2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
SAKANAKO MANKOMUNITATEA
Aldaketa ordenantza fiskal batzuetan. Hasierako onespena
Sakanako Mankomunitateko Batzar Orokorrak, 2018ko apirilaren 25ean egindako bilkura arruntean, erabaki zuen hasiera batean onestea aldaketak honako ordenantza fiscal hauetan:
–Ordenantza fiskala, etxeetako hondakinen bilketa, tratamendua eta ustiapen tasak arautzen dituena.
–Ordenantza, Arbizuko zabortegian industrietako hondakin ez arriskutsuak botatzeko prezio publikoak arautzen dituena.
–Ordenantza fiskala, ur horniduraren eta uraren ziklo integralarekin zerikusia duten gainerako zerbitzu eta jardueren tasak arautzen dituena.
Nafarroako Toki Administrazioari buruzko uztailaren 2ko 6/1990 Foru Legearen 325.1 artikuluan xedatuari jarraikiz, onetsitako ordenantza jendaurrean egonen da hogeita hamar egun baliodunean, iragarki hau Nafarroako Aldizkari Ofizialean argitaratu eta biharamunetik hasita, interesdunek espedientea aztertu eta erreklamazio, kexa edo oharrak aurkez ditzaten.
Inork erreklamazio, kexa edo oharrik aurkezten badu, Mankomunitateko Batzar Orokorrak haiek ebatziko ditu eta, hala bada, behin betiko onetsiko.
Jendaurreko epean inork ez badu alegaziorik aurkezten, ordenantzak behin betiko onetsirik geldituko dira, eta testua oso-osorik emanen da argitara Nafarroako Aldizkari Ofizialean.
Lakuntzan, 2018ko apirilaren 26an.–Lehendakaria, David Oroz Alonso.
Iragarkiaren kodea: L1805516
