2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
IRURTZUN
Udal Planeko Hiri-jarduketarako Plan Berezia, 2.
poligonoko 289., 290. eta 291. lurzatietan.
Hasierako onespena
Irurtzungo udalak, 2018ko otsailaren 20an egindako Osoko Bilkuran, aho batez, honako erabaki hau hartu zuen:
Lehena.–Hasiera batean onestea Hiri-jarduketarako Plan Berezia (hiri antolamendua) 289., 290. eta 291. lurzatien hirigintza antolamendua aldatzeko eta jarduketako sotoan aurreikusitako parkina kentzea, Udal Plan Orokorreko determinazioak garatzeko. Pikuxar Euskal Txokoak sustatu du.
Bigarrena.–Parte-hartze plana onestea, plan hau tramitatzen hasi aurretik, Lurraldearen Antolamenduari eta Hirigintzari buruzko Foru Legearen testu bategina onesten duen uztailaren 26ko 1/2017 Legegintzako Foru Dekretuaren 77. eta 71. artikuluetan ezarritakoan oinarriturik.
Hirugarrena.–Hiri antolamendua berritzeko Hiri-jarduketarako Plan Berezia jendaurrean jartzea, hilabeteko epean, hasiera bateko onespenaren iragarkia Nafarroako Aldizkari Ofizialean, Nafarroan argitaratzen diren egunkarietan eta Udal honetako egoitza elektronikoan argitaratzen denetik kontatzen hasita. Jendaurreko epean, edozeinek aztertu ahal izango du Hiri-jarduketarako Plan Berezia eta egokitzat jotzen diren alegazioak egin.
Laugarrena.–Ebazpen hau jakinaraztea Hiri-jarduketarako Plan Bereziaren eremuan lursailak dituzten jabeei.
Irurtzunen, 2018ko martxoaren 6an.–Alkatea, Aitor Larraza Carrera.
Iragarkiaren kodea: L1803126
