1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
ERABAKIA, Nafarroako Gobernuak 2018ko otsailaren 21ean hartua, José Ignacio del Villar Cruz jauna Nafarroako Foru Auzitegi Ekonomiko-Administratiboko kide izendatzen duena.
Nafarroako Foru Komunitateko Administrazioaren Berraztertzeko Errekurtsoei eta Aurkaratze Ekonomiko-Administratiboei buruzko Erregelamenduak (uztailaren 2ko 178/2001 Foru Dekretuaren bidez onetsiak), 21.3. artikuluan, xedatzen du ezen Foru Auzitegi Ekonomiko-Administratiboko kideak Nafarroako Gobernuak izendatu eta kargutik kenduko dituela, Ekonomia eta Ogasuneko kontseilariak proposaturik, Ogasuneko teknikarien kidegoko funtzionarioen artean eta, ondorio guztietarako, Foru Komunitateko Administrazioko atalburuen pareko izanen direla.
Horrenbestez, Ogasuneko eta Finantza Politikako kontseilariak proposaturik, Nafarroako Gobernuak,
ERABAKI DU:
1. José Ignacio del Villar Cruz jauna, Nafarroako Foru Komunitateko Administrazioaren zerbitzuko ogasuneko teknikarien kidegoko funtzionarioa, Nafarroako Foru Auzitegi Ekonomiko-Administratiboko kide izendatzea.
2. Erabaki hau interesdunari jakinaraztea, eta Nafarroako Foru Auzitegi Ekonomiko-Administratiboko Idazkaritzara, Nafarroako Zerga Ogasuneko Kudeaketa-Zuzendaritzara eta Administrazio Atalera, Funtzio Publikoko Zuzendaritza Nagusira eta Ogasuneko eta Finantza Politikako Departamentuko Idazkaritza Tekniko Nagusira igortzea, behar diren ondorioak izan ditzan.
3. Erabaki hau Nafarroako Aldizkari Ofizialean argitaratzea, orok jakin dezan.
Iruñean, 2018ko otsailaren 21ean.–Nafarroako Gobernuko kontseilari idazkaria, María José Beaumont Aristu.
Iragarkiaren kodea: F1802534
