2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ALTSASU
Batzorde informatiboen lehendakaritzak eskuordetzea
Altsasuko Alkateak, 2019ko ekainaren 28an, ebazpen hau eman du:
955/2019 Alkatetzaren Ebazpena, ekainaren 28koa, batzorde informatiboen lehendakaritzak eskuordetzen dituena.
Toki Entitateen Antolaketaren, Funtzionamenduaren eta Araubide Juridikoaren gainean azaroaren 28ko 2568/1985 Errege Dekretuaren bidez onetsitako Erregelamenduaren 125.a) artikuluari jarraituz,
EBATZI DUT:
1.–Altsasuko Hiri Txit Prestuko Udaleko Hirigintza Batzordeko lehendakaritza gain hartzea.
2.–Altsasuko Hiri Txit Prestuko Udaleko Ogasun eta Aurrrekontuen Batzordeko lehendakaritza gain hartzea.
3.–Altsasuko Hiri Txit Prestuko Udaleko Euskara Batzordeko lehendakaritza gain hartzea.
4.–Mari Carmen Goicoechea Napal andrea izendatzea Altsasuko Hiri Txit Prestuko Udaleko Batzorde Soziokulturalaren lehendakari (Gazteria, Ludoteka, Kirola, Kultura eta Parte-hartzea Sailak).
5.–Mari Carmen Viana Murga andrea izendatzea Altsasuko Hiri Txit Prestuko Udaleko Nekazaritza, Abeltzaintza, Mendiak eta Ingurumen Batzordeko lehendakari.
6.–Manuel Bergera Ijurco jauna izendatzea Altsasuko Hiri Txit Prestuko Udaleko Antolaketa eta Giza Baliabideen Batzordeko lehendakari.
7.–Pedro Jiménez Elavira jauna izendatzea Altsasuko Hiri Txit Prestuko Udaleko Festen Batzordeko lehendakari.
8.–Julen Diaz Oyarbide Jauna izendatzea Altsasuko Hiri Txit Prestuko Udaleko Garapen Ekonomiko, Komertzio, Turismo eta Enplegu Batzordeko lehendakari.
9.–Joseba Jokin Zelaia Oiarbide jauna izendatzea Altsasuko Hiri Txit Prestuko Udaleko Memoria Historiko eta Bizikidetza Batzordeko lehendakari.
10.–Mari Carmen Goicoechea Napal andrea izendatzea Emakumea eta Berdintasuna Batzordeko lehendakari.
11.–Joseba Jokin Zelaia Oiarbide jauna izendatzea Osasun eta Gizarte Zerbitzuen Batzordeko lehendakari.
12.–Batzorde Lehendakaritzen izendapenek indarra hartzeko, zinegotzi interesdunak onartu beharko ditu. Hartara, onartutzat hartuko dira, hiru egun baliodunen buruan, behar den jakinarazpena egin eta biharamunetik hasita, kontrakorik espresuki adierazten ez badu.
13.–Banan-banan jakinaraztea ebazpen honek ukitutako zinegotziei, kasua bada kargua har dezaten.
14.–Osoko Bilkurari ebazpenaren berri ematea egiten duen lehenengo bilkuran, eta Nafarroako Aldizkari Ofizialean argitara dadin agintzea.
Egintza honen kontra honako helegite hauek jarri ahalko dira:
–Berraztertzeko helegitea, egintzaren organo egile beraren aurrean, ebazpena jakinarazi eta biharamunetik hasita hilabeteko epean.
–Gora jotzeko helegitea, Nafarroako Auzitegi Administratiboaren aurrean ebazpena jakinarazi eta hurrengo hilabetearen barrenean.
–Administrazioarekiko auzi-helegitea, bi hilabeteko epearen barrenean hura jakinarazi eta biharamunetik aurrera, Administrazioarekiko Auzien epaitegiaren aurrean.
Altsasun, 2019ko uztailaren 4an.–Alkatea, Javier Ollo Martínez.
Iragarkiaren kodea: L1909419
