1. NAFARROAKO FORU KOMUNITATEA
1.7. BESTELAKOAK
71/2019 EBAZPENA, maiatzaren 27koa, Industriaren, Energiaren eta Berrikuntzaren zuzendari nagusiak emana, Industriaren, Energiaren eta Berrikuntzaren zuzendari nagusiaren maiatzaren 17ko 66/2019 Ebazpenaren akatsak zuzentzen dituena.
Industriaren, Energiaren eta Berrikuntzaren zuzendari nagusiaren maiatzaren 17ko 66/2019 Ebazpenaren bidez, Ablitasko udal-mugarteko “Ablitas II” parke eolikorako aurretiazko administrazio baimena eta eraikitzeko administrazio baimena eman zitzaizkion Eólica Ablitas SLUri, eta zehazki haren onura publikoa deklaratu zen.
8 zenbakiko haize-sorgailuaren koordenatuetan akats bat atzeman denez, bidezkoa da hura zuzentzea, Administrazio Publikoen Administrazio Prozedura Erkideari buruzko urriaren 1eko 39/2015 Legearen 109.2 artikuluan ezarritakoarekin bat.
Adierazitakoarekin bat, eta Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak erabiliz,
EBAZTEN DUT:
1. Energiaren eta Berrikuntzaren zuzendari nagusiaren maiatzaren 17ko 66/2019 Ebazpenean atzemandako akatsa zuzentzea, ondotik adierazten den moduan (ebazpen horren bidez, Ablitasko udal-mugarteko “Ablitas II” parke eolikorako aurretiazko administrazio baimena eta eraikitzeko administrazio baimena eman zitzaizkion Eólica Ablitas SLUri, eta zehazki haren onura publikoa deklaratu zen):
Honako hau dioen tokian:
Haize-sorgailuen koordenatuak ondokoak izanen dira:
HAIZE-SORG. | UTM X | UTM Y | HAIZE-SORGAILUEN POT. |
08 | 619.228,91 | 4.645.681,74 | AW132-3,465 MW |
Honako hau behar du:
Haize-sorgailuen koordenatuak ondokoak izanen dira:
HAIZE-SORG. | UTM X | UTM Y | HAIZE-SORGAILUEN POT. |
08 | 619.190 | 4.645.594 | AW132-3,465 MW |
2. Ebazpen hau Garapen Ekonomikorako Departamentuko Energiaren, Meatzaritzaren eta Industria Segurtasunaren Zerbitzura eta Landa Garapeneko, Ingurumeneko eta Toki Administrazioko Departamentuko Lurralde eta Paisaia Zerbitzura, Nekazaritzako Azpiegituren Zerbitzura eta Ingurune Naturalaren Zerbitzura igortzea, behar diren ondorioak izan ditzan.
3. Ebazpen hau Nafarroako Aldizkari Ofizialean argitaratzea, orok jakin dezan.
4. Ebazpen hau Eólica Ablitas SLUri eta ukitutako ondasun eta eskubideen titularrei jakinaraztea, eta ohartaraztea ebazpenak ez duela administrazio bidea amaitzen eta haren aurka gora jotzeko errekurtsoa jartzen ahal dela, Garapen Ekonomikorako kontseilariari zuzendua, hilabeteko epean, jakinarazi eta biharamunetik hasita. Hartan espediente zenbakia adierazi beharko da.
5. Ebazpen hau Ablitasko Udalari jakinaraztea, eta aditzera ematea honen kontra administrazioarekiko auzi-errekurtsoa jartzen ahal dela, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean, alde batera utzi gabe Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.
Iruñean, 2019ko maiatzaren 27an.–Industriaren, Energiaren eta Berrikuntzaren zuzendari nagusia, Yolanda Blanco Rodríguez.
Iragarkiaren kodea: F1907140
