2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
LIZARRA
Tokiko Gobernu Batzarreko kideeen eta alkateordeen izendapena eta eskudantziak eskuordetzea
Alkatetzak, 2019ko uztailaren 4an eman 281/2019 eta 282/2019 Ebazpenen bidez, Toki Araubidearen Oinarriak arautzen dituen apirilaren 2ko 7/1985 Legea eta Toki Entitateen Antolaketaren, Funtzionamenduaren eta Araubide Juridikoaren gaineko Erregelamendua onesten duen azaroaren 28ko 2568/1986 Errege Dekretua betetzeko,
EBAZTEN DU:
281/2019 Ebazpena.
Lehenbizikoa.–Toki Araubidearen Oinarriak arautzen dituen apirilaren 2ko 7/1985 Legearen 21.3 eta 22.4 artikuluetan xedatuarekin bat, Lizarrako Udaleko Tokiko Gobernu Batzarreko kide izendatzea, organo horri dagozkion eginkizun eta eskumenekin, eta eskuordetu dakizkiokeenekin, honako hauek:
Ana Duarte Morentin.
Marta Ruiz de Alda Parla.
Cristina Pérez González.
Francisco Javier del Cazo Cativiela.
Bigarrena.–Lizarrako Udaleko alkateorde izendatzea Tokiko Gobernu Batzarreko kide diren hurrengo zinegotziak, adierazten den lehentasun ordenari jarraikiz, esleiturik ditudan eginkizun orotan nire ordez aritzeko, kanpoan, eri edo ezindurik nagoenean:
Lehen alkateorde, Ana Duarte Morentin.
Bigarren alkateorde, Marta Ruiz de Alda Parla.
Hirugarren alkateorde, Cristina Pérez González.
282/2019 Ebazpena.
Lehena.–Toki Araubidearen Oinarriak arautzen dituen apirilaren 2ko 7/1985 Legearen 21.1 artikuluaren arabera Alkatetza honi eskuordetutako eskudantzia hauek Lizarrako Udalaren Tokiko Gobernu Batzarraren esku uztea, agindu beraren 3. puntuari jarraikiz eskuordetu baitaitezke:
–Kudeaketa ekonomikoa garatzea, onetsitako aurrekontuarekin bat, gastuak xedatzea eta ordainketak agintzea, alkatearen eskumenen mugen barnean.
–Lan eskaintza publikoa onestea, osoko bilkuran onetsitako aurrekontuarekin eta plantillarekin bat; langileak hautatzeko proben eta lanpostuak betetzeko lehiaketen oinarriak onestea; eta lansari osagarriak banatzea, baldin eta finkoak eta aldizkakoak ez badira.
–Planeamendu orokorra garatzeko bitartekoen onespenak, baldin eta Osoko Bilkurak berariaz esleituak ez baditu, baita hirigintzaren kudeaketarako eta hirigintza proiektuetako bitartekoen onespena ere.
–Obra eta zerbitzuen proiektuak onestea, kontratazioa egin edo emateko eskumena duenean eta aurrekontuan sartuta daudenean.
–Alkatetzaren eskumenekoak diren lizentziak ematea, Udal hilerria arautzen duen ordenantzan ezarritako hilobien erabileraren gaineko ehorzketa eskubidea emateko, eskualdatzeko eta iraungitzeko baimenak izan ezik.
–Kontratazio publikoaren alorrean eta indarrean den legediaren babesean Udalbatzako buruari dagozkion eskudantziak, salbu gehienez ere balio zenbatetsia 6.000 euro –BEZa kanpo–baino handiagoa ez duten kontratuei dagozkienak. Horien gaineko eskumenak Alkatetzarena izaten jarraitzen du.
–Dirulaguntzak emateko prozedurei buruzko eskudantziak.
–Zergapeko egintza bat egitetik ondorioztatutako zerga likidazioak onestea, horiek aitortzeko Tokiko Gobernu Batzarrak eskuordetuta hartutako egintza behar dela.
Lizarran, 2019ko uztailaren 11n.–Alkatea, Gonzalo Fuentes Urriza.
Iragarkiaren kodea: L1909442
