1. NAFARROAKO FORU KOMUNITATEA
1.7. BESTELAKOAK
72/2018 EBAZPENA, apirilaren 11koa, Energiaren, Meatzaritzaren eta Industria Segurtasunaren Zerbitzuko zuzendariak emana, aurretiko administrazio baimena ematen duena 2018an Nafarroako Foru Komunitateko zenbait udalerri eta hirigunetan gas natural kanalizatuaren sareak hedatzeko.
Gas Navarra SA enpresak, 2017ko abenduaren 21ean, Gas erregaien banaketari eta erabilerari buruzko erregelamendu teknikoaren (uztailaren 28ko 919/2006 Errege Dekretuaren bidez onetsia) ITC-ICG 01eko 2. artikuluan ezarritakoa betez, urteko baimen bateratua eskatu zuen Nafarroako Foru Komunitateko ondoko udalerri eta hiriguneetan gas natural kanalizatuaren sareak hedatzeko 2018. urtean:
Ablitas, Oibar, Allo, Altsasu, Andosilla, Antsoain, Oltza Zendea (Arazuri eta Ororbia), Agoitz, Aranguren (Mutiloa), Arbizu, Arguedas, Arroitz, Artaxoa, Aiegi, Azagra, Bakaiku, Barañain, Barillas, Baztan, Bera, Berbintzana, Beriain, Berriobeiti (Aitzoain), Berriozar, Bertizarana, Buñuel, Burlata, Cabanillas, Cadreita, Caparroso, Cárcar, Zarrakaztelu, Cascante, Kaseda, Castejón, Cintruénigo, Zizur (Zizur Txikia eta Gazolatz), Galar (Cordovilla), Corella, Cortes, Doneztebe, Elgorriaga, Noain Elortzibar (Elortz, Noain, Dorre Elortzibar, Imarkoain eta Zulueta), Lizarra, Esteribar, Etxarri Aranatz, Ezkabarte (Arre), Faltzes, Fitero, Fontellas, Funes, Fustiñana, Goizueta, Eguesibar (Gorraitz eta Olatz), Uharte, Igantzi, Irurtzun, Ituren, Iturmendi, Lakuntza, Larraga, Leitza, Lekunberri, Lerin, Lesaka, Ledea, Lodosa, Los Arcos, Irunberri, Martzilla, Mélida, Mendabia, Mendigorria, Milagro, Miranda Arga, Monteagudo, Murchante, Murillo el Fruto, Obanos, Olazti, Erriberri, Orkoien, Oteitza, Iruña, Azkoien, Gares, Murillo el Cuende (Arrada), Ribaforada, San Adrián, Zangoza, Santakara, Sartaguda, Sesma, Sunbilla, Tafalla, Tebas-Muru Artederreta, Tutera, Tulebras, Uharte Arakil, Urdiain, Valtierra, Viana, Alesbes, Villatuerta, Atarrabia, Ziordia, Zizur Nagusia, Itza (Zuasti).
Eskaera horretan aurreikusitako instalazioak egungo gas naturalaren sareen hedapen eta aldaketak dira. Sare horien jardueraren gehieneko presioa 5 bar edo gutxiagokoa da eta ez dira sartu berariazko proiektua izan duten edo izanen duten sareak. Sare horiek 15.957 metroko luzera dute, guztira. Aurrekontua 1.123.200,17 eurokoa da.
Gas Navarra SA enpresaren eskaera jendaurrean jartzeko tramitean jarri zen, iragarkia paratuz 2018ko 16. Nafarroako Aldizkari Ofizialean, urtarrilaren 23koan, eta egun bereko “Diario de Navarra” nahiz “Diario de Noticias” egunkarietan.
Jendaurrean jartzeko aldian, Zizur Nagusiko Udalaren alegazioa jaso da. Han hau adierazten da: “udalerri honetarako aurreikuspenei dagokienez, egiaztatu da datuak ez datozela bat, 2017ko espedientean egiaztatu ahal izan den moduan; hornidura puntuen 4,2 km planteatzen ziren eta 90 hargune, baina ez dira iritsi 50 metrora ezta 10 hargune berri egitera ere, eta datu horiek justifikatzeko beste daturik aurkeztu ez dutenez, zuzendu eta aurkeztu egin beharko lituzkete”.
Energiaren, Meatzaritzaren eta Industria Segurtasunaren Zerbitzuak honako hau jakinarazten du: ITC-ICG 01eko 2. artikuluan xedatutakoarekin bat, aurretik dauden sareak hedatzeko kasuetan, aurretiko administrazio baimena txosten orokor batean oinarrituta eskatuko da, non gasa banatzeko instalazioak eraikitzeko urteko aurreikuspenak sartuko diren. Hala, gutxi gorabeherako kalkulu bat da, ez baieztapen finko bat; izan ere, metro eta hargune kopurua ez dago soilik enpresa banatzailearen menpe, baita kanpoko beste faktore eta irizpide batzuen menpe ere (esaterako, gas naturalaren hornidura eskatzen duten erabiltzaileen kopurua). Aurreikusitakoaren eta exekutatutakoaren arteko aldea administrazioari jakinaraziko zaio hurrengo urteko lehen hiruhilekoan.
2017ko abenduaren 26an, Gas Navarra SAk aditzera eman zuen Nedgia Navarra SA izanen dela aurrerantzean.
Adierazitakoarekin bat, Industriaren, Energiaren eta Berrikuntzaren zuzendari nagusiak urtarrilaren 15ean emandako 48/2016 Ebazpenaren bidez eskuordetu dizkidan eskumenak erabiliz (2016ko 20. Nafarroako Aldizkari Ofiziala, otsailaren 1ekoa), eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22. eta 36. artikuluetan ezarritakoa betez,
EBATZI DUT:
1. Nedgia Navarra SA enpresari baimena ematea aipatu diren udalerri eta hiriguneetan gas natural kanalizatuaren sareak hedatzeko instalazioak gauzatzeko 2018. urtean.
2. Instalazio hori egiteko dokumentua, Francisco Giménez Valle industria ingeniari teknikoak sinatua, onestea, eta hamabi hilabete ematea obrak burutzeko.
3. Zizur Nagusiko Udalak aurkeztutako alegazioa ezestea.
4. Baimen hau ematen da beharrezkoak diren emakidak eta baimenak galarazi gabe, aplikatzekoak diren bestelako xedapenen, sektoreko legeriaren eta, bereziki, lurraldearen antolamenduari eta ingurumenari buruzko xedapenen arabera, ukitutako ondasun eta zerbitzuen jabe diren erakunde guztienak barne.
5. Bi hilabeteko epean, eta betiere instalazioen exekuzioa hasi baino lehen, aurkeztutako aurrekontuaren %2ko bermea jarri beharko du Nedgia Navarra SAk. Berme hori Nafarroako Gobernuko Garapen Ekonomikorako Departamentuan jarri beharko da eta instalazioak abian jartzeko akta egin ondoren itzuliko da.
6. Instalazio berriak eta horien muntaketa, bai eta PGLaren planten itxiera ere, indarreko araudian ezarritakoaren arabera eginen da.
7. Nedgia Navarra SAk urriaren 7ko 34/1998 Legearen 74. artikuluan ezarritako betebeharrak beteko ditu, zehazki, artikulu horren 1.d) atalean ezarritakoa.
8. Behin proiektua eginik, instalazioak zerbitzuan jarri eta hogeita hamar egun igaro baino lehen, Nedgia Navarra SAk uztailaren 28ko 919/2006 Errege Dekretuaren 5.7 artikuluan adierazitako dokumentazioa aurkeztu beharko du Energiaren, Meatzaritzaren eta Industria Segurtasunaren Zerbitzuan.
9. Ebazpen hau Energiaren, Meatzaritzaren eta Industria Segurtasunaren Zerbitzuari igortzea, behar diren ondorioak izan ditzan.
10. Ebazpen hau Nedgia Navarra SAri jakinaraztea, eta ohartaraztea ebazpenak ez duela administrazio bidea agortzen eta haren aurka gora jotzeko errekurtsoa jartzen ahal dela, Garapen Ekonomikorako kontseilariari zuzendua, hilabeteko epean, jakinarazpena jaso eta biharamunetik hasita. Hartan espediente zenbakia adierazi beharko da.
11. Ebazpen hau Nafarroako Aldizkari Ofizialean argitaratzea, orok jakin dezan.
12. Ebazpen hau Zizur Nagusiko Udalari eta ukitutako gainerako udalei jakinaraztea, eta aditzera ematea honen kontra administrazioarekiko auzi-errekurtsoa jartzen ahal dela, eskumena duen ordena jurisdikzionalari zuzendua, honako hau jakinarazi eta biharamunetik hasita bi hilabeteko epean, alde batera utzi gabe Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.
Iruñean, 2018ko apirilaren 11n.–Energiaren, Meatzaritzaren eta Industria Segurtasunaren Zerbitzuko zuzendaria, Roberto Yoldi Echarren.
Iragarkiaren kodea: F1804953
