1. NAFARROAKO FORU KOMUNITATEA
1.7. BESTELAKOAK
280/2019 EBAZPENA, maiatzaren 9koa, Unibertsitateen eta Hezkuntza Baliabideen zuzendari nagusiak emana, Antzingo “San Fausto” Haur eta Lehen Hezkuntzako Ikastetxe Publikoaren berariazko izena aldatzea onesten duena.
Antzingo “San Fausto” ikastetxe publikoaren Eskola Kontseiluak proposatu du ikastetxeari “Lokiz” berariazko izena jartzea gaur egun duen izenaren ordez (“San Fausto”), eta Antzingo Udalak onartu du.
Nafarroako Foru Komunitateko Haur Hezkuntzako Eskola Publikoetako, Lehen Hezkuntzako Ikastetxe Publikoetako eta Haur eta Lehen Hezkuntzako Ikastetxe Publikoetako Erregelamendu Organikoa onesteko otsailaren 10ean emandako 24/1997 Foru Dekretuaren 4.1 artikuluan ezarritakoaren arabera.
Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32.1.d) artikuluak ematen dizkidan ahalmenak erabiliz, eta Hezkuntzako Azpiegituren Zerbitzuak proposaturik,
EBAZTEN DUT:
1. 2019ko uztailaren 1etik aurrera ondorioak dituela, onestea Antzingo “San Fausto” Haur eta Lehen Hezkuntzako Ikastetxeari (ikastetxearen kodea: 31000348) berariazko izena aldatzea eta, horren partez, “Lokiz” izena ematea. Horrenbestez, egun horretatik aurrera, hauxe izanen da ikastetxearen izen osoa: “Lokiz” Haur eta Lehen Hezkuntzako Ikastetxe Publikoa.
2. Ebazpen hau Nafarroako Aldizkari Ofizialean argitaratzea.
3. Ebazpen hau ikastetxeko eskola kontseiluari eta Antzingo Udalari jakinaraztea. Horrekin batera adieraziko zaie ebazpen honen kontra gora jotzeko errekurtsoa jar dezaketela Hezkuntza Departamentuko kontseilariari zuzendua, hau jakinarazi eta biharamunetik hilabeteko epean. Orobat, administrazio publiko interesdunak administrazioarekiko auzi-errekurtsoa jar dezake, Nafarroako Justizia Auzitegi Nagusiko Administrazioarekiko Auzien Salari zuzendua, ebazpenaren berri eman eta biharamunetik hasita bi hilabeteko epean, deusetan galarazi gabe aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen ekainaren 13ko 29/1998 Legearen 44. artikuluan ezarritako moduan eta epeetan.
4. Ebazpen hau igortzea Giza Baliabideen Zerbitzura, Hezkuntzako Ikuskapen Zerbitzura, Baliabide Ekonomikoen Zerbitzura eta Hezkuntzako Azpiegituren Zerbitzura, Ikasketak Antolatzeko Atalera, Departamentuko Egoitzen eta Ikastetxeen Mantentze-lanetarako Atalera, Aurrekontuen eta Kudeaketa Ekonomikoaren Atalera, Kontratazioaren, Zerbitzu Osagarrien eta Koordinazio Administratiboaren Atalera eta Ikastetxeetako Informazioa Kudeatzeko Bulegora.
Iruñean, 2019ko maiatzaren 9an.–Unibertsitateen eta Hezkuntza Baliabideen zuzendari nagusia, Nekane Oroz Bretón.
Iragarkiaren kodea: F1906507
