1. NAFARROAKO FORU KOMUNITATEA
1.7. BESTELAKOAK
1070/2019 EBAZPENA, uztailaren 16koa, Toki Administrazioko zuzendari nagusiak emana, “Cabredoko hondakin uren tratamendua” izeneko proiektua eta ukitutako ondasun eta eskubideen zerrenda behin betiko onesten dituena.
Toki Administrazioko zuzendari nagusiaren maiatzaren 28ko 837/2019 Ebazpenaren bidez, jendaurrean jarri ziren aipatu proiektua eta proiektuak ukitutako ondasun eta eskubideen zerrenda, hamabost egunez.
Epe hori alegaziorik aurkeztu gabe iragan denez, bidezkoa da proiektua behin betiko onestea.
Horrenbestez, Nahitaezko Desjabetzeari buruzko Legearen 20. artikuluan xedatutakoari jarraikiz, eta Landa Garapeneko, Ingurumeneko eta Toki Administrazioko Departamentuaren egitura organikoa ezartzen duen irailaren 21eko 78/2016 Foru Dekretuak esleitu dizkidan eskudantziak erabiliz,
EBAZTEN DUT:
1. Behin betiko onestea “Cabredoko hondakin uren tratamendua” izeneko proiektua eta hark ukitutako ondasun eta eskubideen zerrenda.
2. Ebazpen hau Nafarroako Aldizkari Ofizialean eta Cabredoko udaletxean argitaratzea. Orobat, iragarki bat argitaratuko da Nafarroako Foru Komunitateko egunkari batean gutxienez ere.
3. Ebazpen hau Cabredoko Udalari jakinaraziko zaio. Horrekin batera, adierazten da administrazio publikoek ez beste interesdun guztiek gora jotzeko errekurtsoa jar dezaketela, Landa Garapeneko, Ingurumeneko eta Toki Administrazioko kontseilariari zuzendua, honako hau jakinarazi eta biharamunetik hilabeteko epean. Administrazio publikoek, berriz, administrazioarekiko auzi-errekurtsoa jar dezakete, Nafarroako Auzitegi Nagusiko Administrazioarekiko Auzien Salari zuzendua, jakinarazi eta biharamunetik bi hilabeteko epean, deusetan galarazi gabe horren aurretik Nafarroako Gobernuaren aurrean errekerimendua egitea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epeetan.
Iruñean, 2019ko uztailaren 16an.–Toki Administrazioko zuzendari nagusia, Xabier Lasa Gorraiz.
Iragarkiaren kodea: F1909605
