2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
TAFALLA
Alkatetzaren eskuordetza ezkontza zibilak egiteko
Uztailaren 8ko 7/2019 Dekretua.
Kontuan harturik Erregistroen eta Notariotzaren Zuzendaritza Nagusiak 1995eko urtarrilaren 26an emandako jarraibidea, alkateek ezkontza zibilak egiteko baimena emateari buruzkoa. Kontuan harturik Toki Entitateen Antolaketaren, Funtzionamenduaren eta Araubide Juridikoaren Erregelamenduaren 44. eta 114. artikuluetan eta Tafallako Udalean ezkontza zibilak egitea arautzen duen ordenantzaren zazpigarren puntuan ezarritakoa.
EBAZTEN DUT:
Lehena.–Udal honetako zinegotzi guztien esku uztea udal honetan ezkontza zibilak egiteko eskumena, ezkontideek hala eskatzen dutenean.
Bigarrena.–Tafallako Udaleko Osoko Bilkurari dekretuaren berri ematea, Nafarroako Aldizkari Ofizialean argitaratzea eta, halaber, Udaleko Ezkontza Zibilen Espedientera igortzea, orok jakin dezan.
Tafallan, 2019ko uztailaren 8an.–Alkatea, Jesús Arrizubieta Astiz.
Iragarkiaren kodea: L1909533
