2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
TAFALLA
Kudeaketa-esleipena “Joan-etorri” zerbitzua egiteko,
Tafallako Udalaren eta Orbaibarko herri batzuen artean
Tafallako Udalak, 2019ko uztailaren 30ean egin osoko bilkura arruntean, honako erabaki hau hartu zuen, dagokion akta onetsi behar bada ere:
Ikusirik Orisoain, Garinoain, Barasoain, Puiu, Leotz eta Olorizko Udalek hartutako erabakiak, zeinen bidez Tafallako Udalari esleitzen baitzaio “Joan-etorri” zerbitzua, Tafallako 2019ko bestetan joan-etorria autobusez egiteko.
Dagokion espedientea instruiturik, eta gazteriako teknikariaren, kontu-hartzailearen eta idazkariaren txostenak eta Gazteriako Informazio Batzordeak 2019ko uztailaren 23an emandako irizpena ikusirik.
ERABAKITZEN DA:
Lehena.–Kudeaketa-esleipena onestea, Tafallako Udalak “Joan-etorri” zerbitzua kontrata eta egin dezan, Tafallako 2019ko bestetan joan-etorria autobusez egiteko, esleipenaren oinarri den eta horretarako sinatzen den hitzarmenean jasotako baldintza, obligazio eta eskubideekin.
Bigarrena.–Erabakia jakinaraztea esleipena egiten duten udalei, Idazkaritzari, Kontu-hartzailetzari eta gazteriako teknikariari, behar diren ondorioak izan ditzan, eta Nafarroako Aldizkari Ofizialean argitaratzea.
Tafallan, 2019ko abuztuaren 6an.–Alkatea, Jesús Arrizubieta Astiz.
ERANSKINA
“Joan-etorri” zerbitzua kudeatzeko hitzarmena (PDFa).
Iragarkiaren kodea: L1910604