2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
MARTZILLA
Alkateordeen izendapena
Honako hauek kontuan harturik: Toki Araubidearen Oinarriak arautzen dituen 7/1985 Legearen 20. eta 21.2 artikulua; Toki Entitateen Antolaketaren, Funtzionamenduaren eta Araubide Juridikoaren gaineko Erregelamenduaren 35.2 artikulua (azaroaren 28ko 2568/1986 Errege Dekretua), bertan ezartzen baita alkateordeak beharrezko organoak direla Udalean; eta erregelamendu horren 46. artikulua, bertan xedatzen baita Udaleko alkate udalburuak libreki izendatu eta kargutik kenduko dituela alkateordeak, hark berak emandako ebazpen bidez,
EBAZTEN DUT:
1. Alkateorde izendatzea Udalbatzako honako kide hauek, aipatu errege dekretuaren 46.2 artikuluari jarraikiz:
1. alkateordea: José Manuel Cantín García.
2. alkateordea: Miguel Ángel Arnedo Imaz.
3. alkateordea: Eva Ezquerro Resano.
2. 2568/1986 Errege Dekretuaren 47. artikuluari jarraikiz, izendatutako alkateordeek nire eginkizunetan ordeztuko naute, aipatu araudian ezarritako baldintzekin eta izendapenaren ordenaren arabera, herritik kanpo, eri edo ezindurik nabilenean edota Alkatetza hutsik gelditzen denean.
3. Dekretu honen kopia-laburpena argitaratzea Udalaren iragarki-taulan, eta Osoko Bilkurari jakinaraztea egiten duen hurrengo bilkuran.
4. Nafarroako Aldizkari Ofizialean eta iragarki-taulan argitaratzea, aipatu errege dekretuaren 46.1 artikuluaren bigarren paragrafoan xedatuari jarraikiz. Izendapenek indarra hartuko dute ebazpen hau sinatu eta biharamunean.
5. Izendatutakoei jakinarazpen pertsonala egitea.
Ebazpen honen aurka honako errekurtso hauek aurkezten ahal dira:
a) Berraztertzeko errekurtsoa, ebazpen hau eman duen organoari zuzendua, hilabeteko epean, ebazpena jakinarazi eta biharamunetik hasita.
b) Administrazioarekiko auzi-errekurtsoa, Nafarroako Justizia Auzitegi Nagusiko Administrazioarekiko Auzien Epaitegiari edo Salari zuzendua, bi hilabeteko epean, ebazpen hau jakinarazi eta biharamunetik hasita.
c) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, ebazpen hau jakinarazten denetik hasita.
Martzillan, 2019ko ekainaren 28an.–Alkatea, Mario Fabo Calero.
Iragarkiaren kodea: L1909019
