1. NAFARROAKO FORU KOMUNITATEA
1.7. BESTELAKOAK
38E/2018 EBAZPENA, otsailaren 19koa, Ekonomia Zirkularraren eta Uraren Zerbitzuko zuzendariak emana, Orkoiengo udal-mugartean aluminioaren aleazioko hagunak fabrikatzen dituen instalazio baten aldaketa nabarmena baimentzen duena. Instalazioaren titularra Manufacturas del Aluminio Pamplona Sector Automoción da.
Espediente mota | Ingurumen baimen integratuaren aldaketa |
Espedientearen kodea | 0001-0040-2017-000058 | Hasiera eguna | 2017/11/21 |
Sailkapena | Martxoaren 22ko 4/2005 Foru Legea | 2B / 2.5 |
Abenduaren 16ko 1/2016 L.E.D. | 2.5.b) |
Azaroaren 24ko 2010/75/EB Zuzentaraua | 2.5.b) |
Instalazioa | Aluminioaren aleazioko hagunen fabrikazioa |
Titularra | Manufacturas del Aluminio Pamplona Sector Automoción |
Zentroaren zenbakia | 3180602577 |
Kokapena | Etxauriko errepidea, 11. 1. poligonoa, 1486. lurzatia |
Koordenatuak | UTM-ETRS89, 30N ardatza, X: 606.900,000 eta Y: 4.741.661,000 |
Udalerria | Orkoien |
Proiektua | Morgan motako labe berria, txirbila berreskuratzeko |
Instalazio honek badu Ingurumen baimen integratua, Ingurumen, Lurraldearen Antolamendu eta Etxebizitzako kontseilariak abuztuaren 8ko 0422/2007 Foru Aginduaren bidez emana, eta Ingurumenaren eta Uraren zuzendari nagusiaren uztailaren 2ko 282E/2014 Ebazpenaren bidez eguneratua.
2017ko irailaren 22an, titularrak instalazioa aldatzeko proiektuaren berri eman zuen, txirbila berreskuratzeko Morgan motako labe berri bat ezartzeko. Ekonomia Zirkularraren eta Uraren Zerbitzuak 2017ko irailaren 26an emandako irizpenaren arabera, aldaketa hori "ez funtsezkoa" da, Ingurumena Babesteko Esku-hartzeari buruzko martxoaren 22ko 4/2005 Legea garatzen duen Erregelamenduaren 25. artikuluan ezarritako irizpideei jarraikiz (erregelamendu hori abenduaren 28ko 93/2006 Foru Dekretuaren bidez onetsi zen). Horregatik, ez zen beharrezkoa ingurumen baimen integratu berria ematea. Baina aldaketa "nabarmena" dela zioen, aldaketa garrantzitsuak ekartzen baititu instalazioaren funtzionamendu-baldintzetan. Hortaz, aldaketak Ingurumen baimen integratuan jaso behar dira, eta hura aldatu.
2017ko azaroaren 21ean titularrak Ingurumen baimen integratua aldatzeko eskatu zuen, dagokion proiektua gauzatu ahal izateko; hau da, honakoak paratzeko: txirbila berreskuratzeko Morgan motako labe berri bat, lehen fasean 5., 6. eta 7. Morgan labeen emisioak eta 2018ko abenduaren 31 baino lehen 1., 2., 3., 4., 5., 6. eta 7. labeenak tratatzeko mahuka-iragazki bat, eta gasgabetzearen 82. fokuko emisioak tratatzeko mahuka-iragazki bat instalatzea.
Ingurumena Babesteko Esku-hartzeari buruzko martxoaren 22ko 4/2005 Foru Legea garatzeko Erregelamenduaren 29. artikuluan ezarritako prozedurari jarraikiz tramitatu da espedientea. Erregelamendu hori abenduaren 28ko 93/2006 Foru Dekretuaren bidez onetsi zen.
Ebazpenaren proposamena instalazioaren titularrari entzunaldia emateko tramitean egon da 10 egunez. Ebazpen honen eranskinean jaso dira titularrak aurkeztutako alegazioen zerrenda eta haiei emandako erantzunak.
Adierazitakoarekin bat, eta Ingurumeneko eta Lurraldearen Antolamenduko zuzendari nagusiak urriaren 4an emandako 760/2016 Ebazpenaren bidez eskuordetuak ditudan eskumenak erabiliz,
EBATZI DUT:
Lehena.–Orkoiengo udal-mugartean aluminioaren aleazioko hagunak fabrikatzen dituen instalazio baten Ingurumen baimen integratua aldatzea, txirbila berreskuratzeko Morgan motako labe berri bat ezartzeko proiektua gauzatzeko. Hortaz, instalazioak eta jarduerak berak Ingurumen baimen integratuaren administrazio espedienteetan adierazitako baldintzak bete beharko dituzte, eta, betiere, ebazpen honen eranskinetan adierazitako baldintzak eta neurriak. Instalazioaren titularra Manufacturas del Aluminio Pamplona Sector Automoción da.
Bigarrena.–Atmosferara emisioak egiteko baimena aldatzen da. Baimena aurreikusita dago Airearen Kalitateari eta Atmosfera Babesteari buruzko azaroaren 15eko 34/2007 Legearen 13.2 artikuluan, bat etorriz Landa Garapeneko, Ingurumeneko eta Toki Administrazioko kontseilariaren abenduaren 23ko 448/2014 Foru Aginduaren 5. artikuluan xedatutakoarekin. Ebazpen honen II. eranskinean jasotzen da instalazioak zer emisio egiten ahalko dituen atmosferara eta zer baldintza bete beharko dituen. Baimenak zortzi urteko indarraldia izanen du, eta epe hori igarotakoan, berritzeko aukera izanen da iraupen bereko epeetarako. Atmosferara egiten diren emisioetan izandako edozein aldaketa Nafarroako Gobernuko Ekonomia Zirkularraren eta Uraren Zerbitzuari jakinarazi beharko zaio.
Hirugarrena.–Aldaketa funtzionamenduan hasi baino lehenago, titularrak martxan jartzeko erantzukizunpeko adierazpen bat aurkeztu beharko du Landa Garapeneko, Ingurumeneko eta Toki Administrazioko Departamentuan, Landa Garapeneko, Ingurumeneko eta Toki Administrazioko kontseilariaren abenduaren 23ko 448/2014 Foru Aginduaren 16. artikuluan xedatuarekin bat.
Laugarrena.–Proiektuari hasiera emateko eta jarduera martxan jartzeko epeak Landa Garapeneko, Ingurumeneko eta Toki Administrazioko kontseilariaren abenduaren 23ko 448/2014 Foru Aginduaren 11. artikuluan ezarritakoak izanen dira. Bestela, aldaketa nabarmenaren baimena iraungitzat emanen da eta ez du inolako ondoriorik izanen. Orobat, aipatutako epeetan bete ez diren aldaketaren zatiak gauzatzeko eta martxan jartzeko, instalazioa aldatzeko espediente bat tramitatu beharko da.
Bosgarrena.–Ebazpen honetan ezarritako baldintzak aplikatzen hasiko dira titularrak proiektua gauzatu dela adierazten duen erantzukizunpeko adierazpena aurkezten duen egunetik eta, zeinahi kasutan, aldaketa abian jartzen den unetik. Bitartean, indarrean dagoen Ingurumen baimen integratuan ezarritako baldintzak aplikatuko dira.
Seigarrena.–Ebazpen honetan jasotzen diren baldintzak ez betetzeak berekin dakar ingurumeneko diziplina-neurriak hartzea, hain zuzen ere, Kutsaduraren Prebentzio eta Kontrol Integratuari buruzko Legearen testu bateginaren (abenduaren 16ko 1/2016 Legegintzako Errege Dekretuaren bidez onetsia) IV. tituluan jasotakoak, ezertan galarazi gabe sektoreko legerian ezarritakoa, aplikagarri izaten segituko baitu, eta horren osagarri, Ingurumena Babesteko Esku-hartzeari buruzko martxoaren 22ko 4/2005 Foru Legearen VI. tituluan ezarritako zehapen araubidean jasotakoak.
Zazpigarrena.–Ebazpen hau Nafarroako Aldizkari Ofizialean argitaratzea.
Zortzigarrena.–Ebazpen honek ez du administrazio-bidea amaitzen, eta interesa dutenek, administrazio publikoek izan ezik, gora jotzeko errekurtsoa jar dezakete, Landa Garapeneko, Ingurumeneko eta Toki Administrazioko kontseilariari zuzendua, hilabeteko epean. Administrazio publikoek administrazioarekiko auzi-errekurtsoa jartzen ahalko dute, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuari aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean. Epeak ebazpen hau jakinarazi eta biharamunetik hasita kontatuko dira.
Bederatzigarrena.–Ebazpen hau Manufacturas del Aluminio Pamplona Sector Automocióni eta Orkoiengo Udalari igortzea, behar diren ondorioak izan ditzan.
Iruñean, 2018ko otsailaren 19an.–Ekonomia Zirkularraren eta Uraren Zerbitzuko zuzendaria, César Pérez Martín.
Oharra: ebazpen honetan aipatzen diren eranskinak interesdunen eskura egonen dira Ingurumeneko eta Lurraldearen Antolamenduko Zuzendaritza Nagusiaren bulegoetan (González Tablas kalea 9, behea, Iruña), Ingurumen Kalitatearen eta Klima Aldaketaren Zerbitzuan eta Nafarroako Gobernuaren webgune honetan: http://www.navarra.es/home_es/Temas/Medio+Ambiente/Evaluacion+ambiental/Autorizaciones+ambientales/.
Iragarkiaren kodea: F1802443