1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
139C/2017 EBAZPENA, abenduaren 28koa, Politika Ekonomiko eta Enpresarialaren eta Lanaren zuzendari nagusiak emana, Nafarroako Eraikuntzaren eta Herri Lanen Industria sektoreko hitzarmen kolektiboko Batzorde Paritarioaren akordioaren testua erregistratu, gorde eta Nafarroako Aldizkari Ofizialean argitaratzea erabakitzen duena.
Aztertu da Eraikuntzaren eta Herri Lanen Industria sektoreko hitzarmen kolektiboko Batzorde Paritarioaren akordioaren testua (31002805011981 kode zenbakia), 2018ko lan egutegia onestekoa, erregistro honetan 2017ko abenduaren 19an sartu zena, enpresaburuen ordezkariek (ACP eta ANECOP) eta sindikatu batzuetako ordezkariek (UGT eta CCOO) 2017ko abenduaren 18an sinatua, eta 2017ko abenduaren 22an zuzendua, Langileen Estatutuari buruzko Legearen Testu Bategina onetsi zuen urriaren 23ko 2/2015 Legegintzako Errege Dekretuaren 90. artikuluaren 2. eta 3. apartatuetan eta Hitzarmen Kolektiboen Erregistro eta Gordailuei buruzko maiatzaren 28ko 713/2010 Errege Dekretuan ezarritakoaren arabera. Horrenbestez,
EBATZI DUT:
1. Nafarroako Lan Hitzarmen eta Akordio Kolektiboen Erregistroan inskribatzeko agintzea.
2. Nafarroako Aldizkari Ofizialean argitaratzeko agintzea, orok jakin dezan.
Iruñean, 2017ko abenduaren 28an.–Izaskun Goñi Razquin, Politika Ekonomiko eta Enpresarialaren eta Lanaren zuzendari nagusia.
Nafarroako Eraikuntzaren eta Herri Lanen Industria sektoreko hitzarmen kolektiboaren Batzorde Paritarioa (PDFa).
Iragarkiaren kodea: F1801193
