1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
Laburpena, Eskubide Sozialetako kontseilariak emandako 26E/2018 Foru Aginduarena. Foru agindu haren bidez, garapenerako hezkuntza proiektuak eta sentsibilizazio ekintzak egiteko diru-laguntzetarako 2018ko deialdia onetsi da.
Diru-laguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan ezarritakoari jarraituz, argitara ematen da deialdiaren laburpena; haren testu osoa aldizkari honen “Diru-laguntzak, laguntzak eta bekak” izeneko atalean kontsultatu daiteke, baita Diru-laguntzen Datu Base Nazionalean ere (http://www.pap.minhafp.gob.es/bdnstrans/GE/eu/index). DDBN (identifikazioa): 391897).
Xedea: Nafarroan diren Garapenerako Gobernuz Kanpoko Erakunde (GGKE) eta unibertsitateentzako diru-laguntzak emateko araubidea finkatzea, garapenerako lankidetzaren eragile diren heinean, gizartea garapen bidean diren herrialdeen arazoekiko sentikorrago bihurtuko duen eta elkarren mende dagoen munduari buruzko kontzientzia eta ulermen kritikoa garatuko dituen esku-hartzeak finantzatzearren eta elkartasuna eta lankidetza aktiboa bultzatzearren.
Oinarri arautzaileak: 26E/2018 Foru Agindua, Eskubide Sozialetako kontseilariarena. Nafarroako Aldizkari Ofizialean argitaratzen da.
Eskaerak aurkezteko epea: Nafarroako Aldizkari Ofizialean argitaratu eta biharamunetik 20 egun natural.
Iruñean, 2018ko martxoaren 25ean.–Eskubide Sozialetako kontseilaria, Miguel Laparra Navarro.
Iragarkiaren kodea: F1804339