2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ALTSASU
Udalkideen ordainsariak eta dedikazio araubidea
Altsasuko Udalak, 2019ko uztailaren 3an egindako osoko bilkuran, ondorengoa erabaki zuen:
1.–Erabateko dedikazioaren araubidea onestea Alkatetzarako 21.000 euroko ordainsari gordinarekin urtean. Enpresaren kontu Gizarte-Segurantza 6.447 eurokoa litzake; beraz, 27.447 euro guztira egiten ditu. Aipaturiko kantitateak urtero udaleko langileen soldaten proportzio berean eguneratuko dira.
2.–Gainerako udalkideek dietak hartuko dituzte Udaleko kide anitzeko organoetara agertzeagatik, nor berera betiere; hona dieten kantitateak:
–Osoko bilkurak, Informazio batzordeetara eta Eledunen batzarretara joateagatik: 82,03 euro.
–Tokiko Gobernu Batzarrera joateagatik: 39,37 euro, gehienez ere hilean 74,81 euro izanik.
–Osoko bilkuretara, Informazio batzordeetara eta Eledunen batzarretara joateagatik: 225,72 euro.
Kantitate hauek urtero eguneratuko dira aurreko ekitaldiaren KPIaren arabera.
Altsasun, 2019ko uztailaren 4an.–Alkatea, Javier Ollo Martínez.
Iragarkiaren kodea: L1909417
