150. ALDIZKARIA - 2019ko abuztuaren 2a

3. ESTATUKO ADMINISTRAZIOA

GOBERNUAREN NAFARROAKO ORDEZKARITZA

Iragarkia, Gobernuaren Nafarroako Ordezkaritzako Industria eta Energiako Arloarena. Honen bidez, jendaurreko informazioaren tramitepean jartzen da “Puylobo” parke eolikoaren instalazioa eta 30 kV-eko hustuketako linea elektrikoak onura publikokotzak adierazteko eskaera, Zaragozako probintziako Borja eta Mallén-go udal-mugarteetan eta Nafarroako probintziako Cortesko udal-mugartean, Sistemas Energéticos Loma del Viento SAUk sustatuta

Sektore Elektrikoari buruzko abenduaren 26ko 24/2013 Legearen 55. artikuluan eta hurrengoetan, Nahitaezko Desjabetzeari buruzko 1954ko abenduaren 16ko Legean eta 1957ko apirilaren 26ko Dekretuaren bidez onartutako haren Erregelamenduan ezarritakoaren indarrez, eta argindarra garraiatu, banatu, merkaturatu eta zuzkitzeko jarduerak eta instalazioak baimentzeko prozedurak arautzen dituen abenduaren 1eko 1955/2000 Errege Dekretuaren V. kapituluan xedatutakoaren arabera, jendaurreko informazioaren pean jartzen da instalazio elektriko hauen proiektua:

Eskatzailea: Sistemas Energéticos Loma del Viento SAU.

Izena: Puylobo parke eolikoa.

Kokapena: Borja eta Mallén-go (Zaragoza) eta Cortesko (Nafarroa) udal-mugarteak.

Parkearen potentzia: 48,51 MW.

Xedea: Energia eolikoa produzitzea.

Aurrekontua: 51.120.344,22 euro.

Zehazki, instalazioen onura publikoa adierazteak betiere berekin ekarriko du –Sektore Elektrikoari buruzko abenduaren 26ko 24/2013 Legearen 56. artikuluan eta abenduaren 1eko 1955/2000 Errege Dekretuaren 149. artikuluan ezarritakoaren indarrez– eraginpeko ondasunak okupatu edo eskubideak eskuratu behar izatea, premiazko okupazioari ekitea –Nahitaezko Desjabetzeari buruzko Legearen 52. artikuluaren ondorioetarako–, eta argindarra garraiatu, banatu, merkaturatu eta zuzkitzeko jarduerak eta instalazioak baimentzeko prozedurak arautzen dituen abenduaren 1eko aipatutako 1955/2000 Errege Dekretuaren 158. ea 59. artikuluetan erregulatutako zortasunak finkatzea.

Eskabidean barne hartuta dago eskatzaileak nahitaez desjabetu beharrezkotzat jotzen dituen ondasun eta eskubideen zerrenda zehatz eta indibidualizatua (horiek eranskinean agertzen dira).

Eraginpeko erakundeak Borja eta Mallén-go (Zaragoza) eta Cortesko (Nafarroa) udalak dira, argindarra garraiatu, banatu, merkaturatu eta zuzkitzeko jarduerak eta instalazioak baimentzeko prozedurak arautzen dituen abenduaren 1eko 1955/2000 Errege Dekretuaren 149.2 artikuluan ezarritakoaren arabera, eta horrek berekin dakar instalazio elektrikoa ezartzeko edo pasatzeko baimena, Estatuaren edo autonomia-erkidegoen jabari, erabilera edo zerbitzu publiko edo ondareko lursailen gainean, edota dagokion probintzia edo udalerriaren erabilera publiko propio edo komunalekoen gainean, eta horietako obra eta zerbitzuen gainean eta zortasun publikoko eremuen gainean.

Hori guztia jendaurrean jartzen da denek izan dezaten horren berri, eta bereziki jabeek eta instalazioen eraginpean dauden gainerako titularrek –horien zerrenda iragarki honen amaieran txertatu da eranskin gisa–, baita, eraginpeko ondasunen gaineko eskubide errealen edo interes ekonomikoen titular izanik, agian aipatu ez direnek ere. Horren helburua da edozein interesdunek aukera izatea espedienteak aztertzeko Gobernuaren Zaragozako Ordezkariordetzako Industria eta Energiako Arloan (Nuestra Señora del Pilar plaza, z.g. 50071 Zaragoza) eta Gobernuaren Nafarroako Ordezkaritzako Industria eta Energiako Arloan (Merindadeen plaza, z.g. 31071 Iruñea), eta eraginpeko udaletxeetan, bulegoko egun eta ordu baliodunetan; eta aukera izan dezaten, halaber, egoki jotzen dituzten alegazioak hiru aletan aurkezteko 20 eguneko epean, iragarki hau argitaratu eta biharamunetik hasita, Administrazio Publikoen Administrazio Prozedura Erkidearen urriaren 1eko 39/2015 Legearen 16.4 artikuluan ezarritako moduetan.

Orobat, urriaren 1eko 39/2015 Legearen 45. artikuluan ezarritako jakinarazpenaren ondorioetarako egiten da argitalpen hau.

Iruñean, 2019ko uztailaren 16an.–Industria eta Energiako arloko zuzendaria (titularraren ordez, 18/04/13ko Administrazio Periferikoko Pertsonaleko Zuzendariordetza Nagusiaren arduraduna), Ángel José Hernández González.

ERANSKINA

Eraginpeko ondasun eta eskubideen zerrenda

PARTZELAREN DATUAK

ZIMENDATZE-LANAK

PLATAFORMAK

HEGALAK

BIDEAK

ZANGAK

ALDI BATERAKO ZANGAK

FINKA ZK.

UDAL-
MUGARTEA

POLIGONOA

PARTZELA

LABOREA

TITULARRA

TURBINA-ZK.

ERAGINPEKO AZALERA (m²)

TURBINA-ZK.

ERAGINPEKO AZALERA (m²)

TURBINA-ZK.

ERAGINPEKO AZALERA (m²)

ERAGINPEKO AZALERA (m²)

ERAGINPEKO AZALERA (m²)

ERAGINPEKO AZALERA (m²)

1

Cortes

9

14

Larreak

Sindicato de Riegos Canal de Lodosa

17,07

38,56

2

Cortes

9

157

Laborantza ureztatuko lursaila

Cortesko Udala

271,95

627,51

3

Cortes

9

163

Larreak

Cortesko Udala

107,81

237,06

4

Cortes

10

193

Laborantza ureztatuko lursaila

Cortesko Udala

441,01

1.016,77

5

Cortes

10

220

Laborantza ureztatuko lursaila

Cortesko Udala

13,36

101,28

6

Cortes

10

221

Laborantza ureztatuko lursaila

Cortesko Udala

570,39

1.307,59

7

Cortes

10

222

Laborantza ureztatuko lursaila

Cortesko Udala

73,03

97,81

8

Cortes

10

244

Laborantza ureztatuko lursaila

Cortesko Udala

289,36

462,49

9

Cortes

10

245

Larreak

Cortesko Udala

0,60

1,37

10

Cortes

10

251

Laborantza ureztatuko lursaila

Cortesko Udala

348,63

626,17

11

Cortes

Bide immatrikulatuak

1.137,53

2.792,17

Iragarkiaren kodea: E1910098