Iragarkia

167. ALDIZKARIA - 2019ko abuztuaren 26a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

IRUÑA

Turismo arloko elkarteei laguntzak emateko deialdia, turismoa sustatzeko jarduerak egin ditzaten 2018ko urriaren 1etik 2019ko irailaren 30era bitarte

(RGC 07-AGO-2019)

Ikusirik espedientean jasotako agiriak, HONAKO HAU EBATZI DUT:

1.–Aitortzea jarraian adierazten diren eskatzaileak jo daitezkeela laguntzen entitate onuraduntzat:

–AHTN.

–ANAPEH.

–APARTURNA.

–Alde Zaharra elkartea.

–Corona Boreal.

–Flamenco On Fire Fundazioa.

–Iruñeko Hotelen Elkartea.

–Nafarroako Jatetxeen Elkartea.

–Erresumako Jatetxeen Elkartea.

–Nafarroako Turismo Elkartea.

2.–Jarduketa batzuetan aintzat hartu diren irizpideen inguruan honako argibide hauek ematea:

K.1. 3.1. ildoa. Dinamizazio-ekintzak.

–Corona Boreal elkartea.

Turmalina Fest 2019.

Jarduera deialdiko L) puntua, dirulaguntzen xede izan daitezkeen gastuei buruzkoa, aplikatuz baloratzen da, hau da, ekitaldi edo proposamenarekin zuzenean loturiko ezinbesteko gastuak kontuan hartuta. Salbuespen dira berezko jardueran parte izateagatik partaideei onura zuzen eta berehalakoa ekartzen dieten ekitaldiak. Proposamen horiek “ekitaldiak” atalean baloratuko dira, baina bakarrik kontuan hartzen ahalko dira horren sustapen- eta komunikazio-ekintzak. Kasu honetan, ulertzen dugu elkarteak xede duela mota horretako jaialdiak eta ekitaldiak antolatzea; beraz, deialdi honi dagokionez, gastutzat joko dira soilik haien memorian Komunikazio atalean jasotakoak. Oraingoan gastu eta diru-sarreren guztizkoaren estaldura-ehunekoa kalkulatu eta, jarraian, onetsitako gastuak aplikatu dira.

–Flamenco On Fire Fundazioa.

Aurreko kasuaren berdina da, jarduera deialdiko L) puntua, dirulaguntzen xede izan daitezkeen gastuei buruzkoa, aplikatuz baloratzen da, hau da, ekitaldi edo proposamenarekin zuzenean loturiko ezinbesteko gastuak kontuan hartuta. Salbuespen dira berezko jardueran parte izateagatik partaideei onura zuzen eta berehalakoa ekartzen dieten ekitaldiak. Proposamen horiek “ekitaldiak” atalean baloratuko dira, baina bakarrik kontuan hartzen ahalko dira horren sustapen- eta komunikazio-ekintzak. Kasu honetan, ulertzen dugu elkarteak xede duela mota horretako jaialdiak eta ekitaldiak antolatzea; beraz, deialdi honi dagokionez, gastutzat joko dira soilik haien memorian Marketin eta Komunikazio atalean jasotakoak. Oraingoan gastu eta diru-sarreren guztizkoaren estaldura-ehunekoa kalkulatu eta, jarraian, onetsitako gastuak aplikatu dira.

K.2. 3.2. ildoa. Sustapen arloko jarduketak.

–Erresumako Jatetxeen Elkartea.

“Erresumako sukaldaritzak” izeneko irrati-iragarki laburrek eragindako gastu guztiak onartu dira. Nolanahi ere, gogora dakargu jarduera justifikatzeko unean irratiko iragarki labur guztiak aurkeztu beharko direla, eta adierazi zein minututan egiten den Iruñeko hiriaren turismo-sustapena.

Azoketan parte hartzea.

Elkarteek aurkeztutako sustapen- eta publizitate-jarduketa guztiak onartu dira -azoka, workshop eta aurkezpenetan parte hartzeko ildoaren barruan-, Iruñeko Udaleko Turismo Zerbitzuaren aldez aurretiko oniritzia eskatu ez badute ere -dirulaguntza emateko derrigorrezkoa da hori-. Egiaztatu da, hori bai, jarduketak -zeinak azoketara eraman eta zeinen gastuak deialdira aurkeztu baitira- sartuta daudela azoketan parte hartzeko Nafarroako Gobernuko Turismoko Alorrak egindako planifikazioaren barruan.

3.–Laguntzak ukatzea jarraian zehazten diren jarduerei balorazio-batzordeak emandako txostenean agertzen diren arrazoiak direla medio. Hona hemen horiek labur azalduta:

3.1. Lerroa. Dinamizazio-jarduerak.

–Nafarroako Jatetxeen Elkartea.

Neguko Barazkien 2019ko jardunaldiak.

Jarduerak ez dauka gutxieneko mailarik jarduketen edukiaz, kalitateaz eta interes turistikoaz bezainbatean. Gainera, batez ere Iruñetik kanpoko jatetxeetan egindako jarduketa da.

Udaberriko Barazkien 2019ko jardunaldiak.

Aurreko kasuan bezala, jarduerak ez dauka gutxieneko mailarik jarduketen edukiaz, kalitateaz eta interes turistikoaz bezainbatean. Gainera, batez ere Iruñetik kanpoko jatetxeetan egindako jarduketa da.

–Erresumako Jatetxeen Elkartea.

“La Gastronomía más Fresh en September” jardunaldi gastronomikoak.

Jarduerak ez dauka gutxieneko mailarik jarduketen edukiaz, kalitateaz eta interes turistikoaz bezainbatean. Gainera, batez ere Iruñetik kanpoko jatetxeetan egindako jarduketa da.

3.2. Ildoa. Sustapen arloko jarduketak.

–Erresumako Jatetxeen Elkartea.

Erresumako Maisuak.

Jarduera ezin da hautatu kontuan hartzen badugu B.3 puntuaren 3.2 zenbakian (Sustapen- eta publizitate-kanpainak, Iruña turismo-helmuga gisa nabarmentzen dutenak) jasotakoa. Oinarrietan jasotakoaren arabera, honako hauek izanen dira dirulaguntzen xede izan daitezkeen ekintzak: azoka, workshop eta aurkezpenetan parte hartzea; argitalpenak eta gida turistikoak; publizitate-kanpainak; webguneak eta jardunaldiak, lehiaketak, famtrip-ak, bilera profesionalak eta antzeko ekitaldiak. Aurkeztutako jarduera ez dator bat horietako bat berarekin ere.

“Fogones del Reyno” telebista-saioa.

Jarduerak ez dauka gutxieneko mailarik jarduketen edukiaz, kalitateaz eta interes turistikoaz bezainbatean. Gainera, batez ere Iruñetik kanpoko jatetxeetan egindako jarduketa da.

–Nafarroako Jatetxeen Elkartea.

Publizitatea Diario de Navarra egunkarian.

Jarduera ezin da hautatu publizitate-kanpainen -ildo horri dagokio aurkeztutako jarduerak- balorazio-irizpideen arabera, ez duelako ezinbesteko betekizun hau betetzen: “Ez dira diruz lagunduko gutxienez Iruñeari edo Iruñeko produktu turistikoren bati buruzko informazio turistikoko aipamen nabarmenik jasotzen ez duten komunikazio-kanpainak”.

–Nafarroako Ostalaritza eta Turismo Elkartea.

Nafarroako pintxo-ibilbidearen planoa.

Gidak tabernen eta horien zerbitzuen zerrenda bat egin du. Ez du Iruñeari buruzko inolako turismo-informaziorik ematen, ezta hiriko turismo-produktuen ingurukorik ere. Hortaz, ez du funtsezko eta derrigorrezko betekizun bat betetzen: “Inongo kasutan ez da onartuko helburu bakarra elkartekideak sustatzea duen materialik; hortaz, publizitate-materialak Iruñeari buruzko informazio turistiko generikoa izan beharko du...”. Hurrengo edizioetarako, gomendatzen da Iruñeari eta Iruñeko produktuei buruzko informazio turistikoa sartzea.

–Iruñeko Hotelen elkartea.

Sanferminetako kanpaina Facebooken.

Jarduerak ez dauka gutxieneko mailarik (35 puntu) jarduketen edukiaz, kalitateaz eta interes turistikoaz bezainbatean. Jarduera merkatu gehiagotara hedatu edo editatutako materiala hizkuntza gehiagotan argitaratu beharko litzateke, dirulaguntza jaso ahal izateko.

4.–Turismo arloko elkarteei laguntzak ematea, bat etorrita turismo arloko elkarteei norgehiagokako araubidean dirulaguntzak emateko deialdi publikoarekin, zeinen helburua baita 2019. urtean Iruña turismoaren jomuga gisa sustatzen duten jarduerak egitea, honako xehakapen honekin bat:

Iruñean, 2019ko abuztuaren 7an.–Gobernu Estrategiko, Merkataritza eta Turismoko Zinegotzi Ordezkaria, Ana Elizalde Urmeneta.

Iragarkiaren kodea: L1910846