1. NAFARROAKO FORU KOMUNITATEA
1.7. BESTELAKOAK
236/2019 EBAZPENA, uztailaren 4koa, Vianako Printzea Erakundea-Kulturako zuzendari nagusiak emana, proiektuak, kultur jarduerak eta ereduko programak interes sozialeko deklaratzen dituena Nafarroako Foru Komunitatean kultur mezenasgoa eta bere zerga-pizgarriak arautzen dituen maiatzaren 16ko 8/2014 Foru Legean xedatutakoari jarraikiz.
2019ko maiatzaren 1etik 31ra arte, besteak beste, honako pertsona eta entitate hauek eskaera aurkeztu zuten proiektuak, kultur jarduerak edo ereduko programak interes sozialeko deklaratzeko:
Navarra Cultural fundazioa | “Juicio Final” film laburra |
Nafarroako Moda Sortzaileen Elkartea | Pasarela 948 |
Nafarroako Bertsozale Elkartea | Bertsolaritzaren transmisioa eta sustapena Nafarroan |
Raúl Madinabeitia Management y Producción SLU. | La Música de tu historia. Música y cerebro en comunidad Fase I Y Fase II. Los acordes de la memoria |
Gautxoriak Soul Club elkartea | Beltza Weekend jaialdia |
ADItech fundazioa | SciencEkaitza |
Iruñeko Jaiotzen Elkartea | Iruñeko Jaiotzen Elkartearen jarduera |
Agoizko San Migel parrokia | Agoizko San Migel elizako portada zaharberritzea |
Erreniega Abesbatza | Kontzertuen urteko oinarrizko programazioa |
“Navarjota” Nafarroako Jotaren Elkartea | Nafarroako Jotaren lehiaketa ofiziala Burlatan |
Larraungo erraldoi eta buruhandien konpartsa elkartea | Larraungo erraldoi eta buruhandien konpartsa |
Aralarko San Migel santutegia | Santutegia erantsia duen eraikina eta ostatua zaharberritzea |
“Buztintxuri” erraldoi eta buruhandien konpartsa | Buztintxuriko konpartsa txikia eta buruhandiak |
Gayarre Antzokia udal fundazioa | Gayarre Antzokia udal fundazioaren jarduera |
Nafarroako almadiazainen kultur elkartea | Almadiaren museoa-Nafarroako almadiazainen kultur elkartea |
Arrosadiko Kultur Koordinakunde-Federazioa | La Motxuela aldizkaria |
ANDITEC elkartea | Navarra LAN Party |
NSK Neskak elkartea | NSK Neskak Blues Rock Festival |
DICTEL elkartea | Dibulgazio zientifiko eta teknologikorako proiektua Estellerrian |
Paz de Ziganda Ikastolako Helduen Abesbatza | Abestu gure Queen-Abesbatza eta banda kontzertuak Queen taldearen musikarekin. |
Donald Francisco Navas Zeledón | “El Secreto de Martín” dokumentala |
Solax Company S. Microcoop. | Matrioskas, las niñas de la guerra (film luzea-dokumentala) |
Untzueko San Millán parrokia | Untzueko San Millán parrokiako erretaula zaharberritzea |
Kulturako, Turismoko eta Erakunde Harremanetako kontseilariaren irailaren 16ko 77/2014 Foru Aginduaren 12. artikuluan aurreikusitako jarduketak burutu ondoren, Mezenasgo Batzordeak eskaera hauek eta dagokien dokumentazioa igorri zizkion Nafarroako Kulturaren eta Arteen Kontseiluari, ebaluazioa egin zezan.
Eskaerak aztertu ondoren, Nafarroako Kulturaren eta Arteen Kontseiluak, 2019ko ekainaren 27an, proposamen bat igorri zion Vianako Printzea Erakundea-Kulturako zuzendari nagusiari, kultura arloko diren proiektu eta jarduerak interes sozialeko deklara ditzan, Nafarroako Foru Komunitatean kultur mezenasgoa eta bere zerga-pizgarriak arautzen dituen maiatzaren 16ko 8/2014 Foru Legearen 2.2 artikuluan ezarritakoaren arabera, legezko testu horren 6.2 artikuluan aurreikusitako irizpideak aplikatuz, hala hartuak izatea merezi dutenez.
Larraungo erraldoi eta buruhandien konpartsa elkarteak eta Buztintxuriko erraldoi eta buruhandien konpartsak aurkeztutako proiektuen kasuan, interes sozialeko deklarazioak figuren diseinuarekin eta eraikitzearekin lotutako zatia baizik ez du hartzen. Nafarroako Bertsozale Elkarteak aurkeztutako “Bertsolaritzaren transmisioa eta sustapena Nafarroan” izeneko eskaerari dagokionez, ez zaio interes sozialeko deklarazio ematen ereduko programaren zati bati, “Bertsolaritza Irakaskuntzan” eta “Bertso-eskolak” biltzen dituenari, hain zuzen, nagusiki hezkuntzara bideratuta dagoelako.
Halaber, interes sozialeko ereduko programa deklaratu dadin Nafarroako Moda Sortzaileen elkarteak aurkeztutako proposamenari dagokionez, ulertzen da ez dagokiola ereduko programa deklaratzea, baina bai aurkeztutako proiektua interes sozialeko deklaratzea, 2020ko ekainaren 30eko bukaera datarekin betiere.
Horrenbestez, Nafarroako Foru Komunitatean kultur mezenasgoa eta bere zerga-pizgarriak arautzen dituen maiatzaren 16ko 8/2014 Foru Legean eta Kulturako, Turismoko eta Erakunde Harremanetako kontseilariaren irailaren 16ko 77/2014 Foru Aginduan xedatutakoari jarraituz,
EBAZTEN DUT:
1. Ebazpen honen I. eranskinean ageri diren kultur jarduerak eta proiektuak interes sozialeko deklaratzea.
2. Ebazpen honen II. eranskinean azaltzen diren kultur jardueren eta proiektuen ereduko programak interes sozialeko deklaratzea.
3. Ebazpen honen III. eranskinean ageri diren kultur jarduerak eta proiektuak interes sozialeko deklaratzea, 2020ko ekainaren 30eko bukaera datarekin betiere, eta ez ematea ereduko programaren izaera.
4. Proiektuak eta jarduerak gauzatzen diren bitartean bakarrik izanen du indarra interes sozialeko deklarazioak.
5. Interes sozialeko proiektuak eta jarduerak dituzten pertsona edo entitateak Kulturako, Turismoko eta Erakunde Harremanetako kontseilariaren irailaren 16ko 77/2014 Foru Aginduaren 22. artikuluak ezartzen dituen betebeharrei daude loturik, bai proiektuari, kultur jarduerari edo ereduko programari dagokionez, bai zerga administrazioari dagokionez.
6. Proiektua edo kultur jarduera interes sozialeko deklaratuta ere, onuradunek berdin-berdin eskuratu beharko dituzte hura gauzatzeko lizentzia, baimen edo komunikazioak, horiek ematea, zeinek bere eskumenen esparruan, beste erakunde batzuei dagokienean.
7. Interes sozialeko deklaratzen diren proiektuak eta kultur jarduerak Nafarroako Gobernuaren Atarian argitaratuko dira, Kulturako, Turismoko eta Erakunde Harremanetako kontseilariaren irailaren 16ko 77/2014 Foru Aginduaren 25. artikuluan ezarritakoari jarraituz.
8. Pertsona eta entitate onuradunek “Sello Mecna” anagrama erabiltzen ahalko dute beren komunikazio, aurkezpen, argitalpen eta dokumentuetan; betiere, zerikusia izan beharko dute interes sozialeko deklaraturik dauden proiektuekin, kultur jarduerekin edo ereduko programekin.
9. Ebazpen hau Idazkaritza Tekniko Nagusira, Nafarroako Zerga Ogasunera eta Kultur Mezenasgoaren Batzordera igortzea, behar diren ondorioak izan ditzan.
10. Ebazpen hau Nafarroako Aldizkari Ofizialean argitaratzea.
Iruñean, 2019ko uztailaren 4an.– Vianako Printzea Erakundea-Kulturako zuzendari nagusia, Dori López Jurío.
I. eranskina
Kultur jarduerak eta proiektuak
PERTSONA EDO ENTITATE ONURADUNA | PROIEKTUAREN IZENA | BUKAERA EGUNA |
Navarra Cultural fundazioa | “Juicio Final” film laburra | 2019/12/31 |
Raúl Madinabeitia Management y Producción SLU. | La Música de tu historia. Música y cerebro en comunidad Fase I y Fase II. Los acordes de la memoria | 2020/03/25 |
Agoizko San Migel parrokia | Agoizko San Migel elizako portada zaharberritzea | 2019/12/31 |
Larraungo erraldoi eta buruhandien konpartsa elkartea | Larraungo erraldoien eta buruhandien konpartsa | 2020/07/01* |
Aralarko San Migel santutegia | Santutegiak erantsia duen eraikina zaharberritzea | 2020/12/31 |
“Buztintxuri” erraldoi eta buruhandien konpartsa | Buztintxuriko konpartsa txikia eta buruhandiak | 2021/12/31* |
Nafarroako almadiazainen kultur elkartea | Almadiaren museoa-Nafarroako almadiazainen kultur elkartea | 2019/12/31 |
Arrosadiko Kultur Koordinakunde-Federazioa | La Motxuela aldizkaria | 2020/07/01 |
Paz de Ziganda Ikastolako Helduen Abesbatza | Abestu gure Queen-Abesbatza eta banda kontzertuak Queen taldearen musikarekin | 2020/04/25 |
Donald Francisco Navas Zeledón | “El Secreto de Martín” dokumentala | 2020/07/30 |
Solax Company S. Microcoop. | Matrioskas, las niñas de la guerra (film luzea-dokumentala) | 2020/12/31 |
Untzueko San Millán parrokia | Untzueko San Millán parrokiako erretaula zaharberritzea | 2020/12/31 |
(*) Larraungo erraldoi eta buruhandien konpartsa elkarteak eta Buztintxuriko erraldoi eta buruhandien konpartsak aurkeztutako proiektuen kasuan, interes sozialeko deklarazioak figuren diseinuarekin eta eraikitzearekin lotutako zatia baizik ez du hartzen.
II. eranskina
Kultur jardueren eta proiektuen ereduko programak
PERTSONA EDO ENTITATE ONURADUNA | EREDUKO PROGRAMAREN IZENA | BUKAERA EGUNA |
Nafarroako Bertsozale Elkartea | Bertsolaritzaren transmisioa eta sustapena Nafarroan | 2021/12/31* |
Gautxoriak Soul Club elkartea | Beltza Weekend jaialdia | 2023/06/30 |
ADItech fundazioa | SciencEkaitza | 2024/06/30 |
Iruñeko Jaiotzen Elkartea | Iruñeko Jaiotzen Elkartearen jarduera | 2024/06/30 |
Erreniega Abesbatza | Kontzertuen urteko oinarrizko programazioa | 2023/06/30 |
“Navarjota” Nafarroako Jotaren Elkartea | Nafarroako Jotaren lehiaketa ofiziala Burlatan | 2023/06/30 |
Gayarre Antzokia udal fundazioa | Gayarre Antzokia udal fundazioaren jarduera | 2024/06/30 |
ANDITEC elkartea | Navarra LAN Party | 2024/06/30 |
NSK Neskak elkartea | NSK Neskak Blues Rock Festival | 2021/12/31 |
DICTEL elkartea | Dibulgazio zientifiko eta teknologikorako proiektua Estellerrian | 2024/06/30 |
(*) Nafarroako Bertsozale Elkarteak aurkeztutako “Bertsolaritzaren transmisioa eta sustapena Nafarroan” izeneko ereduko programari dagokionez, ez zaio interes sozialeko deklarazioa ematen ereduko programaren zati bati, “Bertsolaritza Irakaskuntzan” eta “Bertso-eskolak” biltzen dituenari, hain zuzen, nagusiki hezkuntzara bideratuta dagoelako.
III. eranskina
Kultur jarduerak eta proiektuak
PERTSONA EDO ENTITATE ONURADUNAREN IZENA | PROIEKTUAREN IZENA | BUKAERA EGUNA |
Nafarroako Moda Sortzaileen Elkartea | Pasarela 948 | 2020/06/30 |
Iragarkiaren kodea: F1909316