1. NAFARROAKO FORU KOMUNITATEA
1.7. BESTELAKOAK
178/2018 EBAZPENA, apirilaren 5ekoa, Lehendakaritzako eta Gobernu Irekiko zuzendari nagusiak emana, zeinaren bidez xedatzen baita Nafarroako Aldizkari Ofizialean argitaratzea Estatuko Administrazio Orokorraren eta Nafarroako Foru Komunitatearen arteko Lankidetza Batzordearen Erabakia, LGTBI+ pertsonen berdintasun sozialari buruzko ekainaren 19ko 8/2017 Foru Legearen gainekoa.
Aintzat hartuz Konstituzio Auzitegiari buruzko urriaren 3ko 2/1979 Lege Organikoaren 33. artikulua, urtarrilaren 7ko 1/2000 Lege Organikoak aldatu zuena,
EBATZI DUT:
Estatuko Administrazio Orokorraren eta Nafarroako Foru Komunitatearen arteko Lankidetza Batzordearen 2018ko martxoaren 14ko Erabakia, ebazpen honi eranskin gisa gehitua, Nafarroako Aldizkari Ofizialean argitara dadila xedatzea.
Iruñean, 2018ko apirilaren 5ean.–Edurne Eginoa Antxo, Lehendakaritzako eta Gobernu Irekiko zuzendari nagusia.
ESTATUKO ADMINISTRAZIO OROKORRAREN ETA NAFARROAKO FORU KOMUNITATEAREN ARTEKO LANKIDETZA BATZORDEAREN ERABAKIA LGTBI+ PERTSONEN BERDINTASUN SOZIALARI BURUZKO EKAINAREN 19KO 8/2017 FORU LEGEAREN GAINEAN
Estatuko Administrazio Orokorraren eta Nafarroako Foru Komunitatearen arteko Lankidetza Batzordeak erabaki hau hartu du:
1. Estatuko Administrazio Orokorraren eta Nafarroako Foru Komunitatearen arteko Lankidetza Batzordearen Erabakian, lantalde bat eratu beharra aurreikusi zen, LGTBI+ pertsonen berdintasun sozialari buruzko ekainaren 19ko 8/2017 Foru Legearen 42. eta 44. artikuluen gainean eskumenak direla-eta sortutako desadostasunak aztertu, eta konponbidea proposa zezan; lantaldean izandako aldez aurreko negoziazioen ondorioz, bi alderdien iritziz konponduta daude desadostasun horiek, konpromiso hauetan oinarrituta:
a) Bi aldeak bat datoz esateko 8/2017 Foru Legearen 42. artikuluan xedatutakoa ulertu behar dela prozesuei buruzko Estatuko legerian xedatutakoaren kaltetan izan gabe, Espainiako Konstituzioaren 149.1.6 artikuluan ezarritakoari jarraikiz.
b) 8/2017 Foru Legearen 44. artikuluari dagokionez, bi aldeak bat datoz esateko agindua honela interpretatu behar dela: Nafarroako Foru Komunitatearen eskumen esparrura mugatzen da, eta interesdunaren nortasun juridikoa ez du ukitzen erregistroko inskripzioa zuzentzen ez den bitartean, Pertsonen Sexuaren Aipamena Erregistro Zibilean Zuzentzea arautzen duen martxoaren 15eko 3/2007 Legeari jarraikiz.
2. Bi alderdiak ados jarri direnez, bat datoz adieraztean konpondutzat jotzen dituztela 8/2017 Foru Legearen gainean agertutako desadostasunak eta, beraz, amaitutzat ematen dute eztabaida.
3. Erabaki hau Konstituzio Auzitegiari jakinaraztea, Konstituzio Auzitegiari buruzko urriaren 3ko 2/1979 Lege Organikoaren 33.2. artikuluan aurreikusitako ondorioetarako, eta Erabaki hau Estatuko Aldizkari Ofizialean eta Nafarroako Aldizkari Ofizialean argitaratzea.
Iragarkiaren kodea: F1804788
