |
FUSTIÑANA | Santos Justo y Pastor HLHIP |
IRURITA | Iruritako HLHIP |
LEGASA | Legasako HLHIP |
LAKUNTZA | Lakuntzako herri eskola HLHIP |
LARRAGA | San Miguel HLHIP |
LERIN | Doña Blanca de Navarra HLHIP |
LODOSA | Ángel Baigorri HLHIP |
MENDABIA | San Fco. Javier HLHIP |
MENDIGORRIA | Julián M.ª Espinal HLHIP |
MONTEAGUDO | Honorio Galilea HLHIP |
MURCHANTE | Mardones y Magaña HLHIP |
OLAZTI | Domingo Bados HLHIP |
OTEITZA | San Salvador HLHIP |
IRUÑA | Amaiur HLHIP |
Azpilagaña HLHIP |
Bernart Etxepare HLHIP |
Buztintxuri HLHIP |
Cardenal Ilundáin HLHIP |
Doña Mayor HLHIP |
Ermitagaña HLHIP |
García Galdeano HLHIP |
Hegoalde HLHIP |
Iturrama HLHIP |
José María de Huarte HLHIP |
El Lago de Mendillorri HLHIP |
Mendillorri HLHIP |
Nicasio de Landa HLHIP |
Patxi Larraintzar HLHIP |
Rochapea HLHIP |
San Francisco HLHIP |
San Jorge HLHIP |
Sanduzelai HLHIP |
San Juan de la Cadena HLHIP |
Víctor Pradera HLHIP |
AZKOIEN | Juan Bautista Irurzun HLHIP |
RIBAFORADA | San Bartolomé HLHIP |
SAN ADRIÁN | Alfonso X el Sabio HLHIP |
SARRIGUREN | Hermanas Uriz Pi HLHIP |
Joakin Lizarraga HLHIP |
TUTERA | Elvira España HLHIP |
Griseras HLHIP |
Huertas Mayores HLHIP |
Monte San Julián HLHIP |
UHARTE ARAKIL | San Miguel HLHIP |
VALTIERRA | Félix Zapatero HLHIP |
ALESBES | El Castellar HLHIP |
OTORDUAK IKASTETXEAN PRESTATZEN DIRA |
AMAIUR | Haur eta Lehen Hezkuntzako Ikastetxe Publikoa |
ARANTZA | Haur eta Lehen Hezkuntzako Ikastetxe Publikoa |
BERA | Ricardo Baroja HLHIP |
CORELLA | Ciudad de Corella HLHIP |
ERRO | San Esteban HLHIP |
ETXALAR | Haur eta Lehen Hezkuntzako Ikastetxe Publikoa |
ITUREN | Haur eta Lehen Hezkuntzako Ikastetxe Publikoa |
MILAGRO | Ntra. Sra. del Patrocinio HLHIP |
IRUÑA | Vázquez de Mella HLHIP |
ZUGARRAMURDI | Urdax-Zugarramurdi HLHIP |
II. ERANSKINA
Eskola-jantokiko jarraibideak
1.–Hitzaurrea. Eskola-jantokiari buruzko datuen aurreikuspena eta eguneratzea.
Eskola-jantokiko zerbitzuak kudeatzeko datuak izan behar dira, eta datuok ikastetxeek eta Nafarroako Hezkuntza Bereziko Baliabideen Zentroak bidaltzen dizkiote Kontratazioaren, Zerbitzu Osagarrien eta Koordinazio Administratiboaren Atalari ebazpen honi erantsita ondoren dauden eranskinen bidez.
Informazioa ikastetxe bakoitzak emanen du dagokion moduan eta posta elektronikoaren bidez: complementarioseducativos@navarra.es
Eranskinetako bakoitzean ikastetxearen izena, informazioa ematen den eguna eta ikasturtea adierazi beharko dira.
2.–Haborokinak eta kuotak.
III. eranskinean, jantokiaren arduradunarentzat, administratzailearentzat eta, irakasleak izanez gero, zaintzaileentzat baimendutako eguneko konpentsazioen zenbateko gordinak zerrendatzen dira. Kontu horri dagokionez, antolaketa arloko neurri batzuk ezartzen dira (III. eranskin honi gehitu zaizkio).
3.–Jantokia erabiltzen duten ikasleak.
IV. eranskinean, jantokia erabiltzen duten ikasleak zerrendatuko dira, honako hauek adierazita: bazkaltiar mota (diruz lagundua edo lagundu gabea: garraio antolatua edo garraiatzeko banan-banako laguntza, edo egoera ekonomiko zaileko familiakoa), izan daitezkeen alta eta bajen datak, eta ikasleen bertaratzea (ikasle bakoitza eskola jantokira benetan joandako egun kopurua). Baldintza hori nahitaezkoa izanen da, diruz lagundutako ikasleen kasuan, geroago jantokiko laguntza ordaintzeko.
Era berean, mankomunitateetako edo udaletako oinarriko gizarte zerbitzuen egiaztagiriak aurkeztu beharko dira, ekonomia ahuleko familia-unitate bateko kide direla egiaztatzeko laguntza arrazoi horrengatik jaso behar duten ikasleen kasuan.
Garraiatua izateko baldintzak betetzen dituzten eta ekonomia ahulekoak diren ikasleen kasuan, beren izenak garraiatuen zerrendan agertuko dira soilik.
Ez dira sartuko garraio plaza hutsa erabiltzen duten ikasleak.
V. eranskinean, jantokia erabiltzen duten ikasleen laburpena jasotzen da: garraiatutako ikasleen kopurua (garraio antolatua erabiltzen dutenak edo garraiatzeko banan-banako laguntzak jasotzen dituztenak barne hartuta; ez ordea, plaza hutsa erabiltzen duten ikasleak), ekonomia ahula dutenena eta diruz lagundu gabekoena; mailaka eta guztira.
Garraiatuak eta, aldi berean, ekonomia ahulekoak diren ikasleen kasuan, garraiatuen atalean baino ez dira sartuko.
IV. eta V. eranskinetako informazioa honako data hauetan eskatuko zaizkie ikastetxeei.
–2019ko irailaren 20a baino lehen: Lehen hiruhilekoari dagokion izen zerrenda: Eskualdeko jantokiak.
–2019ko urriaren 21etik azaroaren 1era arte: lehen hiruhilekoari dagozkion eguneratzeak. Eskualdeko jantokiak eta jantoki arruntak.
–2020 urtarrilaren 8tik urtarrilaren 22ra arte: lehen hiruhilekoari dagozkion aldaketak bigarrenean egokituko dira. Eskualdeko jantokiak eta jantoki arruntak.
–2020 apirilaren 1etik 30era arte, bigarren hiruhilekoari dagozkion aldaketak hirugarrenean egokituko dira. Eskualdeko jantokiak eta jantoki arruntak.
–2020 ekainaren 1etik 15era arte: hirugarren hiruhilekoari dagozkion aldaketak 2020-2021 ikasturteko lehen hiruhilekoan egokituko dira. Eskualdeko jantokiak eta jantoki arruntak.
2020-2021 ikasturterako aurreikuspena ezartzen den datan bidali beharko da eta, data erabakitzeko, Haur Hezkuntzako bigarren zikloko eta Lehen Hezkuntzako ikasleak onartzeko ebazpenean eta Derrigorrezko Bigarren Hezkuntzako ikasleak onartzeko ebazpenean finkatzen den egutegia kontuan hartuko da.
4.–Arduraduna, administratzailea eta ikastetxeko zaintzailea.
VI. eranskinean, jangela arduradunari, administratzaileari eta ikastetxeko zaintzaileari (baldin eta badago) buruzko datuak jakinaraziko dira. Datu horiek irailaren 14a baino lehen bidali beharko dira, haborokinak nominan ordaintzeko.
Eginkizun horiek betetzean aldaketak gertatzen badira (bajak, baimenak, eszedentziak...), departamentuari jakinarazi behar zaizkio gertatzen direnean, nominan ongi ordaintzeko.
5.–Jantokiaren ordutegiak eta erabilera.
VII. eranskinean, klaseak eta/edo eskolaz kanpoko jarduerak hasteko eta amaitzeko orduak azaltzen dira, bai eta jantokiko zerbitzua hasi eta amaitzekoak ere, ikastetxeari dagozkion hezkuntza-etapetarako, txanda bakoitzerako (egonez gero), astegun bakoitzerako eta irailerako nahiz ekainerako. Informazio hori irailaren 20a baino lehenago bidaliko da, IV. eta V. eranskinetan adierazitako datuekin batera.
6.–Informazioa bidaltzeko egutegia. |
INFORMAZIOA BIDALTZEKO AZKENEKO EGUNA | ERANSKINAK |
ESKUALDEKO JANTOKIAK | JANTOKI ARRUNTAK |
2019ko irailaren 14a | VI. eranskina- Arduraduna, administratzailea eta ikastetxeko zaintzaileak. 2019-2020 ikasturtea | |
2019ko irailaren 20a | IV. eranskina- Jantokia erabiltzen duten ikasleen izen zerrenda. 2019-2020 ikasturtea. V. eranskina- 2019-2020 ikasturteko jangelari buruzko laburpena. VII. eranskina- 2019-2020 ikasturteko haur, lehen eta bigarren hezkuntzako ordutegia | |
2019ko urriaren 21etik azaroaren 1era arte | IV. eranskina- Jantokia erabiltzen duten ikasleen izen zerrenda eguneratzea (2019-20 ikasturteko lehen hiruhilekoa). V. eranskina- Jangelari buruzko laburpeneko datuak eguneratzea. (2019-2020 ikasturteko lehen hiruhilekoa) | IV. eranskina- Jantokia erabiltzen duten ikasleen izen zerrenda (2019-20 ikasturteko lehen hiruhilekoa). V. eranskina- Jangelari buruzko laburpeneko datuak. 2019-20 ikasturteko lehen hiruhilekoa |
2020ko urtarrilaren 8tik 22ra | IV. eranskina- Jantokia erabiltzen duten ikasleen izen zerrenda eguneratzea eta 2019-20 ikasturteko lehen hiruhilekoa egokitzea. V. eranskina- Jangelari buruzko laburpeneko datuak eguneratzea. (2019-2020 ikasturteko lehen hiruhilekoa) | IV. eranskina- Jantokia erabiltzen duten ikasleen izen zerrenda eguneratzea eta 2019-2020 ikasturteko lehen hiruhilekoa egokitzea. V. eranskina- Jangelari buruzko laburpeneko datuak eguneratzea. 2019-2020 ikasturteko lehen hiruhilekoa |
2020ko martxoa-apirila | IV. eranskina- Jangela erabiltzen duten ikasleen izen zerrendaren aurreikuspena (2020-2021 ikasturtea). V. eranskina- Jangelari buruzko laburpeneko datuen aurreikuspena (2020-2021 ikasturtea) | |
2020 apirilaren 1etik 30era | IV. eranskina- Jantokia erabiltzen duten ikasleen izen zerrenda eguneratzea eta 2019-2020 ikasturteko bigarren hiruhilekoa egokitzea. V. eranskina- Jantokiari buruzko laburpeneko datuak eguneratzea. (2019-2020 ikasturteko bigarren hiruhilekoa) | IV. eranskina- Jantokia erabiltzen duten ikasleen izen zerrenda eguneratzea eta 2019-2020 ikasturteko 2. hiruhilekoa egokitzea. V. eranskina- Jantokiari buruzko laburpeneko datuak eguneratzea. (2019-2020 ikasturteko bigarren hiruhilekoa) |
2020 ekainaren 1etik 15era | IV. eranskina- Jantokia erabiltzen duten ikasleen izen zerrenda eguneratzea (2019-20 ikasturteko 3. hiruhilekoa). V. eranskina- Jangelari buruzko laburpeneko datuak eguneratzea. (2019-20 ikasturteko hirugarren hiruhilekoa) | IV. eranskina- Jantokia erabiltzen duten ikasleen izen zerrenda eguneratzea (2019-20 ikasturteko 3. hiruhilekoa). V. eranskina- Jangelari buruzko laburpeneko datuak eguneratzea. (2019-20 ikasturteko hirugarren hiruhilekoa) |
III. ERANSKINA
2019-2020 ikasturterako baimendutako kuotak eta haborokinak
Dirulaguntza jasotzen duten ikasleentzat baimendutako kuotak
BAZKALTIAR KOPURUA | IKASLEKO, EGUNEAN |
0-80 | 1,75 euro |
81-160 | 1,75 euro |
161-240 | 1,75 euro |
+240 | 1,75 euro |
Kuota hori handitzen ahalko da baldin eta zerbitzu hori ematean jantokiko oinarrizko zerbitzua hobetzen bada, menuari berari edo jantokiko zerbitzua emateko moduari dagokienez, adibidez. Horrela, eskualdeko jantokietan hobekuntzak egiteko, Eskola-kontseiluak onetsi beharko ditu familien ordezkarien aldeko botoarekin, eta jantoki arruntetan, berriz, zerbitzua kudeatzen duen Guraso Elkarteak hartuko du erabakia. Ikasleen kargurako igoera proportzionala izanen da Hezkuntza Departamentuak onetsitako oinarrizko zerbitzuaren kostuaren eta jantokiko hobekuntzak hartu ondoko benetako kostuaren arteko aldean.
Nafarroako Gobernuaren modulu ekonomikoa
Eskualdeko jantokiak | Jantoki bakoitzeko ezarriko da, uztailaren 24ko 246/1991 Foru Dekretuaren 22. artikuluan xedaturikoarekin bat (1991ko Nafarroako Aldizkari Ofiziala, abuztuaren 21ekoa). |
Jantoki arruntak | Eskualdeko jantokiekin parekatuz ezarriko da jantoki bakoitzeko. |
Salbuespenez, eta betiere aurrekontuan dagoen diruak horretarako aukera ematen badu eta eskola-jantokien kontu-sailarekin finantzatutako beste jarduerarik kaltetzen ez bada, Hezkuntza Departamentuak ezarritako kuotak ez ordaintzearen ondorioz jantokiko kontuetan sortutako defizitak garraiatzen diren eta egoera sozioekonomiko zailean dauden ikasleen familien kargura konpentsatzen ahalko dira; horretarako baldintza izanen da familia horietan errenta jasotzen duten kideetako ezeinek inolako ordainsaririk edo laguntzarik ez jasotzea abian den ikasturte osoan. Egoera hori frogatzeko, ikaslea bizi den herriko oinarrizko gizarte zerbitzuaren egiaztagiria erakutsi beharko da, egoerari hori berariaz frogatzen duena.
Eguneko baimendutako haborokinen zenbateko gordina
Irakasleek jasotzen dituzten haborokinek ordainsari izaera dute eta nominaren bidez hartuko dituzte.
BAZKALTIAR KOPURUA | JANTOKIKO ARDURADUNA | ADMINISTRATZAILEA* | ZAINDARI BAKOITZEKO |
0-80 | 16,63 euro | 14,71 euro | 16,63 euro |
81-160 | 18,58 euro | 14,71 euro | 16,63 euro |
161-240 | 19,92 euro | 16,48 euro | 16,63 euro |
+240 | 20,61 euro | 18,88 euro | 16,63 euro |
40 bazkaltiar arteko eskualdeko jantokietan, pertsona berak beteko ditu jantokiko arduradunaren eta administratzailearen eginkizunak, eta eginkizun horietako bakar batengatik jasoko ditu bere ordainsariak (arduradunari dagozkionak). 41 eta 100 bazkaltiar arteko eskualdeko jantokietan, pertsona berak betetzen ahalko ditu jantokiko arduradunaren eta administratzailearen eginkizunak; kasu horretan, ordainsari bakarra jasoko du (bi ordainsarien baturaren %75). 101 bazkaltiarretik gorako eskualdeko jantokietan, bi pertsonek beteko dituzte derrigorrez jantokiko arduradunaren eta administratzailearen eginkizunak, eta horietariko bakoitzak aurreko taulan ezarritako ordainsariak jasoko ditu.
IV., V., VI. ETA VII. ERANSKINAK
Deskargatu berriz bete daitekeen excel orri osoa.
Eranskin hauek aurkitzen ahal dituzu:
IV.–Jantokia erabiltzen duten ikasleen izen zerrenda (1. orria)
V.–Jantokiari buruzko laburpena (2. orria)
VI.–Jantokiaren arduradunak, administratzailea eta zaintzaileak (3. orria)
VII.–Haur, Lehen eta Bigarren Hezkuntzako ikasleen jantoki orduak (4. orria)
Iragarkiaren kodea: F1909477