2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BIDAUSI HIRI HONDAKIN SOLIDOEN MANKOMUNITATEA
Ibilgailuaren kalifikazio juridikoaren aldaketa eta besterengarritasun-deklarazioa
Batzar Nagusiak 2018ko otsailaren 15ean hartutako erabakiaren bidez (48. Nafarroako Aldizkari Ofizialean, martxoaren 8an, argitaratua) hasi zen Mankomunitatearen jabetzako ibilgailuaren kalifikazio juridikoaren aldaketa egiteko administrazio espedientea (MAN modeloko kamioia, 4116-CMT matrikulakoa), erabili ezineko efektu deklaratzeko, kalifikazioa arrazoitzen duen zeregina betetzeari utzi baitio. Ondoren, zuzenean besterendu eginen da.
Jendaurrean egon da hilabetean, eta ez du inork erreklamaziorik aurkeztu.
Beraz, Nafarroako Toki Administrazioari buruzko uztailaren 2ko 6/1990 Foru Legearen 132. artikuluan eta Nafarroako Toki Entitateen Ondasunei buruzko Erregelamendua onesten duen urriaren 18ko 280/1990 Foru Dekretuaren 122. artikuluan eta hurrengoetan xedatuari jarraituz, erabaki da:
1. Mankomunitatearen ibilgailuaren kalifikazio juridikoaren aldaketa deklaratzea (MAN modeloko kamioia, 4116-CMT matrikulakoa), erabili ezineko efektu deklaratzeko, kalifikazioa arrazoitzen duen zeregina betetzeari utzi baitio. Ondoren, besterendu eginen da.
2. Dagokion administrazio-espedienteari hasiera ematea, aipatutako ibilgailuaren aurretiko besterengarritasun-deklarazioa eginez, zuzenean saldu ahal izateko.
3. Espedientea jendaurrean edukitzea hamabost egun baliodunez, Nafarroako Aldizkari Ofizialean argitaratzen denetik hasita, bidezko alegazioak aurkez daitezen.
4. Mankomunitateko buruari ahalmena ematea aldaketa gauzatzeko beharrezkoak diren agiri guztiak sinatzeko.
Garraldan, 2018ko apirilaren 12an.–Mankomunitateko burua, Francisco Javier Juamperez Huarte.
Iragarkiaren kodea: L1805063
