2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
IRUÑERRIKO MANKOMUNITATEA
Laburpena, Ibilgailu ekologikoak sustatzeko eta taxi-zerbitzuan segurtasun-elementuak eta elementu teknologikoak hobetzeko dirulaguntzak emateko deialdi publikoarena
Iruñerriko Mankomunitateko lehendakariaren 394/2019 Ebazpena, uztailaren 8koa.
Dirulaguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan eta Iruñerriko Mankomunitatearen taxiaren arloko dirulaguntzen ordenantzaren 15.9 artikuluan (188. zenbakiko Nafarroako Aldizkari Ofiziala, 2017ko irailaren 28koa) jasota dagoenaren arabera, deialdiaren laburpena argitara eman da.
Testu osoa Dirulaguntzen Datu Base Nazionalean kontsultatu daiteke (http://www.pap.hacienda.gob.es/bdnstrans/GE/eu/index; DDBN (Identif.): 470157), egoitza elektronikoan (https://sedeelectronica.mcp.es/eu) eta bai Iruñerriko Mankomunitatearen gardentasun-webgunean ere (http://transparencia.mcp.es/eu).
1.–Xedea.
1.1.–1. ildo estrategikoa:¨Ibilgailu ekologikoak sustatzea taxi-zerbitzuan.
Taxi-zerbitzuaren bidez ingurumena babesten laguntzea.
1.2.–3. ildo estrategikoa: Taxiaren segurtasun-elementuak eta elementu teknologikoak hobetzea.
Taxiaren arloarekin lankidetzan aritzea, profesionalen eta erabiltzaileen segurtasuna bermatzeko beharrezkoak diren neurriak ezartzeko, eta bai emandako zerbitzuaren kalitate handiagoa ahalbidetzen duen hobekuntza teknologikoa bermatzeko ere.
2.–Pertsona onuradun izateko betekizunak.
2.1.–Pertsona fisikoak.
Onuradunak izango dira betekizun hauek betetzen dituztenak. Hain zuzen, dirulaguntza justifikatu arte eutsi beharko zaie betekizun hauei:
Iruñerrian taxi-zerbitzua batera emateko lurralde-eremuan aritzeko taxi-lizentzia baten titularra izatea.
Dirulaguntzei buruzko Lege Orokorraren 13. artikuluan eta Dirulaguntzen Ordenantzaren 10. artikuluan jasota dauden betekizunak betetzea.
Dirulaguntzei buruzko Lege Orokorraren 14. artikuluan eta Dirulaguntzen Ordenantzaren 11. artikuluan jasota dauden betekizun guztiak eta bakoitza betetzea.
2.2.–Pertsona juridikoak edo elkarteak.
Era berean, dirulaguntzen onuraduntzat jo ahal izango dira Iruñerrian taxi-zerbitzua batera emateko lurralde-eremuaren barnean aritzeko taxi-lizentzien titularren elkarteak edo pertsona juridikoak, dirulaguntza ematea funtsatu zuen jarduera gauzatuko dutenak edo dirulaguntza ematea bidezko bilakatzen duen egoeran daudenak.
Pertsona juridikoek edo elkarteek betekizun hauek bete beharko dituzte. Hain zuzen, dirulaguntza justifikatu arte eutsi beharko zaie betekizun hauei:
Dirulaguntzei buruzko Lege Orokorraren 13. artikuluan eta Dirulaguntzen Ordenantzaren 10. artikuluan jasota dauden betekizunak betetzea.
Dirulaguntzei buruzko Lege Orokorraren 14. artikuluan eta Dirulaguntzen Ordenantzaren 11. artikuluan jasota dauden betekizun guztiak eta bakoitza betetzea.
3.–Eskabideak aurkezteko tokia eta epea.
3.1.–Eskabideak aurkezteko tokia.
Deialdian parte hartu ahal izateko eskabideak Iruñerriko Mankomunitatearen Erregistro Orokorrean aurkeztuko dira (Chinchilla Jeneralaren kalearen 7.ean, Iruñean). Edo, bestela, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 38.4 artikuluan edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan ezarritako moduetako batean aurkeztu ahal izango dira.
3.2.–Eskabideak aurkezteko epea.
Eskabideak aurkezteko epea 2019ko azaroaren 30ean amaituko da, egun hori barne.
Iruñean, 2019ko abuztuaren 12an.–Lehendakaria, Aritz Ayesa Blanco.
Iragarkiaren kodea: L1910698
