1. NAFARROAKO FORU KOMUNITATEA
1.7. BESTELAKOAK
1023/2019 EBAZPENA, ekainaren 26koa, Toki Administrazioko zuzendari nagusiak emana, agintzen duena Nafarroako Justizia Auzitegi Nagusiko Administrazioarekiko Auzien Salara igortzeko Lekunberriko Udalak Toki Administrazioko zuzendari nagusiaren apirilaren 4ko 486/2019 Ebazpenaren aurka jarritako administrazioarekiko auzi-errekurtsoaren administrazio espedientea (0000186/2019 prozedura arrunta). Ebazpen horren bidez Toki Inbertsioen Planetik baztertu zen Lekunberriko Udalaren “Kirol instalazioak eta igerileku estalia hartzen dituen eraikinaren inguratzailea hobetzea” izeneko inbertsioa.
Nafarroako Justizia Auzitegi Nagusiko Administrazioarekiko Auzien Salak eskatu du, Landa Garapeneko, Ingurumeneko eta Toki Administrazioko Departamentuaren Erregistroan 2019ko ekainaren 24an sartu zen 2019ko ekainaren 19ko idatzi baten bidez, igortzeko Lekunberriko Udalak Toki Administrazioko zuzendari nagusiaren apirilaren 4ko 486/2019 Ebazpenaren aurka jarritako administrazioarekiko 0000186/2019 auzi-errekurtsoaren administrazio espedientea. Ebazpen horren bidez, Toki Inbertsioen Planetik baztertu zen Lekunberriko Udalaren “Kirol instalazioak eta igerileku estalia hartzen dituen eraikinaren inguratzailea hobetzea” izeneko inbertsioa. Orobat eskatzen da interesdunak epatzeko, Administrazioarekiko Auzien Jurisdikzioa arautzen duen uztailaren 13ko 29/1988 Legearen 49.1, 2 eta 4 artikuluetan ezarritakoarekin bat.
Horrenbestez, Landa Garapeneko, Ingurumeneko eta Toki Administrazioko Departamentuaren egitura organikoa ezarri zuen irailaren 21eko 78/2016 Foru Dekretuaren bidez (ekainaren 28ko 66/2017 Foru Dekretuaren bidez aldatua) eskuratu ditudan eskudantziak erabiliz,
EBATZI DUT:
Lehena.–Nafarroako Justizia Auzitegi Nagusiko Administrazioarekiko Auzien Salara igortzea Lekunberriko Udalak Toki Administrazioko zuzendari nagusiaren apirilaren 4ko 486/2019 Ebazpenaren aurka jarritako administrazioarekiko auzi-errekurtsoaren administrazio espedientea (0000186/2019 prozedura arrunta). Ebazpen horren bidez Toki Inbertsioen Planetik baztertu zen Lekunberriko Udalaren “Kirol instalazioak eta igerileku estalia hartzen dituen eraikinaren inguratzailea hobetzea” izeneko inbertsioa.
Bigarrena.–Ebazpen hau Nafarroako Aldizkari Ofizialean argitaratzea eta interesdunak epatzea, demandatu gisa agertu ahal daitezen bederatzi eguneko epean, Nafarroako Justizia Auzitegi Nagusiko Administrazioarekiko Auzien Salara.
Hirugarrena.–Ebazpen hau igortzea Nafarroako Justizia Auzitegi Nagusiko Administrazioarekiko Auzien Salara eta Lehendakaritzako, Funtzio Publikoko, Barneko eta Justiziako Departamentuko Aholkularitza Juridikora, behar diren ondorioak izan ditzan.
Iruñean, 2019ko ekainaren 26an.–Toki Administrazioko zuzendari nagusia, Xabier Lasa Gorraiz.
Iragarkiaren kodea: F1908709
