1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
178E/2019 FORU AGINDUA, maiatzaren 15ekoa, Osasuneko kontseilariak emana, Nafarroako Ospitaleguneko Anestesiako, Konorteratzeko eta Minaren Terapeutikako Zerbitzuko buru den Miguel Javier Salvador Bravo jaunaren izendapena luzatzen duena, merezimendu-lehiaketaren bidez esleitu baitzitzaion kargua bitarte baterako.
Osasuneko kontseilariaren apirilaren 26ko 170E/2018 Foru Aginduaren bidez, Miguel Javier Salvador Bravo jauna Nafarroako Ospitaleguneko Anestesiako, Konorteratzeko eta Minaren Terapeutikako Zerbitzuko buru izendatu zen, bitarte baterako, merezimendu-lehiaketaren ondorioz. Urtebeterako izendatu zuten, baina hiru urtez ere egoteko aukerarekin, karguaz jabetu zenetik.
Miguel Javier Salvador Bravo jauna 2018ko maiatzaren 8an jabetu zen postu horretaz.
Nafarroako Ospitaleguneko zuzendari asistentzialak eskatu du Miguel Javier Salvador Bravo jaunaren izendapena luzatzeko, Nafarroako Ospitaleguneko Anestesiako, Konorteratzeko eta Minaren Terapeutikako Zerbitzuko buru izaten jarrai dezan bitarte baterako, zerbitzu beharrak direla eta.
Aurrekoa kontuan harturik, eta Osasuneko kontseilariak irailaren 14an emandako 68/2016 Foru Aginduaren 5. artikuluan ezarritakoari jarraikiz, hartan ezartzen baita Osasunbidea-Nafarroako Osasun Zerbitzuan laguntza ataletako eta zerbitzuetako burutzak bitarte baterako betetzeko prozedura, bidezkoa da Miguel Javier Salvador Bravo jaunaren bitarte baterako izendapena luzatzea, Nafarroako Ospitaleguneko Anestesiako, Konorteratzeko eta Minaren Terapeutikako Zerbitzuko buru izaten jarrai dezan.
Ikusirik Osasunbidea-Nafarroako Osasun Zerbitzuko zuzendari kudeatzailearen proposamena,
AGINTZEN DUT:
1. Nafarroako Foru Komunitateko Administrazioko eta haren erakunde autonomoetako funtzionario Miguel Javier Salvador Bravo jaunaren bitarte baterako izendapena, merezimendu-lehiaketaren ondoriozkoa, urtebete luzatzea, 2019ko maiatzaren 8tik aurrera, Nafarroako Ospitaleguneko Anestesiako, Konorteratzeko eta Minaren Terapeutikako Zerbitzuko buru izaten jarrai dezan.
2. Foru agindu hau interesdunari jakinaraztea, eta igortzea Funtzio Publikoko Zuzendaritza Nagusira, Osasunbidea-Nafarroako Osasun Zerbitzuko zuzendari kudeatzaileari, Profesionalen Zuzendaritzara, Ordainsari eta Prestazioen Zerbitzura, Langileriaren Prozesu eta Ebaluazio Zerbitzura eta Langileen Antolamendu eta Araubidearen Atalera, Nafarroako Ospitaleguneko Kudeatzailetzara, Profesionalen Zuzendaritzara eta Langileriaren eta Lan Harremanen Zerbitzuko Kudeaketa Administratiboaren Unitatera.
3. Foru agindu hau Nafarroako Aldizkari Ofizialean argitaratzea, orok jakin dezan.
Iruñean, 2019ko maiatzaren 15ean.–Osasuneko kontseilaria, Fernando Domínguez Cunchillos.
Iragarkiaren kodea: F1906779
