1. NAFARROAKO FORU KOMUNITATEA
1.7. BESTELAKOAK
184/2019 EBAZPENA, apirilaren 9koa, Hezkuntzako zuzendari nagusiak emana, otsailaren 6ko 59/2019 Ebazpena aldatzen duena eta antolamendua eta funtzionamendua arautzeko jarraibideak ematen dituena Nafarroako Foru Komunitatean bakarrik dauden adingabe atzerritarrentzako Gizartean, Hezkuntzan eta Lan Munduan Txertatzeko Programarako (PISEP), Zurgintzako lanbide-profilean. Aldatzen den ebazpenaren bidez jarraibideak eman ziren aipatu Gizartean, Hezkuntzan eta Lan Munduan Txertatzeko Programarako.
Hezkuntzako zuzendari nagusiaren otsailaren 6ko 59/2019 Ebazpenaren bidez, antolamendua eta funtzionamendua modu esperimentalean arautzeko jarraibideak onetsi ziren Nafarroako Foru Komunitatean bakarrik dauden adingabe atzerritarrentzako Gizartean, Hezkuntzan eta Lan Munduan Txertatzeko Programarako (PISEP).
Bakarrik dauden adingabe atzerritar gehiago etorri direnez gure erkidegora, egokitzat jotzen da modu esperimentalean onetsitako Gizartean, Hezkuntzan eta Lan Munduan Txertatzeko Programan (PISEP) parte hartzeko aukera ematea haiei, gizarte eta lan integrazioa errazteko aipatu 59/2019 Ebazpenean ezarritako moduan.
Ebazpen horren 7. oinarrian aipatzen denez, hiru esparru jasotzen dira programa honen egituran. Haietako bat trebetasun sozialen eta autonomia pertsonalaren esparrua da, eta horretarako astean hiru ordu aurreikusten dira (8. oinarria), Gizarte integrazioko goi mailako teknikari tituludun batek emanak (11. oinarria). Ezinezkoa denez Gizarte integrazioko goi mailako teknikari tituludunak kontratatzea, egoki jotzen da Gizarteratzeko eta laneratzeko trebetasun sozialen eta autonomiaren esparrua eta horri dagokion modulua kentzea, eta horretarako aurreikusten ziren asteko hiru ordu horiek erabiltzea, onetsitako lanbide-profil guztietan, asteko ordu-kopurua gehitzeko 1. mailako gaitasun unitateei lotutako moduluetan, enplegurako prestakuntzari lotutako lanbide heziketako esparrukoetan, alegia. Halaber, egoki jotzen da modulu hori emateko arduradunen erreferentzia kentzea, baita 2. eranskinean aurreikusitako curriculum erreferentzia ere.
Era berean, adingabeen beste talde bati arreta eman behar zaionez, beharrezkotzat jotzen da programa horren beste talde bat onestea, honako jomuga hauek dituena: gako-gaitasunak lortzea, zurgintza eta altzarigintzaren arloarekin lotutako lanbide-gaitasunak sortzea eta eguneratzea, lankidetza eta elkartasun balioak garatzea, lanbide gaikuntza handitzea eta adingabe horiei esperientzia arrakastatsuak ematea.
Horregatik, beharrezkoa da Hezkuntza Departamentuaren esku-hartzea. Programa bat abiatzea da garatu beharreko neurrietako bat, eta programa horrek jomuga izan behar du zurgintza eta altzarigintzako lanbide-profilarekin lotutako gaitasunak lortzea, pertsona horiek gizarteratzen eta laneratzen laguntzeko. Eskubide Sozialetako Departamentuari dagokio programaren kostuak oso-osorik finantzatzea.
Lanbide Heziketaren Zerbitzuko zuzendariak aldeko txostena aurkeztu du otsailaren 6ko 59/2019 Ebazpena aldatzeko eta antolamendua eta funtzionamendua arautzeko jarraibideak onesteko bakarrik dauden adingabe atzerritarrentzako Gizartean, Hezkuntzan eta Lan Munduan Txertatzeko Programarako (PISEP) –Iruñeko Donibane ikastetxe integratuan egitekoa, zurgintza eta altzarigintzako lanbide-profilean, alegia–, programa horri lotutako gastua –Eskubide Sozialetako Departamentuak finantzatzekoa– onetsi dadin.
Nafarroako Foru Komunitateko Administrazioari eta Foru-sektore publiko instituzionalari buruzko martxoaren 11ko 11/2019 Foru Legearen 32.1.d) artikuluak ematen dizkidan ahalmenak erabiliz,
EBAZTEN DUT:
1. Otsailaren 6ko 59/2019 Ebazpena aldatzea, atxikita doan 1. eranskinean ezarritako moduan. Ebazpen horren bidez, antolamendua eta funtzionamendua arautzeko jarraibideak eman ziren Nafarroako Foru Komunitatean bakarrik dauden adingabe atzerritarrentzako Gizartean, Hezkuntzan eta Lan Munduan Txertatzeko Programarako (PISEP).
2. Antolamendua eta funtzionamendua arautzeko jarraibideak onestea bakarrik dauden adingabe atzerritarrentzako Gizartean, Hezkuntzan eta Lan Munduan Txertatzeko Programaren (PISEP) zurgintza eta altzarigintzako lanbide-profilerako. Jarraibide horiek 2. eta 3. eranskinetan jasotzen dira.
3. Onestea programa horri lotutako gastua zurgintza eta altzarigintzako profilean. Guztira 32.942,39 euro egiten du, 2019ko gastuen aurrekontuko partida hauen kargura:
–400000 41000 1220 322000, “Aldi baterako kontratudunen ordainsariak”: 24.731,51 euro.
–400000 41000 1600 322000, “Gizarte Segurantza”: 8.210,88 euro.
4. Ebazpen hau eta eranskinak honako hauetara igortzea, behar diren ondorioak izan ditzaten: Gizarteratzeko eta Babes Sozialerako Zuzendaritza Nagusia, Errealitate Sozialaren Behatokiaren eta Gizarte Politiken Plangintzaren eta Ebaluazioaren Zuzendaritza Nagusia, Nafar Lansare-Nafarroako Enplegu Zerbitzua, Lanbide Heziketaren Zerbitzua, Antolamenduaren, Orientazioaren eta Aukera Berdintasunaren Zerbitzua, Hezkuntzako Ikuskapen Zerbitzua, Ebaluazioaren, Kalitatearen, Prestakuntzaren eta Bizikidetzaren Zerbitzua, Eleaniztasunaren eta Arte Ikasketen Zerbitzua, Baliabide Ekonomikoen Zerbitzua, Giza Baliabideen Zerbitzua, Hezkuntzako Azpiegituren Zerbitzua, Hezkuntzako Teknologien eta Informazio Sistemen Zerbitzua eta Aurrekontuen eta Kudeaketa Ekonomikoaren Atala.
5. Ebazpen hau Nafarroako Aldizkari Ofizialean argitara dadila agintzea.
Iruñean, 2019ko apirilaren 9an.–Hezkuntzako zuzendari nagusia, Roberto Pérez Elorza.
1. ERANSKINA
Otsailaren 6ko 59/2019 Ebazpenaren aldaketa. Ebazpen horren bidez, antolamendua eta funtzionamendua arautzeko jarraibideak eman ziren Nafarroako Foru Komunitatean bakarrik dauden adingabe atzerritarrentzako Gizartean, Hezkuntzan eta Lan Munduan Txertatzeko Programarako (PISEP)
1. Otsailaren 6ko 59/2019 Ebazpenaren 1. eranskina aldatzen da, jarraian adierazten den moduan. Ebazpen horren bidez, antolamendua eta funtzionamendua arautzeko jarraibideak eman ziren Nafarroako Foru Komunitatean bakarrik dauden adingabe atzerritarrentzako Gizartean, Hezkuntzan eta Lan Munduan Txertatzeko Programarako (PISEP).
–7. oinarria honela geldituko da idatzirik:
“7. Programako irakasleak eta profesionalak, eta beren funtzioak.
Programa honek barne hartzen duen prestakuntza hiru esparrutan banatuta dago:
–Gako-gaitasunei lotutako esparru soziolinguistikoa.
–Enplegurako prestakuntzari lotutako lanbide heziketaren esparrua, 1. mailako gaitasun unitateei dagokiena.
Programa honetako gako-gaitasunei lotutako esparru soziolinguistikoan irakasteko, beharrezkoa izanen da Oinarrizko Lanbide Heziketako zikloetan Komunikazioa eta Gizartea modulua emateko eskatzen diren baldintzak betetzea.
1. mailako gaitasun unitateei lotutako moduluetan irakasteko, beharrezkoa izanen da modulu horiek barnean hartzen dituzten oinarrizko lanbide tituluetan ezarritako modulu lotuetan irakasteko eskatzen diren baldintzak betetzea.
Ikasleen ezaugarriak direla eta, komeni da irakasle taldea txikia izatea, ikasleak hobeki ezagutzeko eta koordinatuta lan egiteko. Hartara, irakasleek baterako jarduketa irizpideak ezarriko dituzte eta programako moduluen edukiak modu koherentean landuko dira.
Programako irakasle eta profesionalek zeregin hauek izanen dituzte:
–Gizarte, hezkuntza eta lan arloko esku-hartzea planifikatzea eta programatzea.
–Moduluen edukiak garatzea, ikuspegi orohartzaileak, diziplinartekoak eta ikasleen interesekoak proposatuz.
–Ikasturte bukaerako memoria egitea, hobetzeko proposamenak eginez.
–Irakaskuntza eta ikaskuntza prozesua koordinatzea eta ebaluatzea.
Irakasle eta profesional horiek berariazko aholkularitza eta prestakuntza jasoko dute Antolamenduaren, Orientazioaren eta Aukera Berdintasunaren Zerbitzuaren eskutik.
Irakasleen plazak betetzeko zailak diren lanpostutzat hartuko dira”.
–8. oinarria honela geldituko da idatzirik:
“8. Gizartean, Hezkuntzan eta Lan Munduan Txertatzeko Programaren antolamendua.
Moduluen orduak honela banatuko dira astean:
–Gako-gaitasunei lotutako modulu soziolinguistikoa: 10 ordu.
–1. mailako gaitasun unitateei lotutako moduluak: 15 ordu”.
–10. oinarria honela geldituko da idatzirik:
“10. Gizartean, Hezkuntzan eta Lan Munduan Txertatzeko Programa ezarriko duten ikastetxeak.
PISEPa emateko baimena izanen dute ikastetxe publiko hauek:
- Burlata LH IB.
- Uharte BHI.
- Virgen del Camino IBP.
- María Ana Sanz IB.
- Nekazaritza eta Basogintzako IB.
- San Juan-Donibane IB”.
–11. oinarria honela geldituko da idatzirik:
“11. Gizartean, Hezkuntzan eta Lan Munduan Txertatzeko Programaren finantzaketa.
Eskubide Sozialetako Departamentuak eta Hezkuntza Departamentuak batera finantzatuko dute PISEPa:
–Hezkuntza Departamentuak Lanbide Heziketako zentroen espazioak, ekipamenduak eta instalazioak jarriko ditu, eta horien erabilerak dakartzan gastu guztiak ordainduko ditu, baita zuzendaritza taldeek eta administrazio eta zerbitzuetako langileek eginiko lanari dagozkion gastuak ere.
–Eskubide Sozialetako Departamentuak bere gain hartuko ditu programa osatzen duten moduluak garatzeko behar diren langileen gastu guztiak. Horretarako, behar duen finantzaketa emanen dio Hezkuntza Departamentuari, beharrezko langileak kontratatzeko behar diren partidak handitu ditzan:
a) Gako-gaitasunei lotutako modulu soziolinguistikoa: irakasleak.
b) 1. mailako gaitasun unitateei lotutako moduluak: irakasleak”.
2. Otsailaren 6ko 59/2019 Ebazpenaren 2. eranskina aldatzen da, jarraian adierazten den moduan –ebazpen horren bidez, antolamendua eta funtzionamendua arautzeko jarraibideak eman ziren Nafarroako Foru Komunitatean bakarrik dauden adingabe atzerritarrentzako Gizartean, Hezkuntzan eta Lan Munduan Txertatzeko Programarako (PISEP)–:
Eranskinaren 3. atala kentzen da. Gizarteratzeko eta laneratzeko trebetasun sozialen eta autonomiaren curriculum erreferentziari buruzkoa da atal hori.
2. ERANSKINA
Zurgintza eta altzarigintzako lanbide-esparruko Gizartean,
Hezkuntzan eta Lan Munduan Txertatzeko Programaren (PISEP) ezaugarri orokorrak
1. Zurgintza eta altzarigintzako lanbide-esparruko programaren ezaugarri orokorrak.
Aplikatzekoak dira Hezkuntzako zuzendari nagusiak eman otsailaren 6ko 59/2019 Ebazpenaren 1. eranskinean jasotako jarraibide eta neurri guztiak, ebazpen honetan aurreikusitako programa garatuko duen ikastetxeari dagozkionak eta ebazpen honen bidez aldatzen direnak izan ezik. Ebazpen horren bitartez, antolamendua eta funtzionamendua modu esperimentalean arautzeko jarraibideak eman ziren Nafarroako Foru Komunitatean bakarrik dauden adingabe atzerritarrentzako Gizartean, Hezkuntzan eta Lan Munduan Txertatzeko Programarako (PISEP).
2. Zurgintza eta altzarigintzako lanbide-profileko Gizartean, Hezkuntzan eta Lan Munduan Txertatzeko Programa ezarriko duen ikastetxea.
PISEPa emateko baimena ematen zaio ikastetxe publiko honi:
–Iruñeko San Juan-Donibane IB.
3. ERANSKINA
Curriculumerako erreferentzia
Aplikatzekoak dira Hezkuntzako zuzendari nagusiak eman otsailaren 6ko 59/2019 Ebazpenaren 2. eranskinean jasotako jarraibide eta neurri guztiak, 1. mailako gaitasun unitateei lotutako moduluen curriculum erreferentziari dagokiona izan ezik, eta ebazpen honetan sartutako aldaketak kontuan harturik. Ebazpen horren bitartez, antolamendua eta funtzionamendua modu esperimentalean arautzeko jarraibideak eman ziren Nafarroako Foru Komunitatean bakarrik dauden adingabe atzerritarrentzako Gizartean, Hezkuntzan eta Lan Munduan Txertatzeko Programarako (PISEP).
1. 1. mailako gaitasun unitateei lotutako lanbide moduluen curriculum erreferentzia.
Honako hauek dira erreferentziako profesionaltasun ziurtagiria eta gaitasun unitateak, zurgintza eta altzarigintzako PISEPeko lanbide-profilari lotuak:
Erreferentziako lanbide-kualifikazioa: Zurgintza eta altzarigintzako lanak. Hauek dira gaitasun unitateak:
–UC0162_1: zura eta eratorriak mekanizatzea.
–UC0173_1: zurgintza eta altzarigintzako produktu eta elementuak doitu eta paketatzea.
–UC0882_1: zurgintza eta altzarigintzako elementuak muntatzen eta instalatzen laguntzea.
Gaitasun unitateei dagozkien moduluen ordutegia ikasgelako programazioetan zehaztuko da.
Iragarkiaren kodea: F1905128