2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BURLATA
Laburpena, nazioarteko lankidetza-senidetzeetarako laguntzen deialdi publikoarena
Dirulaguntzei buruzko azaroaren 17ko 38/2003 Lege Orokorraren 17.3b eta 20.8 artikuluetan ezarritakoari jarraituz, argitara ematen da deialdiaren laburpena; haren testu osoa Dirulaguntzen Datu Base Nazionalean kontsultatu daiteke (http://www.pap.hacienda.gob.es/bdnstrans/GE/eu/index). DDBN (identifikazioa): 464153.
Lehenbizikoa.–Deialdiaren xedea.
Lankidetzarako lerro honen xede nagusia da zuzeneko senidetzeak egitea Burlatako herritarren elkarteen eta garapen integralaren bidean diren herrialde eta estaturik gabeko herrietako kontraparteen artean, legez eratutakoak, garapen komunitarioko ekintzak sustatzeko eta elkartasun eta hezkuntza arloko esperientziak trukatzeko, Nafarroako lankidetzarako plan zuzendariaren arabera lehentasuna duten sektoreetan (osasuna, hezkuntza, landa-nekazaritza-abeltzaintzaren garapena, ur-hornidura, elkarte zibilak indartzea, emakumeari buruzko programak eta garapena).
Bigarrena.–Onuradunak.
Irabazi-asmorik gabeko elkarteak, Nafarroako Gobernuaren Elkarteen Erregistroan inskribatuak, deialdian adierazitako baldintzak betetzen dituztenak, eta xede berariazkoa dutenak garapenerako laguntza arloko jarduketak egitea eta herrien arteko elkartasuna sustatzea.
Hirugarrena.–Oinarri arautzaileak.
Nazioarteko lankidetza-senidetzeetarako udalaren laguntzak arautzen dituen udal ordenantza. 2019ko 122. Nafarroako Aldizkari Ofiziala, ekainaren 25ekoa.
Laugarrena.–Eskaerak aurkezteko epea.
Hogei egun baliodunekoa izanen da, deialdia Nafarroako Aldizkari Ofizialean argitaratu eta biharamunetik hasita.
Burlatan, 2019ko ekainaren 28an.–Alkatea, Ana M. Gongora Urzaiz.
Iragarkiaren kodea: L1908972
