Iragarkia

92. ALDIZKARIA - 2018ko maiatzaren 15a

1. NAFARROAKO FORU KOMUNITATEA

1.4. DIRU-LAGUNTZAK, LAGUNTZAK ETA BEKAK

147/2018 EBAZPENA, apirilaren 23koa, Politika Ekonomiko eta Enpresarialaren eta Lanaren zuzendari nagusiak emana, 2018an nazioartekotzea bultzatuko duten zerbitzu espezializatuak kontratatzeko diru-laguntzen deialdia onesten duena.

Garapen Ekonomikorako kontseilariak martxoaren 23an emandako 45/2016 Foru Aginduaren bidez, Nafarroako enpresen nazioartekotzea bultzatuko duten zerbitzu espezializatuak kontratatzeko diru-laguntzen oinarri arautzaileak onetsi ziren (2016ko 70. Nafarroako Aldizkari Ofiziala, apirilaren 13koa). Eskualde Garapeneko Europako Funtsak (EGEF) %50 kofinantzatutako laguntzak dira.

Foru agindu horren 6. oinarri arautzailean ezartzen denez, urtero eginen da deialdia diru-laguntza horietarako, Politika Ekonomiko eta Enpresarialaren eta Lanaren zuzendari nagusiaren ebazpenaren bidez. Ebazpen horren bidez, deialdiari dagokion gastua baimenduko da eta laguntzak eskatzeko epea ezarriko da. Orobat, deialdiaren eranskinetan jasoko dira diru-laguntza eskatzeko inprimakia, eskaerak baloratzeko irizpideak, bidaia-poltsen zenbatekoa, gastu hautagarrien xehetasuna eta diruz lagundutako ekintzak egin izana justifikatzeko modua eta edukia.

Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1. artikuluak ematen dizkidan eskudantziak erabiliz,

EBATZI DUT:

1. Nazioartekotzea bultzatuko duten zerbitzu espezializatuak kontratatzeko diru-laguntzen 2018ko deialdia onestea, Garapen Ekonomikorako kontseilariaren martxoaren 23ko 45/2016 Foru Aginduaren bidez onetsitako oinarri arautzaileei eta ebazpen honen I. eranskinean ageri diren baldintzei jarraikiz.

2. 300.000 euroko gastua baimentzea; horietatik 150.000 euro 2018ko Gastuen Aurrekontuetako “Kanpo sustapenerako ekintzak enpresentzat. PE EGEF 2014-2020” izeneko 810003-81430-4709-431302 partidaren kargura, eta 150.000 euro 2019ko aurrekontuetan gaituko den partida baliokidearen kargura (E-14/000078-03 PEP elementua).

3. Eskaerak aurkezteko epea hilabetekoa izanen da: deialdia Nafarroako Aldizkari Ofizialean argitaratu eta biharamunean hasiko da, eta hurrengo hilabetean bukatuko, hileko egun berean.

4. Ebazpen hau eta bere eranskina Nafarroako Aldizkari Ofizialean eta Nafarroako Gobernuak Interneten duen Atariaren (www.nafarroa.eus) tramiteen katalogoaren fitxan ere argitaratzea.

5. Ebazpen honek ez du administrazio bidea amaitzen, eta haren aurka gora jotzeko errekurtsoa jar dezakete interesdunek, Garapen Ekonomikorako kontseilariari zuzendua, argitaratu eta biharamunetik hilabeteko epean.

Iruñean, 2018ko apirilaren 23an.–Politika Ekonomiko eta Enpresarialaren eta Lanaren zuzendari nagusia, Izaskun Goñi Razquin.

1. ERANSKINA

2018an zerbitzu espezializatuak kontratatzeko diru-laguntzen deialdiaren baldintza arautzaileak

Lehenbizikoa.–Diru-laguntza eskatzeko inprimakia.

1.–Eskaerak telematika bidez aurkeztuko dira nahitaez, Nafarroako Gobernuak Interneten duen Atariaren (www.nafarroa.eus) zerbitzuen katalogoko fitxa erabiliz (hemendik aurrera, laguntzen fitxa). Fitxa horretan, Nafarroako Foru Komunitateko Administrazioko Erregistro Orokor Elektronikoan sartzeko esteka bat izanen da.

Administrazio Publikoen Administrazio Prozedura Erkideari buruzko urriaren 1eko 39/2015 Legearen 16.8 eta 66.6 artikuluetan xedatutakoari jarraikiz, ez dira aurkeztutzat hartuko laguntzen fitxan dagoen eredura egokitzen ez diren eskaerak, eta telematikoki eta aipatutako fitxaren bitartez aurkezten ez direnak. Horrenbestez, aurkeztutzat jotzen ez direnez, eskaera horiek ezin izanen dira zuzendu.

2.–Eskabideari honako dokumentu hauek erantsi beharko zaizkio, fitxan eskura dauden ereduen arabera, eta agiri bereizietan eskaneatuta eta izenaren bidez behar bezala identifikatuta aurkeztuko dira:

a) Eskaera telematikoa, honakoak bilduko dituena: diru-laguntzen 5. oinarri arautzailean aipatzen diren alderdiak biltzen dituen erantzukizunpeko adierazpena, diru-laguntzaren xedeko gastuen deskribapena eta aurrekontua.

b) Nazioartekotze Plana.

c) Eskabidea 4. eta 5. irizpideen arabera (diru-laguntzen 8. oinarri arautzailea) eta bigarren baldintza arautzaile honen arabera baloratzea ahalbidetzen duen dokumentazioa. 4. irizpidea: “Enpresak Nafarroako Nazioarteko Planaren talentuaren ardatzarekin duen konpromisoa”. 5. irizpidea: “Emakumeen eta gizonen arteko berdintasunarekin enpresak duen konpromisoa”.

d) Dokumentazioa diru-laguntza eskatzen duen legezko ordezkariaren jarduna frogatzeko.

3.–Baldin eskaerak Administrazio Publikoen Administrazio Prozedura Erkideari buruzko Legearen 66. artikuluan aipatutako baldintzak betetzen ez baditu, organo eskudunak entitate interesdunari eskatuko dio gehienez 10 egun balioduneko epean zuzen dezala, eta adieraziko dio zuzendu ezean eskaerari uko egiten diola ondorioztatuko dela eta espedientea artxibatzeko ebazpena emanen dela.

Baldintza honen 2. ataleko b eta c letretan eskatzen den dokumentazioa aurkezten ez bada, hori ezin izanen da konpondu.

Bigarrena.–Baloratzeko irizpideak.

1.–Eskabideak baloratzeko irizpideak honako hauek izanen dira, eta, horiei esker, gehienez ere 100 puntu lortu ahal izanen dira:

1. irizpidea. Jarduketaren destinoko herrialdeak, 15 puntu gehienez.

1.1. 10 puntu bitarte baloratuko da Nazioartekotze Plana PIN 3ko lehentasunezko herrialdeetara eta Nafarroako espezializazioaren S3 estrategiara egokitzea. Puntuak taula honi jarraikiz emanen dira:

Lehentasunezko herrialdeak eta sektoreak Nafarroako Nazioarteko Plana deskargatuz kontsultatu daitezke, ondoko helbide honetan: http://blogpin.navarra.es/pin/ (3. ardatza. Lehentasunezko merkatuak).

1.2. 5 puntu bitarte baloratuko da planaren xedeko herrialdean negozioak egiteko zailtasuna.

(http://www.doingbusiness.org/rankings).

2. irizpidea. Nazioartekotze Planaren kalitatea 2018. urterako, gehienez 70 puntu.

Honako alderdi hauek hartuko dira kontuan proposamenaren kalitatea aztertzeko irizpide honetan:

3. irizpidea. Nafarroan kalitateko enplegua (kontratu mugagabeak) sortzeko duen eragina, gehienez 6 puntu.

Frogatzeko, enpresak Nafarroan duen kotizazio kontuaren kodeari dagozkion lan bizitzaren txostenak aurkeztu beharko ditu, 2016ko abendutik 2017ko abendura bitartekoak.

4. irizpidea. Enpresak Nafarroako Nazioarteko Planaren (PIN III) talentuaren ardatzarekin duen konpromisoa, gehienez 4 puntu.

Gehienez 4 punturekin baloratuko dira honako inguruabar hauek:

4.1. Talentuaren PIN Bankuko pertsona bat kontratatzea, banku horretan gutxienez 3 hilabeteko antzinatasuna duena diru-laguntzaren eskabidea aurkezteko epea bukatzen den egunean. Kasu horretan, aukeratuaren izena adierazi beharko da diru-laguntzaren eskabidean.

4.2. Deialdiaren aurreko bi urtean, Talentuaren PIN bankuan sartutako pertsonak (blogpin.navarra.es) kontratatu izana.

4.3. Europar Batasunetik kanpoko herrialdeetan praktikak egiteko diru-laguntzen deialdietako pertsona onuradunak hartu izana Nafarroako enpresak atzerrian duen filial edo sukurtsal batean aritzeko.

Irizpide hau baloratzeko, laguntza eskabidearekin batera, praktiketan aritzeko hitzarmenak edo kontratuak aurkeztu beharko dira.

5. irizpidea. enpresak emakumeen eta gizonen arteko berdintasunarekin duen konpromisoa, gehienez 5 puntu.

Honako honen bidez frogatuko da enpresak emakumeen eta gizonen arteko berdintasunarekin duen konpromisoa:

a) Emakumeen eta gizonen arteko berdintasun plan bat aurkeztea.

b) Eskuduna den entitate batek emandako aitortzak edo bereizgarriak (esate baterako, Osasuneko, Gizarte Zerbitzuetako eta Berdintasuneko Ministerioaren “Berdintasuna enpresan” deituriko bereizgarri ofiziala edo NEEZEren “Reconcilia zigilua”, eta abar).

c) “Enpresaren ekintzak berdintasunaren alde” izeneko agirian jasotako praktikaren bat gauzatzea, behar bezala frogatzeko moduan. Aipatutako agiria laguntzen fitxan dago eskura.

2.–Bigarren irizpidean (proposamenaren kalitatea) 35 puntura iristen ez diren enpresak ezin izanen dira diru-laguntzen onuradun izan.

Hirugarrena.–Gastu hautagarrien xehetasuna.

Gastu hautagarrien xehetasuna gastuak justifikatzeko eskuliburuan ageri da, laguntzaren fitxan.

Laugarrena.–Diru-laguntzaren justifikazioa.

Onuradunek nazioartera ateratzeko egiten duen jarduketa justifikatzeko epea honako data hauetan bukatuko da:

–2018ko abenduaren 10ean konturako ordainketa justifikatzeko.

–2019ko abuztuaren 31n azkeneko justifikazioa egiteko.

Konturako ordainketa justifikatzeko, abenduaren 10era arte gauzatutako diru-laguntzaren xedeko gastuei dagozkien fakturen zerrenda telematika bidez aurkeztu beharko da, gastuak justifikatzeko esku-liburuan jasotzen diren formatu eta jarraibideekin bat (laguntzen fitxan eskura daude).

Azkeneko justifikazioan honako hauek jasoko dira:

a) Ordaintzeko eskaera. Fakturen zerrenda.

b) Egindako jarduketen memoriak gutxienez ere alderdi hauek hartuko ditu:

a. Diruz lagundutako ekintzen deskribapena. Benetan kontratatutako zerbitzu espezializatuen edukia eta jasotako emaitzak zehatz-mehatz azalduko dira.

b. Zer mailatan bete diren nazioartekotze planeko helburuak (laguntza eskaeran adierazitakoaren arabera), kontratatutako zerbitzuen eraginkortasuna eta desbideraketen analisia.

c. Proiektuaren eta helburuko merkatuaren balorazioa, aurkitutako zailtasunak, etab.

d. Etorkizuneko ekintzetarako hobekuntza proposamenak.

c) Gastu eta ordainketa ziurtagiriak, laguntza jaso duen enpresaren izenean.

d) Nafarroako Gobernuak eta Eskualde Garapeneko Europako Funtsak (EGEF) emandako laguntzen publizitatearen frogagiria.

e) Justifikatzeko inprimakian adierazten den beste edozein agiri.

Justifikatzeko esku-liburuan ezarritakoarekin bat aurkeztuko da eskatutako dokumentazioa, laguntzaren fitxan jasotako formatuetan.

Justifikazioa ezarritako epean aurkeztu ezean, diru-laguntza kobratzeko eskubidea galduko da, eta, kasua bada, laguntza itzuli beharko da.

Bosgarrena–Bidaia-poltsen zenbatekoa.

Iragarkiaren kodea: F1805593