112. ALDIZKARIA - 2019ko ekainaren 11

1. NAFARROAKO FORU KOMUNITATEA

1.7. BESTELAKOAK

233E/2019 EBAZPENA, apirilaren 17koa, Ingurumeneko eta Lurraldearen Antolamenduko zuzendari nagusiak emana, zeinaren bidez behin betiko onesten baita Cavar-1, Cavar-2 eta Cavar-3 haize-parkeen Udalez gaindiko Proiektu Sektoriala aldatzeko espedientea, Renovables de la Ribera SL merkataritzako sozietateak sustatua. Aldaketaren xedea da azpiestazioa eta energia ateratzeko linea elektrikoaren euskarri batzuk tokiz aldatzea eta CAVAR 1.5 haize-sorgailurako sarbide berria egitea N-121etik.

I.–Aldaketaren xedea eta aurrekariak.

Ingurumeneko eta Lurraldearen Antolamenduko zuzendari nagusiak azaroaren 14an emandako 868E/2018 Ebazpenaren bidez, aipatu Udalez gaindiko Plan Sektoriala aldatzeko espedientearen tramitazioa abiarazi zen (2018ko 247. Nafarroako Aldizkari Ofiziala, abenduaren 26koa). Sustatzailea Renovables de la Ribera SL da, eta aldaketaren xedea da azpiestazioa eta energia ateratzeko linea elektrikoaren euskarri batzuk tokiz aldatzea eta sarbide berria egitea N-121etik.

Udalez gaindiko Plan Sektorialak helburu du hiru haize-parke instalatzea, Cavar-1, Cavar-2, eta Cavar-3A eta 3B izenekoak, Cadreitako eta Valtierrako udal-mugarteetan; eta, orobat, energia Castejonera eta Tuterara ateratzeko linea instalatzea. Aldaketa honen xedea da aurreikusitako parkeetako potentzia jasoko duen azpiestazioa tokiz aldatzea, Valtierrako 8. poligonoko 652. lurzatian jartzeko, Valtierrako herri-lurretan, parkeetatik hurbilago egon dadin; energia ateratzeko linea elektrikoaren euskarri batzuk tokiz aldatzea, eta sarbide berria egitea N-121etik CAVAR 1.5 haize-sorgailura sartzeko.

II.–Jendaurrean jartzea eta entzunaldiak.

Aldaketa hau jendaurrean egon den bitartean inork ez du alegazio idazkirik aurkeztu.

III.–Ingurumen arloko tramitazioa eta txosten sektorialak.

Ingurumeneko eta Lurraldearen Antolamenduko zuzendari nagusiaren martxoaren 29ko 205E/2019 Ebazpenaren bidez, aldaketa honen ingurumen eraginaren adierazpena eman zen. Ebazpen horretan ezartzen da jarduera garatu beharko dela espedientean sartutako agiri teknikoekin eta Ingurumeneko eta Lurraldearen Antolamenduko zuzendari nagusiak urriaren 10ean emandako 1309E/2016 Ebazpenarekin bat (ebazpen horrek ingurumen eraginaren adierazpena eman zien aipatu parkeei). Halaber, beste baldintza batzuk bete beharko dira, honako hauei buruzkoak: lurpeko linea elektrikoaren tarte batzuk lurperatzeko lanak, indusketak ukitutako lurzoru naturalaren azalera guztiak, indusketako lur soberakinak, lan horien jarraipena eta lanak bukatzeko baldintzak.

Herri Lan Zuzendaritza Nagusiak, 2018ko azaroaren 20an, honako determinazio hauek dituen txostena eman du:

–Haize-parkeen sustatzaileak du N-121 errepidetik sartzeko bideetako jarduketak eta lanak gauzatu aurretik egin beharreko jarduketak egiteko ardura. Horiek baimentzeko behar den eskaerarekin batera, behar diren agiri teknikoak aurkeztuko ditu zuzendaritza nagusi honetan, egin beharreko lanak definituko dituztenak, lanak baimendu daitezen, bidezko bada.

–Ukitutako errepidetik proiektaturiko haize-parkeetara doazen sarbideek, gutxienez, honako ezaugarri hauek izan beharko dituzte: errepidearekiko perpendikular samarrak izanen dira; ikusgarritasunerako 200 metroko distantzia izanen dute gutxienez, bi noranzkoetan; lehen 20 metroetan malda %4 edo gutxiago izanen da; R-2 Stop seinale bertikala izanen dute; hormigoiz edo beroan emandako aglomeratu asfaltikoz zolaturik egonen dira lehen 30 metroetan, eta behar diren drainatze lanak eginen dira (arekak, sakanguneak, areka gaineko hodiak, etab.), galtzadan inoiz ere urik edo lokatzik ez sartzeko.

–Tarte bat utziko da energia ateratzeko aireko lineari eusten dieten dorreen eta ukitutako errepideetako galtzadak kanpotik mugatzen dituzten lerroen artean; tarte hori, gutxienez, dorreen garaieraren parekoa izanen da. Ezin da inola ere 50 metrotik beherako tarterik utzi AP-15 autobidean eta A-68 autobian; ezta 25 metrotik beherakoa ere tokiko errepideetan N-121 eta NA-134 errepideetan, halako eran non dorreak, eroriz gero, ez baitu galtzada ukituko.

–Errepidearen plataformaren eta kablerik baxuenaren artean geratu beharreko gutxieneko garaiera librea Berrikuntza, Enpresa eta Enplegu Departamentuak eskatutakoa izanen da, eta ez da inola ere 13 metro baino gutxiago izanen AP-15ean eta A-68an, eta 7 metro baino gutxiago ukitutako errepideetan.

–AP-15 autobidean, A-68 autobian edo N-121 eta NA-134 errepideetan lur azpiko gurutzeak proiektatzen badira, errepidearen zorua ukitu gabe eginen dira, “satorra” baliatuz “iltzatze” sistemaren bitartez, eta %1eko maldari eutsiz, gutxienez, babes estalki gisa erabiliko den hodia kutxatilarantz kanalizatzean.

–Sustatzaileak, lanak gauzatu aurretik, eta haietarako behar den eskaerarekin batera, egin beharreko obrak guztiz zehazten dituen dokumentazio teknikoa aurkeztu beharko du Herri Lan Zuzendaritza Nagusian. Hartan, zehatz definituko dira Nafarroako errepide sarea ukituko duten obrak, baimena eman dakien, bidezko bada. Horrekin batera agiri bat aurkeztu beharko da, AP-15 autobidearen emakida daukanak (Autopista de Navarra) ezarritako baldintzak bilduko dituena.

–Sustatzailearen kargura izanen dira dokumentazio teknikoa prestatzeari, lanak egiteari eta behar bezala funtzionatzeko behar diren kontsumoei eta mantentze-lanei dagozkien gastuak.

IV.–Kontuan hartu beharrekoak.

Energia ateratzeko azkeneko tartea aldatzeko proposamenari dagokion idatzizko dokumentazioa edo deskripzioa nahasgarria da, eta uler daiteke ez datorrela bat grafikoarekin. Tarte hori 43. euskarrian hasi eta La Sernako azpiestazioan bukatzen da. Informazio grafikoa izan da ingurumen eraginaren adierazpenaren xede. Hortaz, ulertu behar da grafikoko aldaketa proposamena dela onespena jasotzen duena.

Ingurumeneko eta Lurraldearen Antolamenduko zuzendari nagusiak espedientea abiarazteko azaroaren 14an eman zuen 868E/2018 Ebazpenean ezartzen da ezen, espedientea osatzeko, deskripzio bat sartu behar dela, kontrol-eraikina eta parkeko azpiestazioa “fusionatzen” dituen eraikinarena, hain zuzen. Hori guztia, otsailaren 26ko 125/1996 Foru Dekretuarekin bat, zeinak haize-parkeen ezarpena arautu baitzuen.

Entitate sustatzaileak, 2018ko azaroaren 22an, grafikoak eta agiri idatziak aurkeztu zituen, eraikin horren kokapenaren, oinplanoaren, aurretiko bisten, fotomuntatzearen eta eraikuntza-ezaugarrien gainekoak, baita azpiestazioko azpiegitura eta zerbitzuei buruzkoak ere. Kontrol-eraikinaren kanpoko neurriak 10,6 × 54 metrokoak dira, bistako hormigoi blokeez eraturiko fatxadak izanen ditu, eta lau isurkiko estalkia, zeramikazko teilazkoa. Kontrol-eraikina eta azpiestazioa 71,5 × 63,2 metroko esparru baten barnean egonen dira, eta gutxienez 2,20 metro garai izanen den hesi batek mugatuko du. Bideek, erakinek edo zimenduek okupatzen ez duten azalera osoa agregakin geruza batez beteko da, 60 cm lodi izanen dena. Ez da zehaztu lur erauzketen tratamendurik ezta paisaian integratzeko neurririk ere. Adierazi da ez dela izanen hargunerik hornidurako edo saneamenduko sare orokorretan. Zerbitzu horiek emateko, 2 m³-ko ur-biltegia jarriko da, kamioi bidez beteko baita, eta putzu septiko itxi bat ere bai. Planteatzen da zuntz optiko bidez La Canterako (La Serna) azpiestaziora lotzea.

Azkenik, 868E/2018 Ebazpeneko kontuan hartzeko oharrak ematen dira jarraian. Ohar horiek eraikuntza-proiektuei edo nahitaezko baimen sektorialei buruzkoak dira, eta, horrenbestez, espedientearen ebazpenean determinazio gisa sartu behar dira. Hona hemen:

–Azpiestazioaren eraikina parkean dagoen kontrol-eraikinarekin “fusionatzen” duen eraikina Nafarroako Ubidea izeneko UPSaren 2. faseko XIII. sektorearen barnean dago. Nafarroako Ubidearen eta haren eremu ureztagarrien eraldaketaren udalez gaindiko proiektu sektorialek ukitutako lurzoruetarako araudian ezartzen den eremu ureztagarrien araubide iragankorrarekin bat (2013ko 195. Nafarroako Aldizkari Ofiziala, urriaren 9koa; aplikatu beharrekoa proiektuak onesten direnetik ureztapena abian dela dioen adierazpena egin arte), interesdunak Nekazaritza, Abeltzaintza eta Elikadura Departamentuaren berariazko baimena eskuratu behar du landaketa berrietarako, labore iraunkorretarako, eraikin berrietarako edo geroko nekazaritzako azpiegituretan eragina izan dezaketen bestelako ekintzetarako.

–Nolanahi ere, proposatutako eraikinak eta linea elektrikoaren euskarriek hiru metroko zortasuna errespetatu beharko dute, bide publikoaren kanpoko ertzetik neurtzen hasita, uztailaren 26ko 1/2017 Legegintzako Foru Dekretuan xedatutakoari jarraituz (111.2 artikulua). Legegintzako foru dekretu horren bidez, Lurraldearen Antolamenduari eta Hirigintzari buruzko Foru Legearen testu bategina onetsi zen.

–Linea elektrikoari dagokion eraikuntza-proiektua Natur Ingurunearen Zerbitzuari jakinarazi beharko zaio, batez ere, euskarrientzat proposatu diren kokaleku berriak eta horiek abelbideekin duten bateragarritasuna dela eta. Gainera, Vianako Printzea Erakundea-Kultura eta Turismo Departamentuko Ondare Historikoaren Zerbitzuak txostena eman beharko du, ondare arkeologikoaren gaineko balizko ukipena dela eta.

–Halaber, La Sernako estaziora sartzeko proposatu den bide berriak REEren baimena beharko du.

Lurralde eta Paisaia Zerbitzuaren 2018ko apirilaren 2ko txostena ikusirik, eta Lurraldearen Antolamenduari eta Hirigintzari buruzko Foru Legearen testu bateginarekin bat (uztailaren 26ko 1/2017 Legegintzako Foru Dekretuaren bidez onetsia), eta Landa Garapeneko, Ingurumeneko eta Toki Administrazioko Departamentuaren egitura organikoa ezartzen duen irailaren 21eko 78/2016 Foru Dekretuaren bidez emandako ahalmenak erabiliz,

EBAZTEN DUT:

1. Behin betiko onestea Cavar-1, Cavar-2 eta Cavar-3 haize-parkeen Udalez gaindiko Proiektu Sektoriala aldatzeko espedientea, Renovables de la Ribera SL merkataritzako sozietateak sustatua. Aldaketaren xedea da azpiestazioa eta energia ateratzeko linea elektrikoaren euskarri batzuk tokiz aldatzea eta CAVAR 1.5 haize-sorgailurako sarbide berria egitea N-121etik.

2. Honako hauetan xedatutakoari jarraitu beharko die sustatzaileak: Ingurumeneko eta Lurraldearen Antolamenduko zuzendari nagusiak martxoaren 29an emandako 205E/2019 Ebazpenean xedaturikoari, haren bidez ingurumen eraginaren adierazpena ematen baitzaio aldaketa honi; espedientearen tramitazioan emandako txosten sektorialei, eta ebazpen honen azalpen zatiari.

3. Obren eragina jasan dezaketen beste azpiegitura eta zortasunei dagokienez edo obrak egitea baldintzatzen ahal duten azpiegitura eta zortasunei dagokienez, sustatzaileak behar diren baimen guztiak lortuko ditu kasuan kasuko gaian eskudun diren organoetatik.

4. Adieraztea ebazpen honek administrazio bidea amaitzen duela, eta bere aurka administrazioarekiko auzi-errekurtsoa jartzen ahal dela, Nafarroako Justizia Auzitegi Nagusiaren Administrazioarekiko Auzien Salaren aurrean, bi hilabeteko epean ebazpena argitaratu eta biharamunetik hasita, Administrazioarekiko Auzien Jurisdikzioa arautzen duen uztailaren 13ko 29/1998 Legearen 10. eta 46. artikuluetan xedatutakoarekin bat, Administrazio Publikoen Administrazio Prozedura Erkideari buruzko urriaren 1eko 39/2015 Legearen 112.3 artikuluari dagokionez.

Dena dela, administrazio publikoek aurretiazko errekerimendua egiten ahalko dute, Nafarroako Gobernuari zuzendua, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.

5. Ebazpen hau Nafarroako Aldizkari Ofizialean argitaratzea eta jakinaraztea Herri Lan Zuzendaritza Nagusiari, Energiaren, Meatzaritzaren eta Industria Segurtasunaren Zerbitzuari, Lurralde eta Paisaia Zerbitzuari, Cadreitako, Valtierrako, Castejongo eta Tuterako udalei eta sustatzaileari.

Iruñean, 2019ko apirilaren 17an.–Ingurumeneko eta Lurraldearen Antolamenduko zuzendari nagusia, Eva García Balaguer.

Iragarkiaren kodea: F1905605