2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
UNTZUE
Laburpena, 2017-2018 ikasturtean, kultura, hezkuntza, kirol, laguntza, giza eta gizarte xedeetarako diru-laguntzena
“Diru-laguntzei buruzko azaroaren 17ko 38/2003 Lege Orokorraren 17.3.b eta 20.8 artikuluetan ezarritakoari jarraituz, argitara ematen da deialdiaren laburpena; haren testu osoa Nafarroako Aldizkari Ofizialean kontsultatu daiteke, baita Diru-laguntzen Datu Base Nazionalean ere (http://www.pap.minhafp.gob.es/bdnstrans/GE/eu/index): DDBN (identifikazioa): 393060.
Lehena.–Onuradunak.
Irabazi-asmorik gabeko entitate, erakunde eta elkarteak.
Pertsona fisikoak, udalerrian erroldatuak, pertsona talde baten ordezkari gisa, baldin ekimenak berariazkoak eta irabazi-asmorik gabeak badira.
Udalerrian erroldatutako pertsona fisikoak.
Bigarrena.–Xedea.
Diru-laguntzak, 2017-2018 ikasturtean, kultura, hezkuntza, kirol, laguntza, giza eta gizarte xedeetarako diru-laguntzetarako.
Hirugarrena.–Oinarri arautzaileak.
Untzueko Udalaren ordenantza, kultura, hezkuntza, kirol, laguntza, giza eta gizarte xedeetarako ematen dituen diru-laguntzak arautzen dituena (2016ko 243. Nafarroako Aldizkari Ofizialean argitaratu zen, abenduaren 20an).
Laugarrena.–Zenbatekoa.
Gehienez 17.600 euro. Aurrekontuko 1 3410 48000 aplikazioa “Kulturako erakundeak eta irabazi-asmorik gabeak”, Untzueko Udalaren aurrekontu orokor bakarretik 2018. urterako.
Bosgarrena.–Eskaerak aurkezteko epea.
Hilabeteko epean, deialdia argitaratzen denetik, Untzueko Udaletxean, astearte eta ostegunetan, 10:30etik 13:30era.
Seigarrena.–Eskatzaileen beharkizunak eta eskaerarekin aurkeztu behar den dokumentazioa.
Eskatzaileen beharkizunak:
a) 18 urtetik goitikoa izatea.
b) Untzuen erroldatuta egotea; sei hilabeteko antzinatasunarekin eskaera egiten den unean.
c) Udaleko zerga betebeharrak eguneratuak izatea. Inguruabar hori ofizioz egiaztatuko da.
Eskaerarekin batera aurkeztu beharreko agiriak hauek izanen dira:
a) Behar bezala betetako eskaera ofiziala.
b) Frogagiriaren/matrikularen/dokumentuaren ordainagiria, ordaindutako zenbatekoa agertuko duena.
d) Langabe txartelaren fotokopia, diru-laguntza bat etor dadin eskaera egitean duen egoerarekin.
Untzuen, 2018ko apirilaren 6an.–Alkate udalburua, Encarna Ducun Izpura.
Iragarkiaren kodea: L1804886
