1. NAFARROAKO FORU KOMUNITATEA
1.7. BESTELAKOAK
1066/2019 EBAZPENA, uztailaren 15ekoa, Toki Administrazioko zuzendari nagusiak emana, “Meozko (Nafarroa) hondakin uren tratamendua” izeneko proiektuak eta haren lanek ukitutako ondasun eta eskubideen zerrenda jendaurrean jartzen duena.
Nafarroako Toki Azpiegiturak SA (NILSA) enpresak, Longidako Udalarekin finkatua duen lankidetza araubideaz baliatuz diharduela, zuzendaritza nagusi honi eskatu dio jendaurrean jar ditzala “’Meozko (Nafarroa) hondakin uren tratamendua”’ izeneko proiektua eta hark ukitutako ondasun eta eskubideen zerrenda. Era berean, desjabetze espedientea presako prozeduraz tramitatzea eskatu du, Nahitaezko Desjabetzeari buruzko 1954ko abenduaren 16ko Legearen 52. artikuluak ezartzen duen bezala, aipatutako guztia Longidako Udalaren alde.
Udalaren zerbitzu publikoa izanik, Nahitaezko Desjabetzeari buruzko Legearen 10. artikuluan eta Nafarroako Toki Administrazioari buruzko uztailaren 2ko 6/1990 Foru Legearen 215.2 artikuluan ezarritakoari jarraituz, tokiko obra eta zerbitzuen proiektuak onesteak berekin dakar obra eta zerbitzu horiek barnean hartzen dituzten ondasunen onura publikoaren eta okupatu beharraren deklarazioa, nahitaezko desjabetzea egiteko.
Horrenbestez, Nahitaezko Desjabetzeari buruzko Legearen 18. artikuluan xedatutakoari jarraikiz, eta Landa Garapeneko, Ingurumeneko eta Toki Administrazioko Departamentuaren egitura organikoa ezartzen duen irailaren 21eko 78/2016 Foru Dekretuak esleitu dizkidan eskudantziak erabiliz,
EBAZTEN DUT:
1. Hamabost egunez jendaurrean jartzea “Meozko hondakin uren tratamendua (Nafarroa)” izeneko proiektua eta hark ukitutako ondasun eta eskubideen zerrenda, ondotik ematen dena, proiektuak ukitutakoek egokiak iruditzen zaizkien alegazioak aurkeztu, eta zerrendan egindako akatsak zuzentzeko behar diren datuak eman ditzaten, idatziz, Toki Administrazioko Zuzendaritza Nagusian (Arrieta kalea 12, 3. solairua, 31002 Iruña) eta Longidako udaletxean. Bi leku horietan proiektuaren kopia bat eta lurzatien planoak izanen dira eskuragarri.
2. Longidako Udala desjabetze espedientearen onuradun deklaratzea.
3. Ebazpen hau, ukitutako ondasun eta eskubideen zerrendarekin batera, Nafarroako Aldizkari Ofizialean eta Longidako Udalaren iragarki-taulan argitaratuko da. Orobat, iragarki bat argitaratuko da Foru Komunitateko egunkari batean.
Iruñean, 2019ko uztailaren 15ean.–Toki Administrazioko zuzendari nagusia, Xabier Lasa Gorraiz.
MEOZKO (NAFARROA) HONDAKIN UREN TRATAMENDUA Ukitutako ondasun eta eskubideen zerrenda |
FINKAREN KODEA | TITULARRA/K | JARD. | BEHIN BETIKO OKUP. | ZORTASUNA | ALDI BAT. OKUP. | ERREGISTROA | POL. | LURZ. | LUR MOTA |
m² | m.l. | m² | m² | Unit. | m² |
Herria: Meotz (Longida) |
ME-01 | Longidako Udala. San Esteban kalea, 31481 Aos (Nafarroa) | Hor. | 0 | 5 | 15 | 41 | 0 | 0 | - | - | San Pedro kalea |
ME-02 | Longidako Udalaren herri-lurrak San Esteban kalea, 31481 Aos (Nafarroa) | Hor. | 0 | 6 | 18 | 30 | 0 | 0 | 7 | 208 | Larreak-San Pedro kalea |
SH | 0 | 0 | 0 | 0 | 0,5 | 1 | - | - | - |
ME-03 | Longidako Udalaren herri-lurrak San Esteban kalea, 31481 Aos (Nafarroa) | SH | 0 | 93 | 279 | 1478 | 3,5 | 7 | 7 | 211 | Larreak |
ME-04 | Longidako Udala | SH | 0 | 8 | 24 | 136 | 0 | 0 | - | - | Bidea |
ME-05 | Miguel Angel Eransus Juandeaburre jauna | SH | 0 | 196 | 588 | 0 | 4 | 8 | 7 | 363 | Leh. laborantza |
ME-05BIS | Fermín Gorraiz Echamendi jauna | SH | 0 | 0 | 0 | 3884 | 0 | 0 | 7 | 363 | Leh. laborantza |
ME-06 | Longidako Udalaren herri-lurrak | SH | 0 | 0 | 0 | 66 | 0 | 0 | 7 | 362 | Larreak |
ME-07 | Longidako Udala | SH | 0 | 13 | 39 | 109 | 0 | 0 | - | - | Bidea |
ME-08 | Longidako Udalaren herri-lurrak | SH | 385,22 | 0 | 0 | 368 | 0 | 0 | 7 | 285 | Larreak |
ME-09 | Francisco Javier Baztán Aristu jauna | SH | 1.645,92 | 0 | 0 | 0 | 0 | 0 | 7 | 292 | Larreak |
Iragarkiaren kodea: F1909544
