65. ALDIZKARIA - 2018ko apirilaren 5a

1. NAFARROAKO FORU KOMUNITATEA

1.7. BESTELAKOAK

23E/2018 EBAZPENA, otsailaren 2koa, Ingurumenaren eta Uraren zuzendari nagusiak emana, Barasoaingo udal-mugarteko zerri ustiategi baten (umetarako zerramak eta 20 kg bitarteko zerrikumeen produkzioa) instalazioaren aldaketa nabarmena baimentzen duena. Instalazioaren titularra Granja Los Alecos, SL da.

Espediente mota

Ingurumen baimen integratuaren aldaketa

Espedientearen kodea

0001-0040-2017-000044

Hasiera eguna

2017/08/23

Sailkapena

Martxoaren 22ko 4/2005 Foru Legea

2B / 9.1, d)

Abenduaren 16ko 1/2016 L.E.D.

9.3.c)

Azaroaren 24ko 2010/75/EB Zuzentaraua

6.6.c)

Instalazioa

Zerri ustiategi baten (umetarako zerramak eta 20 kg bitarteko zerrikumeen produkzioa) instalazioa

Titularra

Granja Los Alecos SL

Zentroaren zenbakia

3104500724

Kokapena

N-121, 24. km.-1. poligonoko 552. lurzatia

Koordenatuak

UTM-ETRS89, 30N ardatza, X: 611.178,000 e Y: 4.718.264,000

Udalerria

Barasoain

Proiektua

Orientazio aldaketa bat ekoizpenean, zerrikumeentzako 8.000 plaza 6 kg bitarteko zerrikumeak dituzten zerramentzako 640 plazekin ordezteko

Instalazio horrek badu Ingurumen baimen integratua, Ingurumenaren eta Uraren zuzendari nagusiaren apirilaren 30eko 0873/2008 Ebazpenaren bidez emana, gero Ingurumenaren eta Uraren zuzendari nagusiaren maiatzaren 22ko 224E/2014 Ebazpenaren bidez eguneratua.

2017ko maiatzaren 29an, titularrak instalazioa aldatzeko proiektuaren berri eman zuen, ekoizpenean orientazio aldaketa bat egiteko: zerrikumeentzako 8.000 plaza 6 kg bitarteko zerrikumedun zerramentzako 640 plazekin ordeztea. Ekonomia Zirkularraren eta Uraren Zerbitzuak 2017ko ekainaren 28an emandako irizpenaren arabera, aldaketa hori “ez funtsezkoa” da, Ingurumena Babesteko Esku-hartzeari buruzko martxoaren 22ko 4/2005 Legea garatzen duen Erregelamenduaren 25. artikuluan ezarritako irizpideei jarraikiz (erregelamendu hori abenduaren 28ko 93/2006 Foru Dekretuaren bidez onetsi zen). Horregatik, ez zen beharrezkoa ingurumen baimen integratu berria ematea. Baina aldaketa “nabarmena” dela zioen, aldaketa garrantzitsuak ekartzen baititu instalazioaren funtzionamendu-baldintzetan. Hortaz, aldaketak Ingurumen baimen integratuan jaso behar dira, eta hura aldatu.

2017ko abuztuaren 23an, Ingurumen baimen integratua aldatzeko prozedura hasi zen, dagokion proiektua aurrera eraman ahal izateko, hots, ekoizpenean aldaketa bat egitea zerramen kopurua handitu eta zerrikumeena jaisteko. Horretarako, hiru nabe eraitsi, beste bat erabili gabe utzi, hainbat naberen erabilera aldatu eta haurduntzako nabe berri bat eraikiko da.

Ingurumena Babesteko Esku-hartzeari buruzko martxoaren 22ko 4/2005 Foru Legea garatzeko Erregelamenduaren 29. artikuluan ezarritako prozedurari jarraikiz tramitatu da espedientea. Erregelamendu hori abenduaren 28ko 93/2006 Foru Dekretuaren bidez onetsi zen.

Ebazpenaren proposamena instalazioaren titularrari entzunaldia emateko tramitean egon da hamar egunez, eta ez du proposamenaren aurkako alegaziorik aurkeztu.

Adierazitakoarekin bat, eta Ingurumeneko eta Lurraldearen Antolamenduko zuzendari nagusiaren urriaren 4ko 760/2016 Ebazpenaren bidez emandako eskumenak erabiliz,

EBATZI DUT:

Lehendabizikoa.–Baimentzea Barasoaingo udal-mugartean zerri ustiategi baten (umetarako zerramak eta 20 kg bitarteko zerrikumeen produkzioa) instalazioaren aldaketa nabarmena, ekoizpenean orientazio aldaketa bat egiteko, zerrikumeentzako 8.000 plaza 6 kg bitarteko zerrikumeak dituzten zerramentzako 640 plazekin ordeztuz. Hortaz, instalazioak eta jarduerak berak Ingurumen baimen integratuaren administrazio espedienteetan adierazitako baldintzak bete beharko dituzte, eta, horiez gainera, ebazpen honen eranskinean adierazitako baldintzak. Instalazioaren titularra Granja Los Alecos SL da.

Bigarrena.–Nafarroako Foru Komunitateko Hondakinen Ekoizpenaren eta Kudeaketaren Erregistroan hondakin arriskutsuen eta ez-arriskutsuen ekoizle gisa zentroak duen inskripzioa mantentzea, 15P02045007242004 zenbakiarekin. Ekoizten ahal dituen hondakinak ebazpen honen III. eranskinean jasotakoak dira. Hondakinen ekoizpenean egiten den edozein aldaketa Nafarroako Gobernuko Ekonomia Zirkularraren eta Uraren Zerbitzuari jakinarazi beharko zaio, aipatutako erregistroan sartzeko.

Hirugarrena.–Abeltegiko simaurrak ekoitzi eta kudeatzeko 0450010074/ 2/2 eta 0450010552/2/3 planak onestea.

Laugarrena.–Aldaketa abiarazi baino lehenago, titularrak martxan jartzeko erantzukizunpeko adierazpena aurkeztu beharko du Landa Garapeneko, Ingurumeneko eta Toki Administrazioko Departamentuan, Landa Garapeneko, Ingurumeneko eta Toki Administrazioko kontseilariaren abenduaren 23ko 448/2014 Foru Aginduaren 16. artikuluan xedatuarekin bat.

Bosgarrena.–Ebazpen honetan ezarritako baldintzak aplikatzen hasiko dira titularrak proiektua gauzatu dela adierazten duen erantzukizunpeko adierazpena aurkezten duen egunetik eta, zeinahi kasutan, aldaketa abian jartzen den unetik. Bitartean, indarrean dagoen Ingurumen baimen integratuan ezarritako baldintzak aplikatuko dira.

Seigarrena.–Ebazpen honetan jasotzen diren baldintzak ez betetzeak berekin dakar ingurumeneko diziplina-neurriak hartzea, hain zuzen ere, Kutsaduraren Prebentzio eta Kontrol Integratuari buruzko Legearen testu bateginaren (abenduaren 16ko 1/2016 Legegintzako Errege Dekretuaren bidez onetsia) IV. tituluan jasotakoak, ezertan galarazi gabe sektoreko legerian ezarritakoa, aplikagarri izaten segituko baitu, eta horren osagarri, Ingurumena Babesteko Esku-hartzeari buruzko martxoaren 22ko 4/2005 Foru Legearen VI. tituluan ezarritako zehapen araubidean jasotakoak.

Zazpigarrena.–Ebazpen hau Nafarroako Aldizkari Ofizialean argitaratzea.

Zortzigarrena.–Ebazpen honek ez du administrazio bidea amaitzen, eta interesa dutenek, administrazio publikoek izan ezik, gora jotzeko errekurtsoa jar dezakete, Landa Garapeneko, Ingurumeneko eta Toki Administrazioko kontseilariari zuzendua, hilabeteko epean. Administrazio publikoek administrazioarekiko auzi-errekurtsoa jartzen ahalko dute, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuari aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean. Epeak ebazpen hau jakinarazi eta biharamunetik hasita kontatuko dira.

Bederatzigarrena.–Ebazpen hau Granja Los Alecos SLi, Barasoaingo Udalari eta Ingurumena Zaintzeko Atalari igortzea, behar diren ondorioak izan ditzan.

Iruñean, 2018ko otsailaren 2an.–Ekonomia Zirkularraren eta Uraren Zerbitzuko zuzendaria, César Pérez Martín.

Oharra: ebazpen honetan aipatzen diren eranskinak interesdunen eskura egonen dira Ingurumeneko eta Lurraldearen Antolamenduko Zuzendaritza Nagusiaren bulegoetan (González Tablas kalea 9, behea, Iruña), Ingurumen Kalitatearen eta Klima Aldaketaren Zerbitzuan eta Nafarroako Gobernuaren webgune honetan: http://www.navarra.es/home_es/Temas/Medio+Ambiente/Evaluacion+ambiental/Autorizaciones+ambientales/.

Iragarkiaren kodea: F1801619