1. NAFARROAKO FORU KOMUNITATEA
1.7. BESTELAKOAK
848/2018 EBAZPENA, apirilaren 16koa, Funtzio Publikoko zuzendari nagusiak emana, zeinaren bidez igortzen baita Nafarroako Justizia Auzitegi Nagusiko Administrazioarekiko Auzien Salara Federación de Asociaciones Obreras Sindicales-Langile Abertzaleen Batzordeak sindikatuak jarritako administrazioarekiko auzi-errekurtsoari buruzko administrazio espedientea (72/2018 prozedura arrunta).
Federación de Asociaciones Obreras Sindicales-Langile Abertzaleen Batzordeak sindikatuak administrazioarekiko auzi-errekurtsoa jarri du, Nafarroako Justizia Auzitegi Nagusiko Administrazioarekiko Auzien Salari zuzendua, abenduaren 13ko 112/2017 Foru Dekretuaren aurka, zeinaren bidez aldatu baitzen Nafarroako Foru Komunitateko Administrazioaren eta haren erakunde autonomoen plantilla organikoa, beharkizunak ezar daitezen ataletako, bulegoetako eta unitate parekatuetako burutzetarako, merezimendu-lehiaketa bidez betetzeko.
Administrazioarekiko Auzien Jurisdikzioa arautzen duen uztailaren 13ko 29/1998 Legearen 48. artikuluarekin bat, Salak espediente administratiboa igor diezaiotela eskatu du, bai eta epatzeko deiak Legearen 49. artikuluan ezarritako moduan egin daitezela ere.
Administrazioarekiko Auzien Jurisdikzioa arautzen duen uztailaren 13ko 29/1998 Legearen 38.1 artikuluarekin bat, auzitegi horri jakinarazten zaio jarraian zerrendatzen diren administrazioarekiko auzi-errekurtsoak daudela, aipatu Lege Prozesalaren III. tituluko III. kapituluan prozesuak metatzeko aurreikusten diren kasuetan sar daitezkeenak.
Nafarroako Justizia Auzitegi Nagusiko Administrazioarekiko Auzien Salan errekurtso hauek aurkeztu dira:
63/2018 prozedura arrunta.
76/2018 prozedura arrunta.
Horrenbestez, eta otsailaren 21eko 30/2005 Foru Dekretuaren bidez esleiturik ditudan eskudantziak erabiliz,
EBATZI DUT:
1. Federación de Asociaciones Obreras Sindicales-Langile Abertzaleen Batzordeak sindikatuak jarritako administrazioarekiko auzi-errekurtsoari buruzko espediente administratiboa (72/2018 prozedura arrunta) Nafarroako Justizia Auzitegi Nagusiko Administrazioarekiko Auzien Salara igortzea.
2. Ebazpen hau interesdunei jakinaraztea, Nafarroako Aldizkari Ofizialean argitaratuz, eta haiek epatzea autoetan demandatu gisa agertu ahal izateko, ebazpena argitaratu ondoko bederatzi eguneko epean, Nafarroako Justizia Auzitegi Nagusiko Administrazioarekiko Auzien Salan.
3. Ebazpen hau igortzea Nafarroako Justizia Auzitegi Nagusiko Administrazioarekiko Auzien Salari eta Lehendakaritzako, Funtzio Publikoko, Barneko eta Justiziako Departamentuko Aholkularitza Juridikoaren Zerbitzuari, eta Federación de Asociaciones Obreras Sindicales-Langile Abertzaleen Batzordeak sindikatuari jakinaraztea, behar diren ondorioak izan ditzan.
Iruñean, 2018ko apirilaren 16an.–Funtzio Publikoko zuzendari nagusia, Amaia Goñi Lacabe.
Iragarkiaren kodea: F1805027
