2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BARAÑAIN
Laburpena, Barañaingo Haur, Lehen eta Bigarren Hezkuntzako ikastetxeetan, 2017-2018 ikasturteko 2018ko urtarrila-ekaina aldian, eskolaz kanpoko jarduerak euskaraz eta euskararekin egiteko diru-laguntzen deialdiarena
Laburpena, Tokiko Gobernu Batzarrak 2018ko otsailaren 9an hartutako erabakiarena. Horren bidez onetsi da laguntzen deialdia 2017-2018 ikasturtean (2018ko urtarrila-ekaina aldian) Barañaingo Haur, Lehen eta Bigarren Hezkuntzako ikastetxeetan eskolaz kanpoko jarduerak euskaraz eta euskararekin egiteko.Diru-laguntzei buruzko azaroaren 17ko 38/2003 Lege Orokorraren 17.3b) eta 20.8a) artikuluetan aurreikusitakoari jarraituz, argitara ematen da deialdiaren laburpena; horren testu osoa Diru-laguntzen Datu Base Nazionalean kontsulta daiteke (http://www.pap.minhafp.gob.es/bdnstrans/GE/eu/index): DDBN (identifikazioa): 385871.
A) Onuradunak: helbidea Barañainen duten Haur Hezkuntzako, Lehen Hezkuntzako, eta Bigarren Hezkuntzako ikastetxe publiko eta itunpeko ikastetxeetako gurasoen elkarteak, udal intereseko zerbitzuak eman edo jarduerak egiten dituztenak, betiere deialdian ezarritako baldintzak betetzen badituzte eskabideak aurkezteko epea bukatzen denean.
B) Xedea: aipatu ikastetxeetan eskolaz kanpoko jarduerak egitea 2017-2018 ikasturtean eta zehazki 2018ko urtarrila-ekaina aldian (bigarren eta hirugarren hiruhilekoak), eskolaz kanpoko jardueren bidez euskarazko irakaskuntzaren kalitatea hobetzera bideratutako ekimenei euskarria emateko eta erabat akademikoak ez diren esparruetan euskararen erabilera bultzatzeko programak sustatzeko.
C) Oinarri arauemaileak: Diru-laguntzen Base Nazionalean eta Udalaren webgunean.
D) Zenbatekoa: 16.500 euro.
E) Eskaerak aurkezteko epea: 2018ko martxoaren 9an bukatuko da, 14:00etan.
Barañainen, 2018ko otsailaren 13an.–Alkate udalburua, Oihane Indakoetxea Barbería.
Iragarkiaren kodea: L1802166
