2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ESTERIBAR
Laburpena, euskara ikasteko 2019ko dirulaguntzena
Udalak 2019ko martxoaren 28ko osoko bilkuran hartutako erabakiaren laburpena, zeinaren bidez onesten baitira 2018-2019 ikasturtean euskara ikasteko dirulaguntzak emateko deialdiaren oinarri arautzaileak. DDBN (identifikazioa): 459088.
Dirulaguntzei buruzko azaroaren 17ko 38/2003 Lege Orokorraren 17.3.b eta 28.8.a artikuluetan ezarritakoari jarraikiz, argitara ematen da deialdiaren laburpena; haren testu osoa kontsulta daiteke Dirulaguntzen Datu Base Nazionalean.
Esteribarko Udalaren laguntza Esteribarko bizilagunendako da, 2018-2019 ikasturtean antolatutako euskara ikasteko ikastaroak diruz laguntzeko. Helburu horretarako 4.000 euroko kreditua izanen da gehienez. Eskaerak aurkezteko epea bi hilabetekoa izanen da, deialdi hau Nafarroako Aldizkari Ofizialean argitaratu eta biharamunetik hasita.
Esteribarren, 2019ko maiatzaren 31n.–Alkatea, Mikel Gastesi Zabaleta.
Iragarkiaren kodea: L1907716
