Iragarkia

154. ALDIZKARIA - 2019ko abuztuaren 8a

1. NAFARROAKO FORU KOMUNITATEA

1.7. BESTELAKOAK

1497/2019 EBAZPENA, uztailaren 23koa, Nafarroako Unibertsitate Publikoko errektoreak emana, zeinaren bidez agintzen baita argitaratzeko “Erabakia, Nafarroako Unibertsitate Publikoaren Administrazioko eta Zerbitzuetako Langileen plantilla organikoa aldatzen duena”, Gobernu Kontseiluak 2019ko uztailaren 23an hartu zuen erabaki baten bidez onetsia.

2003ko maiatzaren 12ko 110/2003 Foru Dekretuak onetsitako Unibertsitateko Estatutuetako 40. artikuluak ematen dizkidan eskumenak erabiliz, agintzen dut argitaratzeko 2019ko uztailaren 23ko Gobernu Kontseiluak hartutako erabakia, zeinaren bidez onetsi baitzen “Erabakia, Nafarroako Unibertsitate Publikoaren Administrazioko eta Zerbitzuetako Langileen plantilla organikoa aldatzen duena”.

NAFARROAKO UNIBERTSITATE PUBLIKOKO GOBERNU KONTSEILUAREN ERABAKIA, NAFARROAKO UNIBERTSITATE PUBLIKOKO ADMINISTRAZIOKO ETA ZERBITZUETAKO LANGILEEN PLANTILLA ORGANIKOA ALDATZEN DUENA

1993ko abuztuaren 30eko 251/1993 Legegintzako Foru Dekretuak ezartzen du plantilla organikoa onetsi egin behar dela. Foru dekretu horren bidez onetsi zen Nafarroako Administrazio Publikoen Zerbitzuko Langileen Estatutuaren Testu Bategina, aplikatu beharrekoa Nafarroako Unibertsitate Publikoko Administrazioko eta Zerbitzuetako langileei, Unibertsitatearen Estatutuen 106. artikuluaren arabera. Plantilla horretan, lanpostuak zerrendatu behar dira, behar bezala sailkaturik, eta adierazi behar da bakoitza zein mailari dagoen atxikia, eta, bidezkoa denean, lanpostuan aritzeko egiaztatu behar diren betebehar espezifikoak, bai eta izendapen librearen bidez bete daitezkeen lanpostuak eta erregelamenduaren arabera ezarri diren ordainsari osagarriak esleituak dauzkatenak ere.

Gobernu Kontseiluak 2009ko urriaren 6an hartu zuen Erabakiaren bidez –zeina 2009ko urriaren 30ean errektoreak emandako 1600/2009 Ebazpenaren bidez argitaratu baitzen–, onetsi egin zen Nafarroako Unibertsitate Publikoko Administrazioko eta Zerbitzuetako langileen plantilla organikoa. Plantilla hori askotan aldatu da, urtero argitaratzen da, eta urte bakoitzeko abenduaren 31n dagoen egoera eta egitura organikoa islatzen ditu. Hain zuzen, 2019ko otsailaren 21ean argitaratu zen azkenekoa, Nafarroako Aldizkari Ofizialaren 36. zenbakian, errektoreak 2019ko urtarrilaren 30ean emandako 146/2019 Ebazpenaren bidez.

2019ko ekainaren 5eko 68/2019 Foru Dekretuak Ramón Gonzalo García Nafarroako Unibertsitate Publikoko errektore izendatu zuen, eta, ondoren, errektoretza-talde berria izendatu zuen hark. Horren ondorioz, beharrezkoa da Unibertsitatearen egitura organikoa aldatzea, baita aldatutako unitate organikoetara lotutako lanpostuen atxikipena ere.

Bestalde, beharrezkoa da plantilla organikoan zenbait aldaketa egitea, Antolaketaren, Kalitatearen eta Prozesuen Zerbitzuak eskatuta, haren benetako beharretara egokitu dadin.

Proposamena Negoziazio Mahaian aurkeztuta, eta Nafarroako Unibertsitate Publikoan ordezkaritza duten sindikatuei entzun ondoren, hau da kudeatzaileak, 2019ko uztailaren 23an egindako bileran, Gobernu Kontseiluari proposatu dion:

ERABAKIA:

Lehena.–Nafarroako Unibertsitate Publikoko Administrazioko eta Zerbitzuetako Langileen plantilla organikoaren aldaketak onestea. Eranskin gisa gehitu den oroitidazkian daude aldaketa horiek.

Bigarrena.–Erabaki hau Nafarroako Unibertsitate Publikoaren iragarki-ohol elektronikoan eta Nafarroako Aldizkari Ofizialean argitaratzea. Unibertsitatearen iragarki-ohol elektronikoan argitaratzen den egun berean sortuko ditu ondorioak erabaki honek.

Hirugarrena.–Erabaki honen aurka, zilegi da administrazioarekiko auzi-errekurtsoa jartzea Nafarroako Administrazioarekiko Auzietako Epaitegietan, bi hilabeteko epean, erabakia Nafarroako Aldizkari Ofizialean argitaratu eta biharamunetik kontatzen hasita, Administrazioarekiko Auzien Jurisdikzioari buruzko 1998ko uztailaren 13ko 29/1998 Legearen xedapenetan ezarritakoarekin bat.

Iruñean, 2019ko uztailaren 23an.–Errektorea, Ramón Gonzalo García.

ERANSKINA

Oroitidazkia: Nafarroako Unibertsitate Publikoko administrazioko eta zerbitzuetako langileen plantilla organikoaren aldaketak

2019. urteko ekitaldia

A.–Egitura aldaketak.

A.1. Izenez aldatzen diren unitate organikoak.

Unitate organiko hauen izena aldatu da:

ORAINGO IZENA	IZEN BERRIA
EKONOMIA, PLANGINTZA ETA IRAKASLEEN GAIETARAKO ERREKTOREORDETZA	EKONOMIAKO, PLANGINTZAKO ETA ESTRATEGIAKO ERREKTOREORDETZA
UNIBERTSITATE PROIEKZIORAKO ETA ERAKUNDEEKIKO HARREMANETARAKO ERREKTOREORDETZA	UNIBERTSITATE PROIEKZIOKO, KULTURAKO ETA DIBULGAZIOKO ERREKTOREORDETZA
NAZIOARTEKOTZE ERREKTOREORDETZA	NAZIOARTEKOTZEKO ETA LANKIDETZAKO ERREKTOREORDETZA

A.2. Sortzen diren unitate organikoak.

Unitate organiko hauek sortu dira:

–IRAKASLEEN GAIETARAKO ERREKTOREORDETZA.

–GARAPEN DIGITALEKO ERREKTOREORDETZA.

A.3. Unitateen atxikipenaren aldaketak.

Unitate organiko hauen atxikipena aldatu da:

–IRAKASLEEN GAIETARAKO ERREKTOREORDETZA.

ORAINGO ATXIKIPENA	ATXIKIPEN BERRIA
EKONOMIA, PLANGINTZA ETA IRAKASLEEN GAIETARAKO ERREKTOREORDETZA / NEKAZARITZAKO INGENIARIEN GOI MAILAKO ESKOLA TEKNIKOA / LABORATEGIARI LAGUNTZEKO UNITATEA	IRAKASLEEN GAIETARAKO ERREKTOREORDETZA / NEKAZARITZAKO INGENIARIEN GOI MAILAKO ESKOLA TEKNIKOA / LABORATEGIARI LAGUNTZEKO UNITATEA
EKONOMIA, PLANGINTZA ETA IRAKASLEEN GAIETARAKO ERREKTOREORDETZA / AGRONOMIA, BIOTEKNOLOGIA ETA ELIKADURA SAILA / LABORATEGIARI LAGUNTZEKO UNITATEA	IRAKASLEEN GAIETARAKO ERREKTOREORDETZA / AGRONOMIA, BIOTEKNOLOGIA ETA ELIKADURA SAILA / LABORATEGIARI LAGUNTZEKO UNITATEA
EKONOMIA, PLANGINTZA ETA IRAKASLEEN GAIETARAKO ERREKTOREORDETZA / ZIENTZIEN SAILA / LABORATEGIARI LAGUNTZEKO UNITATEA	IRAKASLEEN GAIETARAKO ERREKTOREORDETZA / ZIENTZIEN SAILA / LABORATEGIARI LAGUNTZEKO UNITATEA. LABORATEGIA
EKONOMIA, PLANGINTZA ETA IRAKASLEEN GAIETARAKO ERREKTOREORDETZA / ZIENTZIEN SAILA / LABORATEGIARI LAGUNTZEKO UNITATEA	IRAKASLEEN GAIETARAKO ERREKTOREORDETZA / ZIENTZIEN SAILA / LABORATEGIARI LAGUNTZEKO UNITATEA. LABORATEGIA
EKONOMIA, PLANGINTZA ETA IRAKASLEEN GAIETARAKO ERREKTOREORDETZA / INGENIARITZA SAILA / LABORATEGIARI LAGUNTZEKO UNITATEA	IRAKASLEEN GAIETARAKO ERREKTOREORDETZA / INGENIARITZA SAILA / LABORATEGIARI LAGUNTZEKO UNITATEA. LABORATEGIA
EKONOMIA, PLANGINTZA ETA IRAKASLEEN GAIETARAKO ERREKTOREORDETZA / INGENIARITZA ELEKTRIKO ETA ELEKTRONIKOAREN ETA KOMUNIKAZIO INGENIARITZAREN SAILA / LABORATEGIARI LAGUNTZEKO UNITATEA	IRAKASLEEN GAIETARAKO ERREKTOREORDETZA / INGENIARITZA ELEKTRIKO ETA ELEKTRONIKOAREN ETA KOMUNIKAZIO INGENIARITZAREN SAILA / LABORATEGIARI LAGUNTZEKO UNITATEA
Justifikazioa: Errektoretza-taldearen egitura berriari egokitzea.

–EKONOMIAKO, PLANGINTZAKO ETA ESTRATEGIAKO ERREKTOREORDETZA.

ORAINGO ATXIKIPENA	ATXIKIPEN BERRIA
EKONOMIA, PLANGINTZA ETA IRAKASLEEN GAIETARAKO ERREKTOREORDETZA / ANALISIRAKO ETA PROGRAMAZIORAKO ATALA	EKONOMIAKO, PLANGINTZAKO ETA ESTRATEGIAKO ERREKTOREORDETZA / ANALISIRAKO ETA PROGRAMAZIORAKO ATALA
Justifikazioa: Errektoretza-taldearen egitura berriari egokitzea.

–GARAPEN DIGITALEKO ERREKTOREORDETZA.

ORAINGO ATXIKIPENA	ATXIKIPEN BERRIA
KUDEATZAILETZA / INFORMATIKA ZERBITZUA	GARAPEN DIGITALEKO ERREKTOREORDETZA / INFORMATIKA ZERBITZUA
Justifikazioa: Errektoretza-taldearen egitura berriari egokitzea.

B.–Lanpostuen aldaketa.

B.1. Atxikipenaren aldaketak.

Lanpostu hauen atxikipena aldatu da:

B.2. Lanpostuen aldaketak.

Lanpostu honen lanaldia aldatu da:

LANPOSTUAREN ZK.	LANPOSTUA	ORAINGO LANALDIA	LANALDI BERRIA
167	Administrari laguntzailea O.L.	Arratsaldeko lanaldia	Lanaldi zatitua ikastegi eta sailetako langileentzat

Justifikazioa. Unibertsitate Arretarako Bulegoko arratsaldeko lanaldia jendaurreko arretaren beharretara egokitzea.

Egungo arratsaldeko lanaldia 20:00etan amaitzen da, eta uste da ez dela beharrezkoa horren berandura arte luzatzea. Aitzitik, lanaldi zatitu estandarra 15:30ean amaitzen da, eta uste da ez dela nahikoa.

Ikastegien eta sailen lanaldi zatitu berezia 18:00etan (bi arratsaldetan egiten bada) edo 18:30ean (lau arratsaldetan egiten bada) amaitzen da, eta, beraz, nahikotzat jotzen da. Gainera, aldaketa honen bidez lanaldiak bateratu nahi dira, horrek aukera emango baitu arretaren antolaketa eta zerbitzuaren prestasuna hobetzeko.

B.3. Sortzen diren lanpostuak.

Lanpostu hau sortu da:

KUDEATZAILETZA / ANTOLAKETAREN, KALITATEAREN ETA PROZESUEN ZERBITZUA / UNIBERTSITATE ARRETARAKO ATALA / UNIBERTSITATE ARRETARAKO BULEGOA.

KUDEAKETARIA O.L.

–Maila: B. Lanpostuaren zk.: 670. Lanaldi mota: lanaldi zatitua ikastegi eta sailetako langileentzat. Herria: Iruñea. Hizkuntza: euskara C1.

Justifikazioa. EGA mailako euskarako hizkuntza-eskakizuna eta ikastegietako eta sailetako lanaldi zatitu berezia izango duen kudeaketari lanpostu berri batez hornitzea Unibertsitate Arretarako Bulegoa.

Unibertsitate Arretarako Bulegoa (UAB) proiektu berriak hartzen ari da bere gain, eta, ondorioz, beharrezkoa dirudi profil kualifikatuagoak izatea, hizkuntza-gaitasunak ere barne hartuta, eta lanaldiak berrantolatzea zerbitzuaren prestasuna hobetzeko.

Iragarkiaren kodea: F1909951

Sarbidea

Loturiko estekak

Nafarroako Aldizkari Ofiziala

Paseo Pablo Sarasate, 38, 2.º izda.

31001 - Iruña

848 42 12 50

bon@navarra.es