112. ALDIZKARIA - 2019ko ekainaren 11

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

CORELLA

6. poligonoko 268. lurzatiaren desafektazioa, erabilera lagatzeko. Hasierako onespena

Kontuan harturik Tribal Trading S Coop enpresak, 4876/2016 sarrera erregistroa duen idazkiaren bidez, eskatu zuela 6. poligonoko 268. lurzatiaren desafektazioa, ekoizpen ekologikoko elikagaiak biltegiratu, ontziratu eta banatzeko jarduera ezartzeko.

Kontuan hartuz Corellako Udalak egoki eta mesedegarri jotzen duela babestea udalerriarentzat garapen ekonomikoa dakarten jarduerak.

Kontuan hartuz Nafarroako Toki Administrazioari buruzko 6/1990 Foru Legearen 140. artikuluan eta Nafarroako Toki Entitateen Ondasunei buruzko Erregelamendua onesten duen urriaren 18ko 280/1990 Foru Dekretuaren 143. artikuluan xedatutakoa.

Kontuan hartuz Hirigintza eta Industria Batzordeak aurtengo maiatzaren 14an eginiko bilkuran emandako aldeko txostena.

Udalbatzako kide guztiek, aho batez, erabakitzen dute:

Lehenbizikoa: hasiera batez onestea 6. poligonoko 268. lurzatiaren desafektazioa (Río Bajo lekua), horren erabilera Tribal Trading S Coop enpresari lagatzeko, ekoizpen ekologikoko elikagaiak biltegiratu, ontziratu eta banatzeko jarduera ezar dezan.

Bigarrena: onestea 6. poligonoko 268. lurzatiaren erabileraren lagapena arautuko duen baldintza-agiria.

Hirugarrena: hasierako onespenaren erabaki hau jendaurrean jartzea Udalaren iragarki-taulan hilabeteko epean, aldez aurretik iragarkia paratuta Nafarroako Aldizkari Ofizialean, aipatutako epearen barrenean alegazioak edo erreklamazioak aurkeztu ahal izateko.

Corellan, 2019ko maiatzaren 22an.–Alkatea, Gorka Garcia Izal.

Iragarkiaren kodea: L1906990