1. NAFARROAKO FORU KOMUNITATEA
1.7. BESTELAKOAK
303/2019 EBAZPENA, maiatzaren 17koa, Unibertsitateen eta Hezkuntza Baliabideen zuzendari nagusiak emana. Honen bidez baimen berri bat ematen zaio Iruñeko “Creanavarra” atzerriko ikastetxe pribatuari, eskaintzen dituen ikasketak aldatzeagatik.
Iruñeko “Creanavarra” atzerriko ikastetxearen titularra den “Creanavarra Centro Superior de Diseño, Sociedad Limitada” entitatea ordezkatuz, Carolina Beperet Liberal andreak eskatuta, espedientea ireki da, ikastetxe horri baimena emateko, Erresuma Batuko hezkuntza sistemaren araberako “BTEC Level 5-Higher National Diploma in Creative Media Production (Game Development)” izeneko titulua irakas dezan.
“British Council en España” erakundeak emandako ziurtagiria ikusirik, zeinean esaten baita eskatutako ikasketek balio eta aitorpen osoa daukatela Erresuma Batuan.
Eta ikusirik Hezkuntzako eta Lanbide Heziketako Ministerioaren Lanbide Heziketako Zuzendaritza Nagusiak emandako txostena, zeinean adierazten baitu irakatsi nahi den tituluak Espainiako “Irudia eta Soinua” lanbide arloko goi mailako heziketa zikloen ikasketen maila baliokidea duela. Baliokidetza hori orokorra da, ez baitago baliokidetza taularik bi herrialdeetako heziketa sistemen artean, eta baliokidetzaren baldintzak dira, hortaz, ikasketa hauek hasi behar dituzten ikasleek goi mailako heziketa zikloetan sartzeko behar diren lege baldintzak betetzea, batetik, eta bestetik berariazko lanbide heziketa bati dagokion homologazioa edo baliozkotzea banaka emanen dela, kasuan kasuko ikasleak ikasitako berariazko programa eta lan esperientzia kontuan hartuta.
Espainian dauden ikastetxe atzerritarren araubideari buruzko maiatzaren 28ko 806/1993 Errege Dekretuaren 16. artikuluan ezarritakoa kontuan harturik.
Errege dekretu horren 16. artikuluan ezarritakoaz baliatuz, eta Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32.1.d) artikuluak ematen dizkidan ahalmenak erabiliz, eta Hezkuntzako Azpiegituren Zerbitzuak proposaturik,
EBAZTEN DUT:
1. Erresuma Batuko hezkuntza sistemako “BTEC Level 5-Higher National Diploma in Creative Media Production (Game Development)” tituluari dagozkion irakaskuntzetarako baimena ematea Iruñeko “Creanavarra” atzerriko ikastetxe pribatuari (ikastetxe kodea: 31014633), ondorioak izateko 2018-2019 ikasturtetik aurrera; horrek esan nahi du ikastetxeari baimen berri bat ematen zaiola, modalitate presentzialean eskaintzen dituen ikasketak aldatzeagatik.
2. Ezartzea ikasketa hauetan hasten diren ikasleek bete behar dituztela goi mailako heziketa zikloetan sartzeko legez ezarritako baldintzak, Hezkuntza sistemako lanbide heziketaren antolamendu orokorra ezartzen duen uztailaren 29ko 1147/2011 Errege Dekretuan araututakoaren arabera.
3. Ikasketa hauen homologazioa edo baliozkotzea, berariazko heziketa ziklo bati dagokionez, banaka eman beharko da, ikasle bakoitzak egindako berariazko programaren iraupena, ordu kopurua eta edukiak kontuan hartuta, bai eta lehendik duen lan esperientzia ere, Unibertsitatez kanpoko atzerriko hezkuntza titulu eta ikasketak homologatu eta baliozkotzeari buruzko urtarrilaren 9ko 104/1988 Errege Dekretuak xedatzen duenarekin bat, edo unean unean indarra duen araudiak xedatzen duenarekin bat.
4. Nafarroako Gobernuko Unibertsitatez Kanpoko Ikastetxeen Erregistroan ikastetxearen datu hauek inskribatuko dira:
–Ikastetxearen kodea: 31014633.
–Titularra: Creanavarra Centro Superior de Diseño, Sociedad Limitada.
–Izen generikoa: atzerriko ikastetxe pribatua.
–Berariazko izena: Creanavarra.
–Helbidea: Larrabide kalea 17-19.
–Herria: Iruña.
–Udalerria: Iruña.
–Modalitate presentzialean baimendutako ikasketak: Erresuma Batuko hezkuntza sistemako goi mailako hezkuntza esparruaren parte diren hurrengo ikasketa programak, “Bussiness and Technician Education Council (BTEC)” kontseiluaren zenbait titulu lortzera daramatenak (“Higher National Diploma”), adierazten den ikaspostu kopuruarekin:
–“BTEC Level 5 - Higher National Diploma Graphic Design: (Graphic Design)”: 30 ikasle.
–“BTEC Level 5- Higher National Diploma in Art and Design (Fashion)”: 30 ikasle.
–“BTEC Level 5- Higher National Diploma in Art and Design (Interior Design)”: 30 ikasle.
–“BTEC Level 5- Higher National Diploma in Art and Design (Product Design)”: 60 ikasle.
–“BTEC Level 5- Higher National Diploma in Creative Media Production (Visual Effects)”: 30 ikasle.
–“BTEC Level 5- Higher National Diploma in Creative Media Production (Game Development)”: 60 ikasle.
–Baimendutako ikasleak: espainiarrak eta atzerritarrak.
5. 806/1993 Errege Dekretuaren 16. artikuluarekin bat, ikastetxeko entitate titularrak behar den baimena eskatu beharko dio departamentu honi, “British Council en España” erakundearen ziurtagiria eta izandako aldaketaren frogagiria aurkeztuta, baldin eta ikastetxearen konfigurazioa aldatu nahi bada eta horrek ebazpen honen 3. atalean ezarritako erregistro datuak aldatzea ekartzen badu, edo instalazioak aldatu nahi badira.
6. Ebazpen hau Nafarroako Aldizkari Ofizialean argitaratzea.
7. Ebazpen hau ikastetxearen titularrari jakinaraztea, eta aditzera ematea haren aurka gora jotzeko errekurtsoa jar daitekeela, Hezkuntza Departamentuko kontseilariari zuzendua, jakinarazi eta biharamunetik hasita hilabeteko epean.
8. Ebazpen hau igortzea Hezkuntzako Ikuskapen Zerbitzura, Lanbide Heziketaren Zerbitzura, Hezkuntzako Azpiegituren Zerbitzura, Ikastetxeen, Finantzaketaren eta Ikasketetarako Laguntzen Atalera, Ikasketak Antolatzeko Atalera, Kontratazioaren, Zerbitzu Osagarrien eta Koordinazio Administratiboaren Atalera eta Ikastetxeetako Informazioa Kudeatzeko Bulegora.
Iruñean, 2019ko maiatzaren 17an.–Unibertsitateen eta Hezkuntza Baliabideen zuzendari nagusia, Nekane Oroz Bretón.
Iragarkiaren kodea: F1906907
