2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
SAKANAKO MANKOMUNITATEA
Laburpena, Sakanako euskaltegietan helduak euskalduntzeko diru-laguntzak emateko deialdiarena
Diru-laguntzei buruzko azaroaren 17ko 38/2003 Lege Orokorraren 17.b eta 20.8.a artikuluetan aurreikusitakoari jarraituz, argitara ematen da deialdiaren laburpena; horren testu osoa Diru-laguntzen Datu Base Nazionalean kontsulta daiteke (http://www.infosubvenciones.es/bdnstrans/GE/eu/index), DDBN (identifikazioa): 384823.
Onuradunak eta helburua:
Oinarri hauen xedea da Sakanan helduak euskalduntzen aritzen diren euskaltegiei ematen zaizkien diru-laguntzak arautzea. 2018. urtean egiten diren ikastaroak hartuko dira kontuan deialdi honetan.
Oinarri arauemaileak:
Diru-laguntzen Datu Base Nazionalean (identifikazio kodea: 384823) eta Sakanako Mankomunitatearen webgunean http://www.sakana-mank.eus.
Laguntzetarako dagoen diru kopuru osoa:
25.000 euro.
Eskaerak aurkezteko epea:
Eskaerak aurkezteko epea 2018ko martxoaren 30ean bukatuko da 2018ko lehen hiruhilekoari dagozkion laguntzei dagokienez; ekainaren 29an, 2018ko bigarren hiruhilekoari dagozkion laguntzei dagokienez; eta 2018ko abenduaren 31n, hirugarren eta laugarren hiruhilekoei dagozkien laguntzei dagokienez.
Lakuntzan, 2018ko otsailaren 5ean.–Mankomunitateko burua, David Oroz Alonso.
Iragarkiaren kodea: L1801645